02 Wag

Al die video’s in die reeks is op hierdie Playlist by Youtube.

Die tweede element van gebed is om op die Here te wag. Dit kan op twee maniere verstaan word. En natuurlik beoefen word.

1. Die eerste manier van wag, is die erkenning van God se teenwoordigheid.

Soos Dawid dit in Psalm 27 sê:

14 Wag op die Here! Wees sterk en hou moed, ja, wag op die Here! (Ps 27:14; vgl Ps 31:25)

Let op hoe Dawid die vers begin en eindig met die opdrag om te wag op die Here. Hierdie wag op die Here is ‘n besluit wat jy neem om die Here te vertrou vir sy teenwoordigheid. Jy doen dit deur die Gees te vra om jou innerlik sterk te maak en moed te laat hou totdat die Here Homself aan jou openbaar, die middelste deel van die vers.

“Hou moed” is letterlik: “laat jou hart sterk wees”. Dws, staan eerstens sterk in jou oortuiging dat God daar is, en weier tweedens om in te gee vir enige gedagtes van moedeloosheid asof God nie bereikbaar is in gebed nie.

Dick Eastman noem dit “woordelose aanbidding”, of “stil vertroue”. Soos Dawid in Psalm 46 sê:

11Bedaar en erken dat Ek God is, Ek is verhewe bo die nasies, Ek is verhewe bo die aarde.” 12 Die Here, Heerser oor alle magte, is met ons, ‘n toevlugsoord is die God van Jakob vir ons. Sela. (Ps 46:11)

Soos die Hebreërskrywer dit stel:

Wie tot God nader, moet glo dat Hy bestaan, en dat Hy dié beloon wat Hom soek. (Hebr 11:6)

Andrew Murray sê hieroor:

“Dit is die geheim van ‘n lewe van gebed. Om tyd te neem in die binnekamer. Om te buig en te aanbid. Om te wag op Hom totdat Hy Homself openbaar en jou in besit neem en jou leer … hoe ‘n mens in ‘n blywende gemeenskap met ‘n onsigbare Here kan leef en wandel.”

2. Die tweede manier van wag, is om te wag op ‘n belofte van die Here vir ‘n saak wat jy voor Hom bring.

Jy wag op die Here dat Hy ‘n woord aan jou gee as belofte vir ‘n situasie sodat jy dit kan bid vir die situasie. Dit is dus ‘n meer aktiewe wag op die Here.

In een van die pelgrimsliedere leer die Psalmboek gelowiges wat vasgevang sit in hulle sondes om “uit die dieptes” te roep na die Here, om Hom te vra om aandagtig te luister na hulle smeekbedes, en die volk van hulle sondeskuld te bevry.

5 Ek wag op die Here; my hele wese wag, en op sy woord vestig ek my hoop6 My hele wese wag op my Heer, meer as wagte op die môre, ja, wagte op die môre. (Ps 130:5-6)

Dieselfde geld situasies waarvoor jy nie antwoorde het nie, en jy die Here se aangesig soek om insig en uitkoms.

Dit is wat ons by Habakuk leer. In Habakuk 1 worstel hy met die verval in die samelewing. Die wet het sy krag verloor. Die goddeloses omsingel die regverdiges. En Habakuk wonder hoe dit moontlik is dat die Here niks doen nie. Hy bid dat die Here sal antwoord:

1 Op my wagpos wil ek gaan staan; ek wil stelling inneem op die vestingmuur, op die uitkyk wees om agter te kom wat Hy vir my gaan sê en wat ek mense moet antwoord oor my verwyt. (Hab 2:1)

En dan kom die belofte – trouens die Here sê hy moet dit sommer op kliptafels skryf sodat mense dit maklik kan lees. Die Here gaan optree, soveel só dat Habakuk daardie beroemde woorde kan neerskryf:

“Al sou vyebome nie bot nie … nogtans sal ek jubel in die Here, sal ek juig in die God wat my verlos.” (Hab 3:17-18).

Prakties

Om te wag op die Here kan so eenvoudig wees as om doodgewoon stil te wees en jou gedagtes op Hom te fokus as Vader, Seun en Heilige Gees.

Daar is só min stilte rondom ons, soveel gedagtes wat ook in onsself rondmaal, dat ‘n paar minute van absolute stilte wondere sal verrig om jou in die teenwoordigheid van die Here in te neem.

Ek gaan egter Psalm 33 gebruik om jou te help om op die Here te wag. In die tweede deel van die Psalm word God vir sy alwetendheid (vers 13-15), almag (vers 16-19) en hulp (vers 20-22) geloof.

Die Psalm bely dat God ons denke en dade vorm as ons in ontsag vir Hom lewe. Hy sorg vir almal wat hulle hoop op Hom stel. Daarom wag ons met ons hele wese op die Here. Ek gee aan die einde van die geskrewe dokument op die webtuiste nog meer opsies vir jou gebruik in die toekoms.

Ek gaan telkens ‘n paar verse uit die Psalm lees en dan stilte met musiek op die agtergrond (Solitude) dat jy die woorde kan gebruik om tot stilstand kan kom, om op die Here te wag. Aan die einde sluit ek af met die laaste deel van die Ons Vader.

Gebed

18 Kyk, die Here hou sy oog op dié wat vir Hom ontsag het, op dié wat hulle hoop vestig op sy troue liefde.

Stilte

20 Met ons hele wese wag ons op die Here; Hy is ons hulp en ons skild. 21 Want oor Hom is ons harte verheug, ja, op sy heilige Naam vertrou ons.

Stilte

22 Mag u troue liefde oor ons wees, Here, terwyl ons op U wag!

Stilte

13 Want aan U behoort die koninkryk en die krag en die heerlikheid tot in ewigheid. Amen. (Matt 6:13)

Opsies vir die toekoms

Jy kan hierdie vyftien verwysings uit die Psalms gebruik: Ps 27:14; 33:18, 20-22; 37:34; 38:16; 59:10; 69:4; 119:43, 74, 81, 114, 147; 130:5-7; 131:3; 145:15.

Ook hierdie agt verwysings uit die res van die Bybel: Spr 8:34; 20:22; Jes 8:17; 30:18; 33:2; 40:31; 64:4; Miga 7:7.

Die derde gebed is Bely.

Al die video’s in die reeks is op hierdie Playlist by Youtube.

     

View all posts in this series

Tags:

Trackback from your site.

Leave a comment

Kommentaar en navrae

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?

  • Avatar

    Chris van Wyk

    |

    Dit was Rethie van Niekerk se preek. Sy het in die preek verwys na die Hebreeuse woorde.

    Die eerste reël (seën) het drie woorde, dan vyf woorde, dan sewe woorde.  15, 20, 25 konsonante (onthou ʾ is ook ‘n konsonant).  11, 13, 16 lettergrepe (ek het weer getel, en dit is die korrekte aantal).

    24 yĕbārekkā yĕhwâh wĕyišmĕrekā
    25 yāʾēr yĕhwâh pānāyw ʾēlêykā wîyḥunekā
    26 yiśāʾ yĕhwâh pānāyw ʾēlêykā wĕyāśēm lĕkā šālôwm

    Hoop dit maak sin.

  • Avatar

    Annemarie vn Zyl

    |

    NUM 6; GOD SE SEEN, Goeiemore
    Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.

  • Avatar

    Chris van Wyk

    |

    Dankie Corrie! Mooi jaar vir jou.

  • Avatar

    Corrie

    |

    Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.

  • Avatar

    C Joubert

    |

    Inspirerende en besielende boodskappe

  • Avatar

    Sonja Lizemore

    |

    Beste Ds Chris.
    Net n GROOT DANKIE vir die liedere. Dit is baie spesiaal.

  • Avatar

    Chris van Wyk

    |

    Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.

  • Avatar

    Carol

    |

    Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.

  • Avatar

    Chris van Wyk

    |

    Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.