Ons het met ‘n nuwe leerplan begin vir ons kinders in die kategese. Ons het twee doelwitte daarmee:
Ons wil kinders lief maak vir die Woord sodat hulle deur die lees van die Woord in verhouding sal kom met Jesus.
Ons wil hê dat kinders hulle storie sal sien as deel van God se storie en hulle lewe op hierdie pad met die Woord sal leef.
Ons gebruik die Odos-reeks vir laerskool- en hoërskoolkinders. Dit bestaan uit 8 reekse met elkeen
‘n onderwysershandleiding,
‘n kinderboek wat die kinders elke week huis toe neem. In die boek is elke week se Bybelstorie,
‘n versamel item soos kaarte, plakkers en plakkate sodat hulle nog verder aangemoedig word om meer oor God en Sy Woord te leer.
‘n Odos-toep met vrae, ouerhandleiding, video’s en opleiding vir groepleiers (https://www.odos.co.za/bybelvasvra).
ROEP DIE HERE JOU AS KATEGEET?
Ons soek kategete wat die bestaande span vir 2020 kan aanvul! Veral vir Graad 1-2 sowel as ‘n leier vir die Voorskoolse Groep. Kontak direk vir Chris of Ursula, asb.
OUERS!
Elke week word vir die ouers iets gegee wat hulle met hulle kinders kan doen. Ons wil hê dat ouers op ‘n kreatiewe manier weekliks saam met hulle kinders weer deur die verhaal gaan. Die Bybelvasvrae sal ook deel uitmaak van hierdie ouer betrokkenheid. Ons bid dat die Bybelstories weer in huise sal herleef en op so ‘n wyse by ons kinders vasgelê word.
BEGELEIDING
Jy kan staatmaak daarop dat ons deurlopend die kategete sal begelei met ekstra hulpmiddels. Kom ons maak 2020 die Jaar van die Bybel, die jaar wat ons alles insit om ons kinders aan die Here self deur sy Woord en Gees te verbind.
INDELING VIR KINDERS – Sondag 10:00
Ons vra dat die ouers saam met hulle kinders in die kerk agterbly vir die indeling en ‘n kort verduideliking van die program en hoe ouers hulle kinders kan begelei deur die jaar.
INDELING VIR TIENERS – Sondag 17:30
NB – Ons vra dat die ouers saam met hulle kinders kerk toe kom vir ‘n kort verduideliking van die program en ‘n gesprek oor die moontlikheid van ‘n jeugdiens Sondagaande. Daar sal ook ‘n vrugtefees wees daarna!
Bybelgenootskap vier vanjaar hulle 200ste verjaarsdag. In November kom daar ook ‘n splinternuwe Afrikaanse vertaling, die Bybel Direkte Vertaling, of kortweg, die 2020-Bybel.
Ons vier hierdie Jaar van die Bybel met ‘n Eenjaar Bybelleesprogram.
Lees die Bybel deur in 2020!
Lees vier hoofstukke per dag uit die OT en NT om die Bybel in een jaar deur te lees.
Die gedeeltes uit die OT bevestig jou in die verhaal van God se seën vir almal en alles wat bestaan.
Die gedeeltes uit die NT bevestig jou in die verhaal van Jesus en sy kerk wat die boodskap van verlossing na alle nasies toe neem sodat hulle die ewige lewe kan beërwe deur geloof en gehoorsaamheid.
Die gedeeltes uit Psalms vorm daagliks jou gebede.
Ek het lidmate gevra wat die leeswerk vir hulle beteken en of ek moet aanhou om my daaglikse Whatsapp boodskap te stuur. Hier is van hulle antwoorde:
(as jy nog wil inskakel, stuur net vir my jou selnommer na nul-agt-twee-574-9191 met jou naam en van, en lys my as ‘n kontak op jou selfoon sodat jy my whatsapps kan ontvang)
Lees vier hoofstukke per dag uit die OT en NT om die Bybel in een jaar deur te lees.
Die gedeeltes uit die OT bevestig jou in die verhaal van God se seën vir almal en alles wat bestaan.
Die gedeeltes uit die NT bevestig jou in die verhaal van Jesus en sy kerk wat die boodskap van verlossing na alle nasies toe neem sodat hulle die ewige lewe kan beërwe deur geloof en gehoorsaamheid.
Die gedeeltes uit Psalms vorm daagliks jou gebede.
Ek onthou ‘n keer toe ons gesin op pad Kaap toe was. Met een van my Jettas. Wat ‘n lekker motor vir sy tyd. Dié dag was daar egter fout. Die enjin wou nie lekker krag lewer nie. As jy gewone spoed probeer ry, dan lewer die enjin al hoe minder krag. Die enigste manier was om voet in die hoek te ry. Want dan was daar krag. Die oomblik as ek normaal probeer ry het, dan wou-wou die enjin net vrek.
Maar, dit kon tog nou nie só aangaan nie. Ek draai toe in by Humansdorp na die Volkswagen garage. Die fout was toe al die tyd ‘n filter. ‘n Petrolfilter. Nogal ‘n diens gehad net voor die rit. Die petrolfilter was egter ‘n prul. Nuwe woord wat ek geleer het. Dit is wat in Engels ‘n “dud” genoem word. ‘n Prul. ‘n Pure Petrolfilter Prul.
‘n Paar rand later en ons kon normaal ry, tot verligting van my gesin …
Ek wonder as jy terugkyk na hierdie jaar of daar nie ook sulke momente was vir jou nie. Jou lewe verloop so normaal soos altyd. Dan skielik is daar ‘n haakplek.
Jy kry ‘n pyn wat soos sooibrand voel, en ‘n week later lê jy in die hospitaal met ‘n angiogram. Gelukkig is die stente van ‘n bietjie meer gehalte as die pure prul van ‘n petrolfilter wat ek eenkeer gekry het.
Of jy word gekonfronteer met die dood van ‘n geliefde. En maak nie saak of dit nou lank verwag was of aardskuddend skielik, dit is altyd ontwrigtend. Jy kan nie voortgaan asof alles normaal is nie.
Ons as gemeente het ook beleef dat ons tot stilstand geruk is met ons begroting wat net nie meer wou uitwerk nie. Ons het vir jare probeer byhou, voet in die hoek, maar die kummulatiewe effek van ‘n stagnerende inkomste en die stygende kostes het ons by baie moeilike keuses gebring.
Die effek daarvan sal ook nog lank by ons bly al het ons gemeente darem goed op opgelig hier aan die einde met ons Tiendemaand dankofferfees, en die Kersfees-kermis. Ons gebede sal egter bly vir almal wat deur die ontwrigting geraak is.
Ons as kerk het ook beleef dat die besluite van die Algemene Sinode van 2019 ‘n wye rimpeleffek gehad het op sinodes en gemeentes. Talle sinodes, ringe en gemeentes het reeds gesprekke gehad. Talle doleer. Presies wat die gevolge daarvan sal wees, sal eers mettertyd regtig sigbaar word.
Hi Almira, groei kom deur ‘n verhouding met die Here Jesus. Gesels met ‘n geestelike leier daaroor. Skakel in by ‘n Bybelleesprogram. Daar is ‘n paar opsies by bybelskool.com. Of begin sommer net om ‘n Psalm ‘n dag te lees vir beloftes en opdragte. Deur die Here te vra om die beloftes vir jou waar te maak, en die opdragte uit te voer, sal jou nader bring aan die Here. ‘n Kleingroep en Erediensbywoning kan ook baie help, soos ook dienslewering en getuienis.
Chris van Wyk
| #
Hi Almira, groei kom deur ‘n verhouding met die Here Jesus. Gesels met ‘n geestelike leier daaroor. Skakel in by ‘n Bybelleesprogram. Daar is ‘n paar opsies by bybelskool.com. Of begin sommer net om ‘n Psalm ‘n dag te lees vir beloftes en opdragte. Deur die Here te vra om die beloftes vir jou waar te maak, en die opdragte uit te voer, sal jou nader bring aan die Here. ‘n Kleingroep en Erediensbywoning kan ook baie help, soos ook dienslewering en getuienis.
Almira
| #
Ek wil graag groei in my christelike lewe
Mariette
| #
Geseënd. Baie dankie.
Warm groete uit London
Chris van Wyk
| #
Wonderlik, Hannes!
hannes du toit
| #
Ek ervaar vrede,vreugde en gemoedsrus omdat ek weereens bevstiging gekry het dat ek deel is van God se plan van die ewige lewe.