KERSSANGDIENS – Soos ‘n Herder versorg God sy skape – Jesaja 40:1-11

KERSSANGDIENS
Tema: Soos ‘n Herder versorg God sy skape – Jesaja 40:1-11
Tweede Sondag in Advent – VREDE
Somerstrand 6 Desember 2020 op YouTube 09:00

Vooraf

Vonkk 432

Kom ons loof die Hemelkoning! – Serenata CD, snit 13

Verwelkoming

Baie welkom.

Daar is niemand wat vandag verjaar nie, maar Willem du Randt verjaar die week  en sal dan 11 jaar oud wees. Baie geluk. Julle kan die verjaarsdaglys gebruik om mekaar die week geluk te wens.

Dit lyk ook asof dit relatief goed gaan met die siekes in ons gemeente. Ons is die Here baie dankbaar!

Tweede Sondag in Advent

Dit is die tyd van Advent. Die 2de Sondag in Advent.

Ek hoop julle het ‘n Adventskrans gemaak. Soos hierdie voorbeeld. Dit sal jou help in hierdie tyd om te fokus op die boodskap van Advent. Ek hoop die kinders kan nog onthou waarvoor elke kers staan.

  • Die 1ste Advent vier ons wat? Ja, die HOOP wat die geboorte van die Here Jesus Christus ons bring. Daarom steek ek vandag die eerste kers aan.
  • Die 2de Advent vier ons wat? Ja, die VREDE wat die geboorte van Jesus ons bring. Ek steek vandag daarom ook die tweede kers aan.
  • Die 3de Advent vier ons wat? Dit is die pienk kers … Ja, die VREUGDE wat die geboorte van die Here Jesus ons bring. Ons steek daardie kers volgende week aan.
  • Die 4de Advent vier ons wat? Ja, die LIEFDE wat God vir ons met die geboorte van Jesus bewys. Ons steek daardie kers die Sondag voor Kersfees aan.
  • Op Kersdag steek ons dan die 5de kers aan. Die Christuskers.

Ek hoop ook julle kon ‘n Adventskalender maak. Want dit is darem lekker as ‘n mens ‘n verrassing elke dag van die week kry, nè? As julle nog nie het nie, daar is nog tyd. Die inligting is op die web en die boek wat julle kan lees om te fokus op die lewe van Jesus – sy geboorte en kinderverhale.

Verloop van die diens

Ons wissel sang en Skriflesing met mekaar af, sonder aankondiging, soos ons dit altyd doen by ‘n Kerssangdiens. Die insette is gekies om deur die vier boodskappe van Advent te werk – Hoop, Vrede, Vreugde, en Liefde. Ek sal ‘n kort woord spreek wanneer vandag se tema, Vrede, aan die orde kom.

Dankie aan Albert Troskie, Erika Bothma, Janneke Jacobs, Lize Muller, Chris du Plessis, Nina en Jean le Roux, Ankia Weitz, Anke en Alexander Serfontein, en Andra en Linus Serfontein.

Youtube

Teken in op ons Youtube kanaal met die rooi subscribe knoppie.

Votum en seëngroet

10 Die septer sal nie van Juda wyk nie, ook nie die heerserstaf tussen sy voete nie, totdat hy aan wie dit behoort, kom, en volke aan hom gehoorsaam is. (Gen 49:10 – 2020-vertaling)

Genade en vrede van Hom wat was en wat is en wat kom.

Lied 355-367

Al was ek nie daar nie | Ere aan God

HOOP

Jesaja 11:1-8

Lize Muller

Romeine 15:7-13

Chris du Plessis

Lied 542

Jesus ons loof U

VREDE

Halleluja

O loof en prys die Heer!

Filippense 4:4-7

Nina le Roux

Hosanna, hosanna!

Dit wil ons sing, en ere aan Jesus, dit wil ons bring

Prediking

Die teks vir vandag is Jesaja 40:1-11 (ABA).

Die volk is in ballingskap. Dan hoor hulle hierdie wonderlike boodskap van Jesaja:

Dit sal nou beter gaan

“Die profeet het gesê: “Julle moet vir my volk sê dit sal nou beter gaan, julle moet sê dit sal beter gaan.” Dit sê julle God. “Julle moet die mense van Jerusalem bly maak, julle moet vir hulle sê hulle is nou nie meer slawe nie, hulle het klaar swaargekry. Ek het hulle klaar gestraf oor al hulle sondes.”

Die Here sal verskyn

Iemand het geskree: “Julle moet in die woestyn ‘n pad gereedmaak vir die Here, julle moet die pad gelykmaak vir ons God! Julle moet al die valleie toegooi met grond en julle moet al die berge plat maak, julle moet die heuwels wegvat sodat die grond gelyk is. Dan sal die Here verskyn en Hy sal vir almal wys Hy is die Koning. Die Here self het gesê dat Hy dit sal doen.” Iemand het gesê: “Jy moet hard praat sodat almal jou kan hoor.” En ek het gesê: “Wat moet ek sê? Mense is soos gras, ook as hulle mooi en goed is, is hulle soos die veldblomme. Wanneer die Here die wind laat waai oor die gras en die blomme, dan word hulle droog en hulle verlep. Ja, die mense is soos gras. Gras en blomme word droog en verlep, maar die dinge wat ons God sê, sal nooit verander nie.” Mense van Jerusalem, mense van Sion, julle moet die boodskappers wees wat die goeie nuus bring. Julle moet hoog op ‘n berg klim en hard skree. Julle moenie bang wees nie, julle moet vir die stede van Juda sê: “Hier kom julle God! Kyk, die Here kom, Hy is die Sterk God, Hy kan doen wat Hy wil doen. Kyk, Hy bring sy mense saam, sy volk is by Hom. Hy sal vir hulle sorg soos ‘n herder vir sy skape sorg. Hy sal die skaap-lammers bymekaarmaak en teen sy bors dra, Hy sal die ooie wat lammers het, so lei dat hulle nie seerkry nie.”” (ABA)

Moeilike jaar

2020 was ‘n baie moeilike jaar. Met die virus. Met die inperking. Met die skool. Met ons besighede. Met die onrus in die land. Armoede. Werkloosheid. Opstande.

Dit is dan goed om hierdie goeie nuus in Jesaja te lees.

Goeie nuus vir die ballinge

Die mense in ballingskap het nie maar net vir ‘n jaar lank swaar gekry nie. Dit het uiteindelik 70 jaar lank geduur.

Die mense wat in Jerusalem en in die land agtergebly het, het dit nie veel beter gehad nie. Niks het gewerk nie. Niks was seker nie. Geen strukture het veiligheid verskaf nie.

Dan sê Jesaja: “Dit sal nou beter gaan.” Julle swaarkry is verby. Ek het julle klaar gestraf vir julle sondes.

God self gaan nou verskyn. Hy sal vir almal wys dat Hy die Koning is. Trouens, dat Hy hulle Koning is.

Hy sal vir hulle sorg soos ‘n herder vir sy skape sorg. Hy sal hulle soos skaap-lammers bymekaarmaak en aan sy bors dra. Hy sal sorg dat hulle nie seerkry nie. Hulle sal weer vrede ervaar.

Goeie nuus vir ons

Ons weet dat hierdie goeie nuus in vervulling gegaan het aan die einde van sewentig jaar. ‘n Eerste rondte vervulling. Die Jode het teruggetrek na hulle eie land. Die Here het hulle bymekaar gemaak. Hulle het weer vrede in hulle eie land beleef.

Ons weet ook dat daar ‘n tweede rondte vervulling was van hierdie profesie. Johannes die Doper het gekom en ‘n pad in die woestyn gereed gemaak vir die Here Jesus se eerste koms na die aarde.

En daar het groot vrede gekom. Vir blindes en kreupeles, vir gevangenes en gebrokenes. ‘n Vrede wat versprei het oor die aarde en ook in ons tot rus gekom het.

Christus het vrede gebring

Ons vier in hierdie tyd van Advent die vrede wat Christus gebring het. Want, Hy is ook ons Herder. Hy is die Een wat ook vir ons vertroos en beskerm en sagkens met ons werk.

Dit is waarin die boodskap ook vir ons lê in die voortslepende trauma van hierdie jaar. Ons hoef nie oorweldig deur die nood en geweld in ons wêreld nie.

Kyk, hier is jou God! sê Jesaja. Hy is die Sterk God. Hy kan doen wat Hy wil doen. Hy is ons Herder. En Hy bring die vrede waarna jy met jou hele wese smag!

VREUGDE

Lied 363

In die nag by hulle weiding

Lukas 2:8-14

Ankia Weitz

Lied 370

Eng’le uit die hoogste hemel (Serenata CD snit1)

Lukas 2:15-20

Jean le Roux

Kom almal besing met ‘n vrolike stem

Die wonder van God, Vors van vrede

LIEFDE

1 Korintiërs 13:1-7

Anke en Alexander Serfontein

1 Korintiërs 13:8-13

Andra en Linus Serfontein

Loof heel die skepping

Verhef u stem om Hom te eer!

Lied 348

Stille nag

Gebed

Seën

En die gemeente sê:

Lied 189

Halleluja

Dankoffers

Jy kan nou met Snapscan of EFT jou dankoffer inbetaal.

‘n Wonderlike Adventstyd!

 

View all posts in this series

Lewer kommentaar

This site uses Akismet to reduce spam. Learn how your comment data is processed.