Die Gees begelei ons om reg te doen en lief te hê – 1 Joh 3

14-20 Junie 2015 in voorbereiding vir die erediens 21 Junie

RUS

  1. ‘n Mens raak van die Gees bewus wanneer jy stil word en aan die verborge dinge in jou lewe dink, dinge waarvoor jy waardering het (troos), of dinge wat jou ontstel (ruk).
  2. Dink dus terug aan die dinge waaroor jy dankbaar is, die “heilige momente” in jou lewe waarin jy God se seënende hand in jou lewe kan raaksien. Gee vir elkeen tyd hiervoor in die groep.
  3. Dink ook terug aan dié dinge wat jou ontstel het, wat jou binneste op hol jaag. Só raak ‘n mens bewus van jou behoefte aan God … en van hoe Hy daardie behoefte kan bevredig. In dié terugdink – begin die Gees met jou praat!  Gee vir elkeen tyd hiervoor in die groep.
  4. Laat iemand met ‘n gebed begin.

LUISTER

  1. Ons kom aan die einde van ‘n kwartaal waarin ons op die Persoon en werk van die Heilige Gees gefokus het. Deel met mekaar wat julle hierdie kwartaal van die Gees geleer en ervaar het.  Dit kan ook dié dinge insluit wat julle nou met die RUS beweging ervaar het.
  2. Lees 1 Johannes 2:24-3:24 en gesels eers spontaan oor wat julle in die gedeelte aanspreek – wat julle ruk en/of wat julle troos. Dit is belangrik om eers te fokus op wat jy self gehoor het en dít te deel met mekaar.
  3. Deel ook met mekaar hoe dié teks aansluit by dinge waaroor jy nagedink het in die RUS gedeelte.
  4. Fokus nou op 3:10 soos in The Message weergegee: “Here’s how you tell the difference between God’s children and the Devil’s children: The one who won’t practice righteous ways isn’t from God, nor is the one who won’t love brother or sister. A simple test.” Wat hoor julle in dié uitspraak van Johannes?

LEEF

  1. Die Gees wat in ons bly, is die Een wat ons hierin begelei, sê 3:10. Hoe doen die Gees dit?  Hoe kan ons meer bewus met Hom saamwerk?
  2. Johannes lê 3:10 verder uit in die twee perikope wat daarop volg. Die eerste wy uit oor die liefde vir mekaar wat prakties moet wees (3:11-17). Die tweede wy uit oor die vrymoedige gebed dat reg sal geskied (3:18-24 – hy verwys bv. na praktiese dade, opregtheid, God se gebooie gehoorsaam, doen wat God goedvind).  Hoe kan julle dié week die Heilige Gees toelaat sodat julle in liefde vir mekaar en julle die gebed vir en die doen van geregtigheid kan toeneem?
  3. Bid vir mekaar dat ons die moed sal hê om die Gees se begeleiding hierin te gehoorsaam. Gebruik ook die gebedsriglyne in die aankondigings.
Continue Reading

Gesalf met die Heilige Gees om soos Jesus te leef – 1 Joh. 2

RUS

Jou identiteitsboek is die wettige dokument wat dien as bewys van wie jy is.  Dit bevestig ook jou nasionaliteit.  Met hierdie inligting kan jy ook ‘n paspoort bekom wat jou toegang gee tot lande waar jy ‘n onbekende is.

1 Joh 2 beskryf die identiteit van wie jy as kind van God is.  Dit begin reeds in 1 Joh 1.  Lees deur die hoofstukke en kyk hoeveel keer daar iets in die verband gesê word.  Wat beteken dit vir jou? Gesels in die groep daaroor.

Neem tyd om in stilte na te dink oor jou identiteit in Christus.

Waarvoor sal jy die Here wil dankie sê?

HOOR

Ons tema is Gesalf met die Heilige Gees om soos Jesus te leef.  Lees 1 Joh 2:20 saam met 1 Joh 2:6.

Lees ook 1 Samuel 9 – 10:9.  Wat beteken die salwing vir Saul?  Hoe het die salwing Saul se identiteit verander?

Die naam Messias beteken gesalfde.  Lees Jesaja 61:1-2 en Lukas 4:16-21.

Nou sê 1 Joh 2:20 Jesus, die Gesalfde, het ons met die Heilige Gees gesalf.

Verbind al hierdie gedeeltes met mekaar.  Wat beteken dit vir julle en wat sê dit vir ons oor ons identiteit in Christus?

In watter posisie plaas dit ons teenoor die Bose en duisternis van hierdie wêreld?

LEEF

Ons is Gesalf met die Heilige Gees om soos Jesus te leef.  Wat beteken dit prakties?  Volg die leidrade in 1 Joh 2 en die ander teksgedeeltes.

Andersom gesê: Hoe lyk die identiteitsboek wat jy van Jesus ontvang?

Watter identiteits-verandering moet daar by jou wees?

Bid saam om af te sluit.

Continue Reading

Johannes 16:12-15 – Word gelei in die waarheid

1 Junie – 7 Junie

Rus

  • Deel met mekaar hoe julle die afgelope week die Gees wat lewe bring vir ander ervaar het.
  • Laat iemand met ʼn gebed begin.

Luister

  • Lees Johannes 16:5-15 saam.
  • Fokus veral op verse 12-15 en gesels oor wat vir julle in die teks aanspreek.
  • Gesels oor die stelling “Hy julle in die hele waarheid lei”, wat beteken hierdie stelling vir jou?
    • Watter rol speel hierdie stelling tans in jou lewe?
    • Gesels oor die kompleksiteit van hierdie stelling?
    • Hoe beïnvloed hierdie stelling jou geloof?

Leef

  • Wat is die een ding wat jy vandag met jou saamvat uit die luister na die Woord en na mekaar? Dra mekaar op aan die Here en deel dit volgende week met mekaar.
Continue Reading

Johannes 7:37-39 – die Gees bring lewe vir ander – 25-31 Mei

25-31 Mei 2015 in voorbereiding vir die erediens 31 Mei

RUS

  1. ‘n Mens raak van die Gees bewus wanneer jy stil word en aan die verborge dinge in jou lewe dink, dinge waarvoor jy waardering het (troos), of dinge wat jou ontstel (ruk).
  2. Dink dus terug aan die dinge waaroor jy dankbaar is, die “heilige momente” in jou lewe waarin jy God se seënende hand in jou lewe kan raaksien. “Being grateful is a way of listening, a way of noticing God in the story of your life. And that gratitude will lead us to joy.” (Kerry Kent – Listen: finding God in the story of your life). Gee vir elkeen tyd hiervoor in die groep.
  3. Dink ook terug aan dié dinge wat jou ontstel het, wat jou binneste op hol jaag. Só raak ‘n mens bewus van jou behoefte aan God … en van hoe Hy daardie behoefte kan bevredig. In dié terugdink – begin die Gees met jou praat! Gee vir elkeen tyd hiervoor in die groep.
  4. Laat iemand met ‘n gebed begin.

LUISTER

  1. Deel met mekaar wat julle in die nadenke oor die Gees se werk in julle lewe ervaar het.
  2. Lees Johannes 7:37-39 en gesels eers oor wat julle in die gedeelte aanspreek – wat julle ruk en/of wat julle troos.
  3. Deel met mekaar hoe dié teks aansluit by dinge waaroor jy nagedink het in die RUS gedeelte.
  4. Fokus nou op vers 38: “Met die een wat in My glo, is dit soos die Skrif sê: Strome lewende water sal uit sy binneste vloei.” Letterlik: “Uit sy binneste (maag/binnekant – figuurlik gebruik: binneste) sal lewende (vars, verkwikkende) water vloei.” Wat hoor julle in dié uitspraak van Jesus?

LEEF

  1. Jesus sê hier dié wat in Hom glo, dié wat die ewige lewe hét, kanale van lewende water sal wees wat ‘n impak in die wêreld sal maak! Dit is wat die Gees in en deur ons lewe wil doen. Hoe kan julle dié week die Heilige Gees toelaat om julle kanale van lewende water vir mense rondom julle te laat wees?
  2. Bid vir mekaar dat ons die moed sal hê om die Gees hierin te gehoorsaam. Gebruik ook die gebedsriglyne in die aankondigings.
Continue Reading

Inspiratus: 10-17 Mei

Pinkster 2015: InspiratusWeek van 10 tot 16 Mei se kleingroepmateriaal, in voorbereiding vir 17 Mei se eredienste

RUS

  • Laat iemand bid en die Here vra om julle te help om te LUISTER na God se Woord en te LEEF soos wat God vra.
  • Vertel vir mekaar wat op die oomblik in jul lewens aangaan.
  • Gesels oor jul kennis en ervaring van die Heilige Gees. Wat weet julle van die werk van die Gees?  Wat wonder julle?  Hoe beleef julle die werk van die Gees in jul lewens?

HOOR

Continue Reading

Sagaria 4:1-14 – die moed om te volhard

Begeesterd3-9 Mei 2015 in voorbereiding vir die erediens 10 Mei

RUS

1.  Vertel mekaar ‘n kort verhaal van ‘n groot uitdaging waarvoor jy gestaan het, en iemand jou bemoedig het. Wat het dit vir jou beteken?

2.  Raak stil en laat iemand die volgende teks deurlees: “Nie met mag en krag sal jy slaag nie, maar deur my Gees, sê die Here die Almagtige.” (Sagaria 4:6). Oordink die betekenis daarvan vir jou en laat iemand na twee minute ‘n kort gebed doen.

LUISTER

3.  Daar is baie op die spel in die stad Jerusalem. Die profeet Haggai het ‘n nuwe motivering gebring om die tempel te herbou met sy vier profesieë ‘n skrale ses maande tevore in 520 v.C. Net die fondamente van die tempel is egter nou al gelê. Die werk was nog baie en die pad na die einde nog lank en swaar. Daarom gee die Here vir die profeet Sagaria agt visioene Donderdagnag die 15de Februarie 519 v.C. Hierdie vyfde visioen se boodskap is bedoel vir die politieke leier, goewerneur Serubbabel, en die volk.

4.  Lees Sagaria 4:1-14.

5.  Wat tref jou in hierdie gedeelte?

6.  ‘n Paar opmerkings om jou te help sin maak van die gedeelte:

  • Die goue kandelaar (menora) met sewe arms is die klassieke prentjie van die geloofsgemeenskap (vgl. Openbaring 1-3).
  • Die twee olyfbome is simbole van die twee leiers, die hoëpriester Jesua en die goewerneur Serubbabel. Hulle is ook die twee gesalfdes van die Here, letterlik “seuns van olie”, wat op politiese en godsdienstige vlak leiding (moet) neem.
  • Die verklaring van die sewe oë is eintlik bedoel vir die vorige visioen. Dit dui op God se alomteenwoordigheid.

7.  Dink na oor wat dit beteken dat die Here vir Serubbabel, die goewerneur, sê dat hy “nie met mag en krag” sal slaag nie, maar deur God se Gees (vers 6).   Watter boodskap het dit vir jou? En vir ons gemeente en land?

8.  Dink na oor wat dit beteken dat die Here vir Serubbabel verseker dat hy die tempel se herbou projek sal klaar maak, vier jaar voordat dit inderdaad gebeur het, in 516 v.C. (vers 7-9). Watter boodskap het dit vir jou? En vir ons gemeente en land?

9.  Watter boodskap het dit vir die volk ingehou dat die Here hom (en die volk) oproep om nie die: “dag van klein dingetjies”, gering te ag nie (vers 10)? Watter boodskap het dit vir jou? En vir ons gemeente en land?

LEEF

10.  Sagaria leer ons dat deur te fokus op die stukkie vir stukkie vordering met die werk wat elke dag gedoen word, word alle berge uiteindelik gelyktes. Dit is hoe die Gees werk. Ook in jou lewe. Watter werk het die Here vir jou gegee om te voltooi? Dink aan dinge in die gesin/familie, gemeente en wêreld.

11. Bid vir mekaar dat ons die moed sal hê om God se werk te voltooi. Gebruik ook die gebedsriglyne.

Continue Reading

Kommentaar en navrae

  • Avatar

    Radie Rademeyer

    |

    Goeie dag
    Ek is n 79 jare oue mans persoon gesond sterk en baie gesond Ek sal baie graag by iemand wil bly wat hulp nodig het met vervoer om takies te verrig te help waar ek kan inslaap
    My naam is Radie Rademeyer kontak nommer 0732641032 verwysings beskikbaar

  • Avatar

    Chris van Wyk

    |

    Die probleem is dat eiename gewoonlik nie “die” vooraan het nie. Miskien moet mens dit as ‘n titel beem, want dsn maak die “die” sin. “Die Christus.” “Die Duiwel.”

  • Avatar

    mariette

    |

    ‘n Goeie môre vanuit en van die Baai se tipiese dae….
    Ernst sê:
    “Die gebruik van die hoofletter het met “sterstatus” eintlik bloedweinig te doen – wel met die spelreël in die AWS wat bepaal dat eiename so geskryf word. Vgl ook “die Bose” in Mat 13:19.”
    Persoonlik glo ek dat die betrokke vertalings ook maar saamhang met die ‘geloofsoortuiging’ van die betrokke partye, soos gees of met die hoofletter by Gees – soos dit in Johannes 3,en veral by 4:23-24, vertaal word.

    ‘n Baie geseënde dag toegewens, met ‘n hand-aan-hand se stap saam met Jesus in jou gees.

  • Avatar

    Mariette

    |

    Lekker as iemand so wakker loop, Alwyn.
    Ek het julle twee se opmerkings vir Ernst (Kotzé) aangestuur. Dan hoor ons bietjie wat hy sê.
    Seëngroete

  • Avatar

    Chris van Wyk

    |

    Ek weet nie regtig die rede nie. Die 2020-vertaling vertaal al tien voorkomste van Duiwel in die NT regdeur met ‘n hoofletter. Dit is nogal vreemd met die “die” vooraan.

  • Avatar

    Alwyn Du Plessis

    |

    Askies 2020 vertaling Nie 2920 nie

  • Avatar

    Alwyn Du Plessis

    |

    Môre Chris .Help asseblief. Hoekom verkry die duiwel sterstatus in 2920 Bybelvertaling met ‘n hoofletter D Efesiers 4:27
    Groete

  • Avatar

    Chris van Wyk

    |

    Ons gaan voort met daardie diens. Marlein van Deemter hanteer dit.

  • Avatar

    Chris van Wyk

    |

    Oor die “ware” vertaling. Elke vertaling het sy waarde. Die 1983-vertaling is in makliker Afrikaans, maar meer onakkuraat. Die 1953-vertaling is ouer Afrikaans, maar baie na aan die oorspronklike teks. Die 2020-vertaling is meer moderne Afrikaans, maar ‘n meer direkte vertaling van die oorspronklike teks. Ek gebruik self nou die 2020-vertaling, maar lees ook graag in die ESV en die NET Bible. Kyk op Youversion se Bybeltoepassing.

  • Avatar

    Chris van Wyk

    |

    Hi Francois, dit is die 2020-vertaling van Bybelgenootskap. Jy kan dit gratis lees by https://biblesa.co.za/ of op hulle toep.

  • Avatar

    Francois Smith

    |

    Geagte Dr Chris van Wyk : ek het na U video geluister “WAARHEID vs DWALLEER , en omdat ek self ook in ons Wonderlike Vader Almagtig se Woord leef, het ek na die video tot die slotsom gekom dat die leiers in die Algemene Sinode ons Wonderlike Vader Almagtig GLADNIE KEN NIE , want net onkundige nie-weergebore mense kan die besluite neem wat hulle neem, soos U ons dit onder die aandag gebring het. Dr Chris, ek wil net weet uit watter Afrikaanse Bybel Vertaling leef en werk U , want ek herken nie die Woord wat U op die video gegee het. Ek het by Kairos Netwerk aangesluit om deel te wees van die soeke om die NG Kerk te stig in die volmaakte waarheid van ons Wonderlike Vader Almagtig, en dit was dan ook op Kairos Netwerk se whatsapp-groep lommunikasie waar ek hierdie week U genoemde video gesien het. Daar is 5 Afrikaanse Bybels op die mark, en meer as 360 Engelse Bybels…….WAT is volgens U die WARE Afrikaanse en Engelse Vertaling van al hierdie Bybels? Elke mens het ‘n unieke vorm van SPRAAK(Joh 8:43,44), en dan ook nog meer ons Wonderlike Vader Almagtig, dan ontstaan die HOE kan ons Vader Almagtig MEER as EEN vorm van spraak he’, vanwee al die verskillende vertalings? WIE in die Leierskap van die Kerklike Denominasies, KEN NIE die WARE SPRAAK van ons Wonderlike Vader Almagtig ? Daarom my vraag aan U, want indien ons die Evangelie van ons Vader Almagtig verdraaid aan mense verkondig, SAL hulle BLOED op ons hoofde wees. Vrede en liefde in Christus Jesus het ek vir U en die mede Gelowiges. Amen.

  • Avatar

    brian strydom

    |

    sal plasing van studente verblyf advertensie voortgaan?
    die dame wat oorbodig verklaar is was onseker
    mooi loop. Brian

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?