Written by Marlein van Deemter on . Posted in Kleingroepmateriaal, Materiaal. No Comments on Handelinge 17:22-31 – 19-25 Mei
Gee geleentheid dat elkeen iets deel wat gebeur het sedert julle laas by mekaar was.
RUS
Deur Hom lewe ons, beweeg ons en bestaan ons (Hand. 17:28a). Raak stil. Lees Hand 17:28a rustig. Gee ruim (minstens 5 min) stilte dat almal oor die woorde kan reflekteer. Gee geleentheid vir gebed om te reageer op die woorde van die teks.
Written by on . Posted in Materiaal. No Comments on Handelinge 2:42-47 – 4-10 Mei
Gee geleentheid dat elkeen iets deel wat gebeur het sedert julle laas by mekaar was.
Ons gaan in die Skrifgedeelte fokus op die eerste gemeente se geloofsgewoontes. Een daarvan was gebed. Neem Psalm 23 en gee aan elkeen ’n vers daaruit om in sy gebed te gebruik. Laat elkeen dan in volgorde ’n kort gebed rondom die gedagtes in dié vers bid. (Gebruik dié manier van bid gereeld. Julle kan dit met ander Psalms en selfs ook ander dele van die Bybel gebruik, óf in die kleingroep óf by jouself in jou binnekamer.)
Written by Marlein van Deemter on . Posted in Kleingroepmateriaal, Materiaal. No Comments on Handelinge 2:36-41 – 27 April tot 4 Mei
Week van 27 April tot 4 Mei
Petrus roep die Jode op tot bekering – Handelinge 2:36-41
Gee geleentheid dat elkeen iets deel wat gebeur het sedert julle laas by mekaar was.
Donderdag is Werkersdag en Sondag is Arbeidsondag. Raak stil en dink ná oor die afgelope week. Wat het alles gebeur? 1 minuut stilte. Hoe het die Here in en deur jou lewe gewerk die afgelope week? 2 minute stilte. God nooi jou uit om stil te word en te rus. Ontvang die Sabbatsrus wat God gee. 2 minute stilte.
Sê amen en gee geleentheid dat mense kan deel wat hulle ervaar het in hierdie tot-rus-kom tyd.
1. Lees Handelinge 2:36-41.
2. Deel met mekaar wat julle in dié gedeelte tref.
3. Kyk weer na Petrus se woorde in vers 36. Wat sê dit oor God, Jesus en die gehoor (ons)?
4. Die eerste oes word op die Oesfees ingesamel, drieduisend bekeerlinge! Let op dat hulle bekering met drie dinge te make het: ’n wegdraai van die sonde (ook die sonde van die kruisiging), ’n doop in die Naam van Jesus, waarmee hulle aan Hom verbind word, en die gawe van die Heilige Gees (dieselfde Gees as wat hulle so pas gesien en ervaar het in die lewe van die apostels). Dié boodskap is vir almal, spel Petrus dit vir hulle uit, ook vir dié wat daar ver is, waarmee waarskynlik die nie-Jode en heidene bedoel word, hoewel dit ’n tyd sou duur voor hulle hiervan werk sou maak. Vertel vir mekaar hoe julle bekering beleef. Watter rol speel die wegdraai van sonde, die doop en die Heilige Gees in ons (daaglikse?) bekering?
5. Kyk hoe word Petrus se optrede in vers 40 beskryf: hy getuig en spoor aan. Vertel van ’n geleentheid wat iemand se optrede teenoor jou getuig en jou aangespoor het. Hoe kan jy deur jou eie optrede getuig en aanspoor?
Waartoe roep die Here julle nou? Deel dit met mekaar en dra mekaar in gebed aan die Here op.
Die Skrifgedeelte vir volgende week is Handelinge 2:42-47.
Written by on . Posted in Materiaal. No Comments on Handelinge 2:14a, 22-32 – 20-26 April
Gee geleentheid dat elkeen iets deel wat gebeur het sedert julle laas by mekaar was.
Ons gaan in die Skrifgedeelte fokus op die betekenis van die opstanding van Jesus. Raak stil en dink ná oor Jesus se opstanding. Hoe voel jy daaroor? 2 minuut stilte. Probeer jou inleef in sy ervaring toe Hy ná die stilte van die dood, die lewe weer ervaar het wat God Hom gegee het. 2 minute stilte. Dink ná oor die betekenis van sy opstanding vir jou. 2 minute stilte.
Sê amen en gee geleentheid dat mense kan deel wat hulle ervaar het in hierdie tot-rus-kom tyd.
Written by Marlein van Deemter on . Posted in Kleingroepmateriaal, Materiaal. No Comments on Heilige Week – kleingroepe 13-19 April
Week van 13-19 April
Dit is hierdie week Heilige Week wat uitmond in Goeie Vrydag (18 April) en Paassondag (20 April). Ons bied weer uitbeeldings van die 12 stasies van die lydensweg aan by die kerk wat deur die dag of saans 18:30-20:30 bygewoon kan word. Woon dit gerus as groep saam by.
Written by on . Posted in Materiaal. No Comments on Matteus 26-27 – 6-12 April
Gee geleentheid dat elkeen iets deel wat gebeur het sedert julle laas by mekaar was.
Ons gaan in die Skrifgedeelte fokus op die lyding en kruisiging van Jesus. Raak stil en dink ná oor Jesus se lyding. Hoe voel jy daaroor? 1 minuut stilte. Leef jou in sy ervaring in toe Hy uitgeroep het: “My God, my God waarom het U my verlaat?” 2 minute stilte. Hoor die offisier se geloof toe Hy ná Jesus se dood gesê het: “Waarlik, Hy was God se Seun.” Dink ná oor die betekenis daarvan vir jou. 2 minute stilte.
We use cookies and similar technologies to improve your experience on our website. Read our Privacy Policy.