Tag: Rethie van Niekerk

Die Pad na Lewe – Matteus 5 Preek

Written by Rethie van Niekerk on 17/03/2019. Posted in Preke, Rethie van Niekerk. No Comments on Die Pad na Lewe – Matteus 5 Preek

Kom ons verbeel onsself gou vir ‘n paar oomblikke dat ons deel is van die skare wat daardie dag, soveel eeue gelede, saam met Jesus teen die berg gesit het.

Daar is twee groepe van ons. Party van ons is bietjie bekommerd oor Jesus. Ons is tradisionaliste. Ons is baie geheg en getrou aan die wet en die profete. En ons is bekommerd dat Jesus té anders is, dat Jesus nie meer getrou is aan die oorgelewerde tradisie van Moses en die profete nie.

Die ander groep van ons voel ons glad nie gebonde aan die tradisie nie. Ons buig die reëls om ons te pas, om ons eie sin te kry. Ons wil ontslae raak van die Romeinse onderdrukkers. En ons is bekommerd dat Jesus nie anders genoeg is nie, dat hy nie ver genoeg gaan om die juk van die onderdrukkers af te gooi nie.

So ons luister na Jesus. Elk bietjie skepties. Maar elk in die hoop dat Jesus óns agenda gaan bevestig, gaan sê dat óns eintlik reg is.

Oorvloed brood en vissies – Matteus 14 preek

Written by Rethie van Niekerk on 24/02/2019. Posted in Preke, Rethie van Niekerk. No Comments on Oorvloed brood en vissies – Matteus 14 preek

Wanneer Jesus hoor van hierdie groteske partytjie en die brutale uiteinde daarvan, het hy “weggegaan na ‘n stil plek om alleen te wees.” Maar wanneer hy by die stil plek aankom, is daar reeds derduisende mense. Hierdie is die mense wat nié na Herodes se partytjies genooi word nie. Diegene wat nie seker is dat hulle elke dag gaan kos hê nie. Wat siek is, omdat hulle ondervoed leef. Uitgebuit deur die magtiges. En dan skielik verander hierdie in nog ‘n banket. Maar een in skrille kontras met die een aan die begin. Die een aan die begin was vir die belangrike mense, die maghebbers, die onderdrukkers. Nou is daar een vir diegene wat swaarkry, wat siek is, want honger is. Wat uitgelewer is aan die magte van die dag. Dis ‘n ander soort partytjie met radikaal ander uitkomste.

Water in Wyn – Die Kuns van Verwondering – Johannes 2:1-12 Preek

Written by Rethie van Niekerk on 03/02/2019. Posted in Preke, Rethie van Niekerk. No Comments on Water in Wyn – Die Kuns van Verwondering – Johannes 2:1-12 Preek

600 liter wyn. ‘n Lewe saam met Christus. Dit is asemrowend.

Paul Harris is ‘n kulkunstenaar wat ‘n trilogie geskryf het, getiteld “The Art of Astonishment”. Daarin sê hy dat een van die mens se basiese ervaringe of emosies, dié van verwondering is. Daardie gevoel van verwondering en ontsag wat ons beleef, bv. wanneer ons ‘n asemrowende sonsondergang sien, of wanneer daar iets verstommend gebeur. Daardie gevoel, daardie gevoel van verwondering, is in ons in geskape. Dit is ‘n vermoë wat deur die Gees gegee is. En dit is ‘n vermoë wat ons help om God se hand in ons lewens raak te sien.

Advent 1 Hoop Habakuk Preek

Written by Rethie van Niekerk on 02/12/2018. Posted in Preke, Rethie van Niekerk. No Comments on Advent 1 Hoop Habakuk Preek

Bo: Preek opname

Segun Soyemi – Ave Maria

Segun Soyemi – Away in a Manger

Segun Soyemi – O come all ye faithfull

Segun Soyemi – Sing choirs of angels

Segun Soyemi – Joy to the world

Is jy geduldig of ongeduldig? Dit hang natuurlik af van die konteks. As vir iets moet wag. In ’n ry moet staan. Jou bestuurslisensie moet hernu, of iets by Binnelandse Sake moet doen… Party mense hou hulleself besig met ‘n selfoon, speel speletjies of lees. Ander beweeg op en af, heen en weer. Soms is daar selfs mense wat net rustig tjoepstil sit.

Ek is oor die algemeen gereed vir wag, want ek het altyd iets byderhand om te lees. Wat ek nie kan verdra, is dit: “Configuring Windows updates… Do not turn off your computer”.

Maar daar is baie erger dinge in hierdie lewe as ’n rekenaar wat stadig vat om programmatuur af te laai.

Dankofferfees Lukas 15 Preek

Written by Rethie van Niekerk on 11/11/2018. Posted in Preke, Rethie van Niekerk. No Comments on Dankofferfees Lukas 15 Preek

Ons het dikwels hierdie idee van ‘n God wat sit in die hemel en voorsien vir hierdie aardse ou gepeupeltjies doer ver onder. Maar dis nie God nie. God kom af. God word mens, so ernstig is hy daaroor om homself te gee. God gee sy teenwoordigheid. Hy deel in ons lewens, is by ons, lei ons as ons daarvoor vra, beskerm ons.

Dis die verrassende deel van God: God het nie nodig om al die dinge met ons te deel nie. Maar juis omdat hy ons lief het, wil hy met ons deel, wil hy met ons wees.

God gee insig in sy planne. God gee liefde. Al gooi jy alles weg. Al is jy ‘n pyn.

Hervormingsondag 1 Konings 3 Preek

Written by Rethie van Niekerk on 28/10/2018. Posted in Preke, Rethie van Niekerk. No Comments on Hervormingsondag 1 Konings 3 Preek

As God vandag aan jou verskyn en sê jy kan vra net wat jy wil, wat sal jy vra? Eerlik nou. Jy hoef vir niemand te sê nie.

Soos wat ons as kinders mekaar altyd herinner: vra dat al jou versoeke waar sal word.

Maar Salomo… Salomo kan vir enige iets vra. En hy vra vir ’n luisterende hart. Interessant, hy vra nie vir iets heel nuut of vreemd nie. Hy vra vir God iets wat hy nodig het vir die taak wat voor hom lê. Hy het reeds die opdrag, is reeds besig hiermee. Help my om dit wat u my gegee het om te doen, goed te doen.