PERSOONLIKE LUISTERBLAD

RUS

• Raak stil. Ons lees hierdie week oor die “Ander Voorspraak” in ons voorbereiding vir Pinkster wat om die draai is. Dink na oor wat die Here Jesus as die “Voorspraak” by die Vader al vir jou beteken het.  Dink ook na oor wat die Heilige Gees as die “Ander Voorspraak” in jou hart en lewe al vir jou beteken het.  Skryf van die stories in jou joernaal neer.  Loof Hom vir die liefde wat Hy op só ‘n oorvloedige manier in jou lewe uitgestort het.

Hier volg die drie hulpmiddels vir die week van 30 April tot 6 Mei vir lidmate wat op reis is saam met ons met die preekteks van Sondag 7 Mei: Johannes 10:1-12.  Dit bevat die persoonlike luisterblad, die saamluisterblad sowel as die Familie-Luisterblad.  Dit is ook beskikbaar in pdf formaat.

In die tweede kwartaal 2017 gaan ons weer die ekumeniese RCL (Revised Common Lectionary) leesrooster volg.  Dit gee vir elke week vier teksgedeeltes: twee uit die OT en die Psalms, en twee uit die evangelies en die res van die NT.  Ander gemeentes is welkom om dié materiaal vir hulle eie gebruik aan te wend.  Laai dit hier in pdf formaat af: Stiltetyd tweede kwartaal 2017

PERSOONLIKE LUISTERBLAD

RUS

• Raak stil. Dink na oor wat hierdie Paasnaweek vir jou beteken het. Aanbid die Here vir sy bereidheid om aan die kruis vir jou te sterf.  Loof die Here vir die opstanding wat jou lewe fundamenteel verander.

HOOR

Lees Johannes 20:19-31.

• Lees die gedeelte in die Bybel soos dit aangetoon word. Fokus op wat jou tref.
• Lees my bydrae oor die gedeelte hieronder by Luister na ander en die tye.
• Kies een gedagte wat jou tref en dink daaroor na. Dink veral oor hoe geloof die werklikheid van die teenwoordigheid van Jesus vir jou oopsluit.
• Antwoord die Here in gebed.
• Geniet ‘n paar oomblikke die teenwoordigheid van die Here sonder woorde.

LEEF

• Besluit op ‘n praktiese manier om jou geloof in die Here te vier en ander daarvan te vertel.