Skip to main content

Tag: huisgeloof

25-31 Aug: Ons waag in geloof

Written by Marlein van Deemter on . Posted in Huisgodsdiens. No Comments on 25-31 Aug: Ons waag in geloof

OMGEE GESPREKKE

Vertel vir mekaar van ’n keer wat jy bang was. Wat het jy gedoen? Wat het gebeur?

BYBEL LEES

Lees Hebr. 12:1-4

  • Vertel vir mekaar wat vir julle uitstaan in die verhaal en die teks. As julle vrae het, kan julle ook daaroor gesels.
  • Kyk na die voorbeelde van geloofshelde in Hebr. 11. Vertel vir mekaar wie julle geloofshelde is. Vertel ook wie julle “skare geloofsgetuies” is – die mense wat julle aanmoedig om te volhard in jul geloof.
  • Baie van die geloofshelde was dapper mense wat gewaag het in geloof: Abraham het die onbekende in getrek, Ragab het spioene weggesteek, ens. Waar het God al vir jou gevra om te waag in geloof? Wat was dit en wat het gebeur? Vra God dalk nou vir jou om te waag in geloof? Vertel vir mekaar daarvan.

GEWOONTES EN GEBRUIKE

Behoort julle gesin aan ’n kleingroep? Indien nie, oorweeg om van 7 Sept. vir die komende paar weke in te skakel by een van ons 40 Dae van Gemeenskap groepe. Kontak die kerkkantoor of bly Sondag na die erediens agter.

GESEËN OM TE SEËN

Maak ‘n lys van die goed waarvoor julle hierdie week gaan bid. Is daar iets spesifiek waaroor iemand in jul gesin tans die Here se wil soek? Bid saam daarvoor en die dinge op jul lys. Onthou ook om deur die week te bid vir die dinge op die gebedslys in die afkondiginge.

HuisGeloof 11-17 Aug: Ons Gee Om

Written by Marlein van Deemter on . Posted in Huisgodsdiens. No Comments on HuisGeloof 11-17 Aug: Ons Gee Om

OMGEE GESPREKKE

Dr. Gary Chapman skryf dat daar vyf liefdes-tale is: opbouende woorde, kwaliteit-tyd, geskenke, diensbaarheid en fisieke aanraking. (Hier kan julle meer leer – en selfs ’n vraelys invul om seker te maak wat jou of jou kinders se liefdestaal is.) Gesels oor hoe julle elkeen wys dat julle iemand lief het. Wanneer voel julle dat iemand regtig vir julle omgee: wanneer hulle vir jou opbouende goed sê, tyd saam met jou spandeer, vir jou iets spesiaal gee, vir jou iets spesiaal doen of ’n drukkie gee?

Continue reading

HuisGeloof 4-10 Augustus

Written by Marlein van Deemter on . Posted in Huisgodsdiens. No Comments on HuisGeloof 4-10 Augustus

Ons Is en Maak Dissipels

OMGEE GESPREKKE

Vertel vir mekaar wat ’n “dissipel” is.

BYBEL LEES

Vertel die verhaal van Jesus wat sy dissipels se voete gewas het (of voer dit op!) en lees dan Johannes 13:34-35.

  • Vertel vir mekaar wat vir julle uitstaan in die verhaal en die teks. As julle vrae het, kan julle ook daaroor gesels.
  • Dissipels buig voor Jesus om gewas te word en buig dan weer voor ander om hulle voete te was. Gesels oor wat dit beteken. Probeer ook aan praktiese voorbeelde dink.

GEWOONTES EN GEBRUIKE

Dissipels luister na Jesus deur Bybel te lees. Hoe doen julle elkeen dit? Watter tyd van die dag, watter vertaling van die Bybel, waar? Hoe lees julle as gesin saam Bybel? Beplan hoe julle dit nog meer van ’n gewoonte kan maak.

GESEËN OM TE SEËN

  • Maak seker almal verstaan wat dit beteken om iemand se “voete te was.” Gesels wie en hoe julle hierdie week iemand se voete kan was.
  • Maak ‘n lys van die goed waarvoor julle hierdie week gaan bid. Is daar iets spesifiek waaroor iemand in jul gesin tans die Here se wil soek? Bid saam daarvoor en die dinge op jul lys. Onthou ook om deur die week te bid vir die dinge op die gebedslys in die afkondiginge.

HuisGeloof 30 Junie – 6 Julie

Written by Marlein van Deemter on . Posted in Huisgodsdiens, Kleingroepmateriaal. No Comments on HuisGeloof 30 Junie – 6 Julie

OMGEE GESPREKKE

Vertel vir mekaar van ’n keer wat jy baie veilig gevoel het. Wat het jou so veilig laat voel?

BYBEL LEES

Lees Matteus 11:28-30.

  • Vertel vir mekaar wat vir julle uitstaan in die verhaal. As julle vrae het, kan julle ook daaroor gesels.
  • Kyk hoe vertaal Die Nuwe Testament vir Kinders die teks. Wat verstaan julle anders of beter as julle na hierdie vertaling kyk?

Glo in My. Kry julle baie swaar? Is julle moeg gesukkel om by God uit te kom? Ek kan help! Kom rus by My. Ek maak dit glad nie moeilik om in God te glo nie. Omdat Ek regtig vir julle omgee, is julle veilig by My. Ek sal my arms om julle sit en julle styf vashou. Ek maak die lewe weer lekker.

  • Gesels oor hoe hierdie teks waar kan wees ook wanneer dit met ’n mens sleg gaan en alles nie lekker voel nie.

GEWOONTES EN GEBRUIKE

Sing die ou Jeugsangbundel 29:

Ek was eensaam en verlaat | Al was mense rondom my | Daar was niemand wat my verstaan | Maar U Woord kom toe helder na my:

Refrein: “Kom na my toe | Almal wat moeg en oorlaai is | Kom na my toe | Ek gee rus” | Toe ek opstaan en, nog verward | my hand in Syne lê | Kry die lewe sin | En vind ek rus in Hom

GESEËN OM TE SEËN

  • Volgende week is Avontuurweek! As julle in PE is, klik hier om te registreer.
  • Maak ‘n lys van die goed waarvoor julle hierdie week gaan bid. Bid saam vir mekaar en die dinge op jul lys. Onthou ook om deur die week te bid vir die dinge op die gebedslys in die afkondiginge.

HuisGeloof 23-29 Junie 2014

Written by Marlein van Deemter on . Posted in Huisgodsdiens. No Comments on HuisGeloof 23-29 Junie 2014

OMGEE GESPREKKE

Vertel vir mekaar van ’n keer wat iemand baie moeite gedoen het om gasvry of vrygewig teenoor jou op te tree. Wat het hulle gedoen? Hoe het dit jou laat voel?

BYBEL LEES

Lees Matteus 10:40-42 uit Die Nuwe Testament vir Kinders

40–41 “Ek en julle werk saam in ’n span. As iemand vriendelik met julle is, dan is hulle ook vriendelik met My en met my hemelse Vader. Wanneer iemand goed doen aan een van julle wat vir God werk, sal God hom of haar daarvoor beloon.
42 “Party mense wat in My glo, is baie arm. Ander mense gee niks vir hulle om nie. Wanneer julle so iemand help, sal julle regtig ’n plek in die hemel kry. Selfs al gee julle maar net vir so iemand ’n glas koue water, sal God dit raaksien. Want Hy is vriende met almal wat in My glo.”

  •  Vertel vir mekaar wat vir julle uitstaan in die verhaal. As julle vrae het, kan julle ook daaroor gesels.
  •  Jesus noem dat gasvryheid selfs daarmee te doen het om vir iemand ‘n glas koue water te gee. Vir ons is dit maklik: Jy stap na die yskas toe en jy skink koue water. Maar in Jesus se tyd was dit nie so maklik nie – hulle het nie yskaste gehad nie. Die enigste manier om in Jesus se tyd vir iemand koue water te gee, was om na die naaste put te gaan en daaruit water op te hys met die swaar emmer en dan in te skink. Maar daar was nie by elke huis ‘n put nie – putte was soms vêr en dan moet jy nog in die middel van ‘n warm dag soontoe stap, soms kilometers ver. Jesus sê wanneer jy moeite doen vir iemand anders, dan doen jy so iets asof vir Jesus!
  •  Hoe kan jy vir ander mense moeite doen en hulle so help?

GEWOONTES EN GEBRUIKE (GESEËN OM TE SEËN)

  • Maak ’n gewoonte daarvan om elke maand ’n bedrag te gee vir ’n organisasie wat kinders of mense wat op straat woon, versorg. Skep ’n begunstigde op jul bankrekening en laat die kinders die “betaal” knoppie druk, sodat hulle die ervaring het dat hulle ook gee. Ondersteun bv. die Barcelona sopkombuis in Helenvale en ander behoeftige mense en instansies wat deur ons gemeente ondersteun word deur geld in te betaal by die Finros Jumbo rekening: CCW Wholesalers, Absa Rek 4058449931, Tak 505626, Verwysing: C376 Interkerk Kombuis. Stuur asb. t.w.v. kontrole vir Theo ’n e-pos by theoh[by]telkomsa.net, sodat hy kan seker maak die geld is in die regte rekening oorbetaal.
  • Bring Sondag blikkieskos, warm klere, komberse, ens. vir Projek Winterhoop kerk toe. Sit dit in die blou kis in die voorportaal.
  • Maak ‘n lys van die goed waarvoor julle hierdie week gaan bid. Bid saam vir mekaar en die dinge op jul lys. Onthou ook om deur die week te bid vir die dinge op die gebedslys in die afkondiginge.

Huisgodsdiens 9-15 Junie

Written by Marlein van Deemter on . Posted in Huisgodsdiens. No Comments on Huisgodsdiens 9-15 Junie

OMGEE GESPREKKE
Wie ken julle wat ’n goeie getuie van Jesus is – wat deur wat hulle sê en doen vir ander mense vertel van Jesus?

BYBEL LEES
Lees Matteus 28:19-20
• Vertel vir mekaar wat vir julle uitstaan in die verhaal. As julle vrae het, kan julle ook daaroor gesels.
• Hierdie is Jesus se “laaste opdrag” – die belangrikste deel van Christen-wees. Hoe kan julle aan hierdie opdrag gehoorsaam wees?

GEWOONTES EN GEBRUIKE
Dit is belangrik dat Christene getuig – vir ander mense vertel hoe lief hulle vir Jesus het en wat Jesus vir hulle beteken. Oefen julle “getuienis” teenoor mekaar – vertel vir mekaar wat Jesus vir julle beteken.

GESEËN OM TE SEËN
• Vind uit wie al ons gemeente se sendelinge is. As julle nog nie hulle gebedsbrief kry nie, vra by die kerkkantoor hoe julle kan inteken op hul gebedsbrief. Skryf vir hulle ’n briefie om te sê julle bid vir hulle – en bid gereeld vir hulle.
• Maak ‘n lys van die goed waarvoor julle hierdie week gaan bid. Bid saam vir mekaar en die dinge op jul lys. Onthou ook om deur die week te bid vir die dinge op die gebedslys in die afkondiginge.