Heiligheid

OMGEE-GESPREKKE

• As julle die woord “heilig” hoor, wat beteken dit vir jou?
  • Gesels ook oor die betekenis van:

• God is heilig?
• Wat is vir God heilig?
• Wat is vir jou heilig?

BYBELLEES

• Lees Efesiërs 4:17-24 saam.

Maak seker julle verduidelik groot konsepte sodat almal verstaan wat aangaan. Julle kan selfs na ander vertalings kyk soos “Die Bybel vir almal” dit is beskikbaar op www.bybel.co.za (gaan na “lees die Bybel aan die regter kant) of lees dit uit Bybels wat spesifiek vertaal is vir kinders soos “Die Bybel@kinders”.

• Wat beteken dit om nie soos heidene* te lewe nie – vers 17-20?
• Hoe kan ons dié opdrag nakom om nie soos heidene te lewe nie – vers 21-24?

*Heidene – mense wat nie in God glo nie.

GEWOONTES EN GEBRUIKE

Ons is nou nuwe mense deur Jesus Christus, ons lewe nie meer soos die ou mense nie. Aangesien ons nuwe mense is, kies ons dan om sekere dinge nie te doen nie.

• Hoe kan julle elke dag onthou dat julle nuwe mense in Jesus is en dus heilig moet lewe?

Nuutheid

OMGEE-GESPREKKE

• Gesels met mekaar oor waaraan jy dink as jy die woord “vryheid” hoor?

Ons het baie opinies oor wat die woord vryheid vir ons beteken, maar baie van ons weet dalk nie eers hoe dit voel om nie vry te wees nie.

Speel ‘n speletjie waar ‘n bietjie van julle “vryheid” wegeneem gaan word:

• Gebruik serpe, dasse of lang sokkies en bind julle oë toe/ julle twee enkels aan mekaar vas/ julle hande aan mekaar vas of ‘n kombinasie van die drie.
• Probeer nou sekere opdragte uitvoer soos:

• Skud hande met die persoon langs jou.
• Raak aan jou tone.
• Loop na die ander punt van die vertrek.
• Waai vir iemand.
• Neem een groot tree.
• Gaan sit gekruisde bene op die vloer.
• Spring op een beentjie.
• Knipoog vir iemand.

• As julle klaar is, gesels ‘n bietjie oor die probleme wat julle ervaar het met die uitvoer van die opdragte.

BYBELLEES

Lees Galasiërs 5:1, 5&6 en 13&14

• Wat dink julle beteken vryheid in hierdie teksgedeelte?
• Watter tipe vryheid gee Jesus?

GEWOONTES EN GEBRUIKE

• Die speletjie wat julle aan die begin gespeel het, het bietjie van julle vryheid weggeneem. Watter dinge in die regte lewe “bind” ons soms vas en neem van ons vryheid wat Jesus vir ons gegee het weg?
• Hoe kan ons vrygemaak word van al hierdie dinge?

Genade

OMGEE-GESPREKKE

• Ons is almal ANDERS geskape deur God, maar in Jesus Christus word anderses EENDERS, deur Sy genade.
• Wat is dinge wat ons alles ANDERS maak?
• Wat is dinge wat ons alles EENDERS maak?

(Probeer hier ook fokus op dinge wat nie net fisies is nie soos haar-kleur ens., maar ook op dinge wat mens kies soos gunsteling kleure ens.)

BYBELLEES

• Lees 2 Korintiërs 1:19-22 saam.

Hier is die Bybel vir almal se vertaling:

¹⁹ Julle moet onthou dat ek en Silvanus* en Timoteus die boodskap oor die Seun van God, Jesus Christus, vir julle gebring het. En julle weet dat Jesus nie “ja” én “nee” is nie. Jesus is God se “ja.” ²⁰ Want alles wat God belowe het, het waar geword toe Christus gekom het. Daarom, wanneer ons “amen” sê, dan sê ons dat alles waar is wat ons van Christus glo. En so prys ons vir God. ²¹ God is die Een wat vir ons sê dat ons en julle saam aan Christus behoort. God het ook gesê dat ons vir Hom moet werk. ²² Hy het gewys dat ons aan Hom behoort toe Hy die Heilige Gees in ons harte gegee het. Die Heilige Gees sê vir ons dat ons altyd aan Hom sal behoort.

* Silvanus: ’n Ander naam vir Silas. Kyk Hand 15:22.

In hierdie gedeelte lees ons dat Jesus is God se “ja” vir ons.

• Wat dink jy beteken dit vir ons?
• In die teks lees ons dat die Heilige Gees sê dat ons altyd aan God sal behoort. Hoe weet jy dat dit waar is in jou lewe?

GEWOONTES EN GEBRUIKE

• Wat kan jy ANDERS doen om te wys dat jy EENDERS is met ander mense wat in Jesus glo?