Kleingroepmateriaal 31 Julie tot 6 Augustus 2017

SAAM-LUISTER

Ingenooi deur God: Vertel vir mekaar waar en hoe julle tans die Here se seën beleef.

Ingaan in God se tyd: Laat iemand Psalm 67 biddend voorlees.

Luister na God se Woord:  Lees Numeri 6:22-27.  Gee kans dat elkeen rustig op hul eie oor die teks reflekteer:  wat staan vir jou uit, wat raak jou?

Luister na mekaar:  Vertel vir mekaar wat julle gehoor het in die teks.

Luister na ander en die tye:  Kyk na die verskillende woorde wat in die teks gebruik word:  seën, beskerming, redding, genade, gebedsverhoring, vrede (shalom) – wat beteken elkeen van hierdie seëninge inhoudelik vir julle?

Sommige mense sê as jy iets uitspreek, sal dit gebeur.  ’n Seën soos hierdie raak dan byna towerwoorde om voorspoed te verseker.  Hoe gemaak as ’n mens voel dat jy nié hierdie seëninge (soos beskerming, gebedsverhoring, ens.) beleef nie?

In jul ervaring, hoe kan ’n mens God se seën te midde van swaarkry en teëspoed beleef?

Luister weer na God se Woord:  Hierdie kort seën is in pragtig poëtiese Hebreeus geskryf.  In Hebreeus het die eerste reël drie woorde, die tweede vyf woorde en die laaste sewe woorde.  Dit reflekteer die uitwaartse beweging van God se seën.

Elke seën het twee dele:  God se beweging na mense, gevolg deur die resultaat van die goddelike beweging.

God word elke keer eksplisiet genoem as die bron van die seën.  Ook die “Ék” in vers 27 is emfaties.  Die seën kom van God af.  Al spreek die priesters die seën uit, kom die seën nie van hulle af nie.  Die seën is ook nie in die woorde self nie.  Die seën kom van God af.

Vers 25 sê letterlik:  “Die Here sal sy aangesig oor jou laat skyn…” Die lig van God simboliseer dinge soos helderheid, openbaring, die warmte van sonskyn, redding uit donker, vreugde, nuwe lewe, ens.

Fokus op wat God nou doen:  Wat het vir julle oopgegaan in jul gesprek oor hierdie teks?

Die teoloog Olson sê dat die finale (“ultimate”) woord in God se seën “vrede” is.  This gracious nod of God toward the community signifies favor and acceptance, even when not deserved.  Kyk weer na die hele seënbede en sien watter sentrale rol genade daarin speel.  Hoe beleef jy God se seën deur sy genadige guns en aanvaarding?

Antwoord met ons lewe:  Bid saam.  Reageer op wat julle uit die Woord gehoor het.  Bid ook vir mekaar.

FAMILIE-LUISTER

Rus:  Ouers vertel so bietjie hoe kerk was toe julle kinders was.  Watter seën het die dominee gewoonlik uitgespreek?  Kan jy dit nou nog onthou?  Vertel wat julle gunsteling seën is.

Laat iemand bid en vir die Here vra om met julle te praat.

Hoor:  Lees Numeri 6:24-26.

Gesels oor die manier waarop sommige woorde afbreek en ander woorde opbou.  Noem voorbeelde van woorde wat breek en woorde wat bou.

Leef:  Sê vir mekaar bou-woorde.  Maak beurte (dalk kan elkeen ’n spesiale dag kry), sodat elkeen ’n geleentheid kry waar die elke lid van die familie vir hulle sê hoekom hulle kosbaar is.

PERSOONLIKE LUISTER

Stop: Word stil.  Stap in jou gedagtes deur die afgelope 24 uur.  Dink na oor God se teenwoordigheid in elke oomblik.

Neem Waar:  Lees Numeri 6:22-27.  Watter woord of frase staan vir jou uit?  Staan stil by daardie woord of frase.  Hoekom haak dit in jou gedagtes vas?  Wat sê die Here daardeur vir jou?  Fokus op insigte, ingewings, gewaarwordings, prentjies, ‘n lied of gedig wat by jou opkom.  Vra jouself af, of dit jou troos, seën of ont-steld laat.  Dink na oor wat God daardeur vir jou wil sê.  Bid om helderheid, oortuiging en vrede.  Skryf jou gedagtes in jou joernaal, sodat jy oor tyd kan agterkom hoe die Here besig is om jou te begelei rondom herhalende insigte en ingewings.

Luister:  God seën ons met sy teenwoordigheid.  Gaan weer in jou gedagtes deur die afgelope 24 uur en dank God vir sy seën van oomblik tot oomblik.  Dink vooruit aan die 24 uur wat voorlê.  Bid om God se seën vir alles wat voorlê.

 

 

 

     

Tags: , , , , , , ,

Trackback from your site.

Leave a comment

Kommentaar en navrae

  • Avatar

    Radie Rademeyer

    |

    Goeie dag
    Ek is n 79 jare oue mans persoon gesond sterk en baie gesond Ek sal baie graag by iemand wil bly wat hulp nodig het met vervoer om takies te verrig te help waar ek kan inslaap
    My naam is Radie Rademeyer kontak nommer 0732641032 verwysings beskikbaar

  • Avatar

    Chris van Wyk

    |

    Die probleem is dat eiename gewoonlik nie “die” vooraan het nie. Miskien moet mens dit as ‘n titel beem, want dsn maak die “die” sin. “Die Christus.” “Die Duiwel.”

  • Avatar

    mariette

    |

    ‘n Goeie môre vanuit en van die Baai se tipiese dae….
    Ernst sê:
    “Die gebruik van die hoofletter het met “sterstatus” eintlik bloedweinig te doen – wel met die spelreël in die AWS wat bepaal dat eiename so geskryf word. Vgl ook “die Bose” in Mat 13:19.”
    Persoonlik glo ek dat die betrokke vertalings ook maar saamhang met die ‘geloofsoortuiging’ van die betrokke partye, soos gees of met die hoofletter by Gees – soos dit in Johannes 3,en veral by 4:23-24, vertaal word.

    ‘n Baie geseënde dag toegewens, met ‘n hand-aan-hand se stap saam met Jesus in jou gees.

  • Avatar

    Mariette

    |

    Lekker as iemand so wakker loop, Alwyn.
    Ek het julle twee se opmerkings vir Ernst (Kotzé) aangestuur. Dan hoor ons bietjie wat hy sê.
    Seëngroete

  • Avatar

    Chris van Wyk

    |

    Ek weet nie regtig die rede nie. Die 2020-vertaling vertaal al tien voorkomste van Duiwel in die NT regdeur met ‘n hoofletter. Dit is nogal vreemd met die “die” vooraan.

  • Avatar

    Alwyn Du Plessis

    |

    Askies 2020 vertaling Nie 2920 nie

  • Avatar

    Alwyn Du Plessis

    |

    Môre Chris .Help asseblief. Hoekom verkry die duiwel sterstatus in 2920 Bybelvertaling met ‘n hoofletter D Efesiers 4:27
    Groete

  • Avatar

    Chris van Wyk

    |

    Ons gaan voort met daardie diens. Marlein van Deemter hanteer dit.

  • Avatar

    Chris van Wyk

    |

    Oor die “ware” vertaling. Elke vertaling het sy waarde. Die 1983-vertaling is in makliker Afrikaans, maar meer onakkuraat. Die 1953-vertaling is ouer Afrikaans, maar baie na aan die oorspronklike teks. Die 2020-vertaling is meer moderne Afrikaans, maar ‘n meer direkte vertaling van die oorspronklike teks. Ek gebruik self nou die 2020-vertaling, maar lees ook graag in die ESV en die NET Bible. Kyk op Youversion se Bybeltoepassing.

  • Avatar

    Chris van Wyk

    |

    Hi Francois, dit is die 2020-vertaling van Bybelgenootskap. Jy kan dit gratis lees by https://biblesa.co.za/ of op hulle toep.

  • Avatar

    Francois Smith

    |

    Geagte Dr Chris van Wyk : ek het na U video geluister “WAARHEID vs DWALLEER , en omdat ek self ook in ons Wonderlike Vader Almagtig se Woord leef, het ek na die video tot die slotsom gekom dat die leiers in die Algemene Sinode ons Wonderlike Vader Almagtig GLADNIE KEN NIE , want net onkundige nie-weergebore mense kan die besluite neem wat hulle neem, soos U ons dit onder die aandag gebring het. Dr Chris, ek wil net weet uit watter Afrikaanse Bybel Vertaling leef en werk U , want ek herken nie die Woord wat U op die video gegee het. Ek het by Kairos Netwerk aangesluit om deel te wees van die soeke om die NG Kerk te stig in die volmaakte waarheid van ons Wonderlike Vader Almagtig, en dit was dan ook op Kairos Netwerk se whatsapp-groep lommunikasie waar ek hierdie week U genoemde video gesien het. Daar is 5 Afrikaanse Bybels op die mark, en meer as 360 Engelse Bybels…….WAT is volgens U die WARE Afrikaanse en Engelse Vertaling van al hierdie Bybels? Elke mens het ‘n unieke vorm van SPRAAK(Joh 8:43,44), en dan ook nog meer ons Wonderlike Vader Almagtig, dan ontstaan die HOE kan ons Vader Almagtig MEER as EEN vorm van spraak he’, vanwee al die verskillende vertalings? WIE in die Leierskap van die Kerklike Denominasies, KEN NIE die WARE SPRAAK van ons Wonderlike Vader Almagtig ? Daarom my vraag aan U, want indien ons die Evangelie van ons Vader Almagtig verdraaid aan mense verkondig, SAL hulle BLOED op ons hoofde wees. Vrede en liefde in Christus Jesus het ek vir U en die mede Gelowiges. Amen.

  • Avatar

    brian strydom

    |

    sal plasing van studente verblyf advertensie voortgaan?
    die dame wat oorbodig verklaar is was onseker
    mooi loop. Brian

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?