Dalk het julle weens die vakansie lanklaas ontmoet. Laat elkeen kortliks vertel hoe dit met julle gaan.
Maak julle oë toe en luister biddend terwyl iemand Matteus 5:3-9 rustig lees.
Lees Rut 1. Gee kans dat elkeen rustig op hul eie oor die teks reflekteer: wat staan vir jou uit, wat raak jou, wat ontwrig jou of daag jou uit?
Sondag is Moedersdag!Kliek op die prentjie langsaan vir ‘n lekker Moedersdag Bybel-aktiwiteit om saam met kinder te doen.
Families kan die week voor Paasfees die Paasverhaal op lekker interaktiewe manier lees. Klik op die prentjie, laai dit af en druk dit op ‘n A3 vel. Lees elke dag van 25 Maart tot 1 April die teksgedeelte, kleur die prentjie in en plak die regte prentjie op die regte blokkie.
Hier is ook ‘n Engelse weergawe: On-our-way-to-Easter.pdf
Ingenooi deur God: Vertel vir mekaar waar en hoe julle tans die Here se seën beleef.
Ingaan in God se tyd: Laat iemand Psalm 67 biddend voorlees.
Luister na God se Woord: Lees Numeri 6:22-27. Gee kans dat elkeen rustig op hul eie oor die teks reflekteer: wat staan vir jou uit, wat raak jou?
Luister na mekaar: Vertel vir mekaar wat julle gehoor het in die teks.
Gesels met mekaar oor iemand wat dié week vir jou omgegee het. Hoe het dit gevoel? Wat het dit vir jou beteken?
Terwyl iemand Psalm 112 voorlees, fokus op watter gedagtes, beelde of vrae by jou opkom. Neem twee minute stilte om daaroor na te dink na die voorlesing.
Ons ontvang God se Woord deur na mekaar te luister. Deel met ons watter insig jou tref, watter belofte jou inspireer, watter opdrag jou motiveer.
“Barmhartigheid is ’n lewe van diens, ʼn lewe van omgee, ʼn lewe waarin ander mense se belange vir jou net so swaar weeg soos jou eie, ʼn lewe waarin jy jou hulpbronne, tyd, invloed en vaardighede gebruik om vir ander te sorg, of dit nou is om hulle te beskerm, te versorg, te koester of vir hulle regte op te kom.” Bespreek.
Omgee vra van ons om oë en ’n hart vir ons naaste te hê, en dan hande en voete aan ons gevoel van barmhartigheid en omgee te gee: “Wie aardse besittings het en sy broer of suster sien gebrek ly, maar geen gevoel vir hom of haar het nie – hoe kan die liefde van God in hom wees?” (1 Joh. 3:17).
Hier is ’n paar voorstelle om jou gedagtes te prikkel om die geloofsgewoonte dié week te beoefen:
Gee kans dat elkeen vertel hoe hulle weet dat die ander hulle lief het. [Ouers, luister of jy kan agterkom wat jou kind se liefdestaal is: woorde, diens, geskenke, tyd of aanraking. Google “Love Languages Gary Chapman” om meer uit te vind van die liefdestale. Jy kan ook die Kindle boek The 5 Love Languages of Children deur Gary Chapman vir onder $10 by Amazon koop.]
• Lees Johannes 3:16. Die NT vir Kinders vertaal dit so: God het gewys hoe lief Hy vir mense is. Hy het sy spesiale Seun aarde toe gestuur. Gesels oor wat dit beteken. Beklemtoon dat dit sê dat God lief is vir elkeen van ons.
• Lees die vers nog ’n keer, maar vervang hierdie keer “die wêreld” of “mense” met elkeen in die gesin se naam.
Lectio Divina kan moontlik te moeilik wees vir kleiner kinders. Fokus eerder op Bybel Memorisering. Besluit om hierdie week saam Johannes 3:16 te memoriseer. Dink aan kreatiewe maniere waarop julle dit kan memoriseer: sing die lied, herhaal dit elke aand voor julle gaan slaap, plak dit op die badkamerspieël, ens. Onthou om ook die teks se “adres” (Johannes 3:16) te memoriseer.
Volgende Sondag is Nagmaal! Ouers kan hier ‘n spesiale boekie kry met idees hoe om jou kind voor te berei vir die Nagmaal.
Ons sendelinge het ons ondersteuning nodig. Hoe gaan julle hierdie week “julle” sendeling herinner dat God lief is vir hulle? Dalk ’n WhatsApp boodskap met ’n Skrifgedeelte?