Posts Tagged ‘pinkster’

Wanneer kom die reën? Pinkster 2018

Wanneer kom die reën? Inderdaad. ‘n Metafoor vir die vraag na die vervulling van God se beloftes – letterlik en geestelik. Vrae soos: Is daar behoeftes waarvoor jy beloftes nodig het? Het jy vrae oor die voorwaardes verbonde aan die vervulling van God se beloftes? Wonder jy watter rol geloof speel? Geduld? Volharding? Vervulling?

Pinkster 2018 is vir jou bedoel. Dit begin by Jesus se afskeidspreek dat ons moet: “wag op die belofte van die Vader wat julle van My gehoor het” (Hand 1:5). Die tema van die Hemelvaart diens Donderdag 10 Mei 18:30. 

Die reeks word voortgesit in sewe eredienste van 13 tot 19 Mei, die Sondagoggende 09:00 en die aande 18:30. Met lekker sop en brood elke aand. Dankie vir die 5 groepe wat gaan help!

Ons fokus op die droogte – wat dit ook al vir jou beteken. Ons gesels oor voorwaardes, geloof, geduld, volharding en vervulling. Met Pinksterdag vier ons die uitstorting van die Heilige Gees, die waarborg dat: “hoeveel beloftes van God daar ook mag wees, in Jesus Christus is hulle ja en in Hom amen, tot heerlikheid van God deur ons.” (2 Kor 1:20).

Ek wil jou uitnooi om jou behoeftes met my te deel. Per e-pos. Anoniem op ‘n stukkie papier in die kerkkantoor. Persoonlik. Ek gaan elke aand geleentheid gee vir gebed. Ook bid vir jou en jou behoeftes. Anoniem of voor in die liturgiese ruimte. En beskikbaar wees vir gesprek elke aand, elke dag.

Ek gaan die beloftes van die Here verkondig wat genoegsaam is vir jou behoeftes: “En my God sal ruimskoots in al julle behoeftes voorsien in ooreenstemming met sy heerlike rykdom in Christus Jesus.” (Fil 4:19).

En toe kom die reën. Soos God belowe het.
****

Vir die Kinders is daar elke aand spesiaal Kinderpinkster in die Ark:  Gee my ‘n G.E.E.S!

Sondagoggend 13 Mei om 09:00, dan Sondag- tot Donderdagaand 18:30.

****

In die Aftree-oorde is daar elke oggend om 09:30 ‘n diens.  Die reeks daar se tema is Volkome Eenheid… Volkome BlydskapLees hier meer oor die Waltonpark Pinkster.

Continue Reading

Aftree-oorde Pinkster 2018

Pinkster 2018 by Waltonpark

Volkome eenheid…volkome blydskap

Prediker: Dr Kobus Prinsloo

“Ek is die wingerdstok, julle die lote. Wie in My bly en Ek in hom, dra baie vrugte, want sonder My kan julle niks doen nie” [Joh 15:5] “Soos die Vader My liefhet, het Ek julle ook lief. Julle moet in my liefde bly” [Joh 15:9] “Dit sê Ek vir julle sodat my blydskap in julle kan wees en julle blydskap volkome kan wees” [Joh 15:11]

Daar is net twee soorte mense  – die wat gelukkig is en die wat ongelukkig is.  Ware geluk kom van ‘n intieme verhouding  en eenheid met Jesus Christus, soos die loot en die wingerdstok een is

Ken jy hierdie ware geluk?

Sondag 13 Mei: Een met Jesus [Joh 15:1-8]

Maandag 14 Mei:  Bly in God se liefde [Joh 15:9-10]

Dinsdag 15 Mei:  Blydskap van die vriende van die Bruidegom [Joh 3:29-30]

Woensdag 16 Mei: ‘n Lewe van Lofprysing [Efes 5:18-20]

Donderdag 17 Junie :  NAGMAAL en: Hemelse Vreugde is vir Nou [Openbaring 19:1-9]

Dienste begin om 09:30

Almal is welkom. Bring jou vriende saam

Offers word opgeneem vir Bybelverspreiding

Ons sing saam vanaf 09:15

Continue Reading

Vreesloos 07: Sê-nou die ergste gebeur? Donderdag

Enige iemand kan bestuur as hulle op hul pa se skoot sit.  En enige iemand kan bid as hulle op hul Pa se skoot sit.  Gebed is om op God se skoot te sit en ons hande op sy stuurwiel te sit.  Hy sal die spoed en die skerp draaie hanteer.  Maar ons kan met hom praat.  Ons kan vra:  neem hierdie beker weg.  Hierdie siekte; hierdie finansiële krisis; hierdie gevaar en haat en konflik; hierdie droogte, hierdie korrupte leiers.  Dis al wat gebed is.

Continue Reading

Vreesloos 06: Wat as alles te veel raak? Woensdag

As jy meer aandag aan die storm gee as aan die een wat in die storm loop, gaan jy sink.

Ons kan nie kies of daar gaan storms wees in ons lewens nie.  Ons is redelik verseker van storms.  Ons kan kies waar ons kyk te midde van die storm.

Jesus se oproep om te glo, om nie bang te wees nie, is nie ’n oproep tot naïwiteit nie.  Hy vra nie van ons om soos volstruise met ons koppe in die grond te sit nie.  Die lewe is vol storms – oorweldigende storms wat ons wil laat sink.  Jesus vra nie dat ons dit ontken nie.

Ons taak is om die aanslae van die storms te balanseer met ’n uitkyk op God.

Continue Reading

Kommentaar en navrae

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?

  • Avatar

    Chris van Wyk

    |

    Dit was Rethie van Niekerk se preek. Sy het in die preek verwys na die Hebreeuse woorde.

    Die eerste reël (seën) het drie woorde, dan vyf woorde, dan sewe woorde.  15, 20, 25 konsonante (onthou ʾ is ook ‘n konsonant).  11, 13, 16 lettergrepe (ek het weer getel, en dit is die korrekte aantal).

    24 yĕbārekkā yĕhwâh wĕyišmĕrekā
    25 yāʾēr yĕhwâh pānāyw ʾēlêykā wîyḥunekā
    26 yiśāʾ yĕhwâh pānāyw ʾēlêykā wĕyāśēm lĕkā šālôwm

    Hoop dit maak sin.

  • Avatar

    Annemarie vn Zyl

    |

    NUM 6; GOD SE SEEN, Goeiemore
    Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.

  • Avatar

    Chris van Wyk

    |

    Dankie Corrie! Mooi jaar vir jou.

  • Avatar

    Corrie

    |

    Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.

  • Avatar

    C Joubert

    |

    Inspirerende en besielende boodskappe

  • Avatar

    Sonja Lizemore

    |

    Beste Ds Chris.
    Net n GROOT DANKIE vir die liedere. Dit is baie spesiaal.

  • Avatar

    Chris van Wyk

    |

    Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.

  • Avatar

    Carol

    |

    Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.

  • Avatar

    Chris van Wyk

    |

    Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.