Skip to main content

Tag: Huisgodsdiens

8-14 April Staan sterk, val hard

Written by Marlein van Deemter on . Posted in Huisgodsdiens. No Comments on 8-14 April Staan sterk, val hard

RUS 
• Hoe het jy die afgelope week iemand gehelp (geseën)?
• Laat iemand bid en vir die Here vra om met julle te praat.
HOOR 
• Lees Hoofstuk 10 van Die Storie vir Klein Hartjies of Die Bybelstorie vir Kinders of die verhaal van Samuel (1 Samuel 1-15) uit enige kinder-vriendelike Bybel.
• Vertel vir mekaar wat vir julle uitstaan in die verhaal.  As julle vrae het, kan julle ook daaroor gesels.  
• God verhoor Hanna en Samuel se gebede.  Vertel vir mekaar van ’n keer wat God ook jou gebede verhoor het.
LEEF 
• Wat wil jy spesifiek hierdie week vir God vra?  Bid saam vir mekaar. 
• Sondag-oggend 10:00 gaan ons gemeente die Nagmaal by Bloemendal VGK bywoon (William Slammert Rylaan:  Stanford, regs in Heathcote, links in William Slammert).  Woon dit as gesin saam by!  Behalwe die Gr 4’s en hulle ouers – onthou ons gesinsbyeenkoms hierdie week.  
• Dit is ’n nuwe maand en ons tweede “30 minute om te seën” maand.  Wat gaan julle hierdie maand doen?  
• Gaan deur jul gebedslys- is van jul gebede beantwoord?  Sê dankie!  Maak ‘n lys van die goed waarvoor julle hierdie week gaan bid.  Bid saam vir mekaar en die dinge op jul lys.  Onthou ook om deur die week te bid vir die dinge op die gebedslys in die afkondiginge.

1-7 April 2013 Huisgodsdiens

Written by Marlein van Deemter on . Posted in Huisgodsdiens. No Comments on 1-7 April 2013 Huisgodsdiens

RUS

• Hoe het jy die afgelope week iemand gehelp (geseën)?

• Laat iemand bid en vir die Here vra om met julle te praat.


HOOR

Lees Openbaring 1:7-8

• Vertel vir mekaar wat vir julle uitstaan in die verhaal. As julle vrae het, kan julle ook daaroor gesels.

• Die Bybel sê dat Jesus eendag weer aarde toe gaan kom. (Jesus is nie nou weg nie! Hy is steeds hier deur die Heilige Gees.) Vertel vir mekaar wat julle weet van Jesus se wederkoms. Hoe laat dit jou voel om te weet Jesus gaan weer kom?

 

LEEF

• Jesus kan enige oomblik weer kom. Dit is nie iets wat ons moet bang maak nie, maar juis iets wat ons goed en veilig laat voel! Hoe kan jy gereed wees wanneer Jesus weer kom?

• Dit is ‘n nuwe maand en ons tweede “30 minute om te seën” maand. Wat gaan julle hierdie maand doen?

• Gaan deur jul gebedslys- is van jul gebede beantwoord? Sê dankie! Maak ‘n lys van die goed waarvoor julle hierdie week gaan bid. Bid saam vir mekaar en die dinge op jul lys. Onthou ook om deur die week te bid vir die dinge op die gebedslys in die afkondiginge.

25-31 Maart 2013 Heilige Week

Written by Marlein van Deemter on . Posted in Huisgodsdiens. No Comments on 25-31 Maart 2013 Heilige Week

Besoek een of ander tyd hierdie week die Paasweek stasies by die kerk.

Ouers, onthou om vooraf met julle kinders te gesels oor Vrydag se Nagmaal. Laai die boeke met riglyne hoe om jou kind voor te berei vir Nagmaal, hier af.

Maandag 25 Maart 2013

Lees Johannes 18:1-11

• Vertel vir mekaar wat vir julle uitstaan in die verhaal. As julle vrae het, kan julle ook daaroor gesels.

• Vertel vir mekaar hoe julle dink Jesus gevoel het toe een van sy vriende hom verraai.

 

Dinsdag 26 Maart 2013

Lees Johannes 18:12-24

• Vertel vir mekaar wat vir julle uitstaan in die verhaal. As julle vrae het, kan julle ook daaroor gesels.

• Het mense jou ook al van slegte goed beskuldig? Hoe het jy toe reageer? Hoe reageer Jesus

 

Woensdag 27 Maart 2013

Lees Johannes 18:25-27

• Vertel vir mekaar wat vir julle uitstaan in die verhaal (ouers verduidelik vir kinders wat “verloën” beteken). As julle vrae het, kan julle ook daaroor gesels.

• Petrus het voor die tyd met Jesus gestry en gesweer hy sal vir Jesus nooit verraai nie. Nou het hy dit drie keer gedoen! Het jy ook al gevoel dat jy misluk of ‘n baie erge fout gemaak het?

 

Donderdag 28 Maart 2013

Lees Johannes 18:28-19:16

• Vertel vir mekaar wat vir julle uitstaan in die verhaal. As julle vrae het, kan julle ook daaroor gesels.

• Pilatus weet dat Jesus onskuldig is, maar laat steeds vir Jesus doodmaak omdat hy bang is vir die mense. Vertel vir mekaar van ‘n keer wat jy iets gedoen het wat jy nie graag wou nie (of wat jy geweet het verkeerd was), omdat ander mense gesê het jy moet.

• Maak doringkrone en sit dit iewers waar julle dit aanmekaar sal sien.

 

Vrydag 29 Maart 2013

Gaan saam kerk toe!

Lees Johannes 19-16-30

• Vertel vir mekaar wat vir julle uitstaan in die verhaal. As julle vrae het, kan julle ook daaroor gesels.

• Laat elkeen vertel wat dit vir hulle beteken dat Jesus aan die kruis gesterf het.

18-24 Maart Huisgodsdiens

Written by Marlein van Deemter on . Posted in Huisgodsdiens. No Comments on 18-24 Maart Huisgodsdiens

RUS 
•Hoe het jy die afgelope week iemand gehelp (geseën)?
•Laat iemand bid en vir die Here vra om met julle te praat.
 
HOOR 
Lees Lukas 19:28-40 of die verhaal van Jesus se intog in Jerusalem uit enige kinderbybel.
•Vertel vir mekaar wat vir julle uitstaan in die verhaal.  As julle vrae het, kan julle ook daaroor gesels.  
•Maak Palmkruisies!  Gaan kyk hier hoe om dit te doen.
•Die mense eer vir Jesus omdat hy Koning is.  Wat beteken dit vir jou dat Jesus Koning is van jou lewe?  Probeer dink aan praktiese goed.
 
LEEF 
•Is daar iets in spesifiek in jou lewe wat jy graag aan Jesus as Koning wil opdra?  Vertel vir mekaar daarvan, bid saam en vra dat Jesus oor elkeen se spesifieke situasie sal regeer.
•Het julle al jul “30 minute om te seën” gedoen?  Laat weet vir rethievanniekerk[by]gmail.com wat julle gedoen het!  As julle nog nie iets gedoen het nie, gesels oor wat julle gaan doen en wanneer.
•Gaan deur jul gebedslys- is van jul gebede beantwoord?  Sê dankie!  Maak ‘n lys van die goed waarvoor julle hierdie week gaan bid.  Bid saam vir mekaar en die dinge op jul lys.  Onthou ook om deur die week te bid vir die dinge op die gebedslys in die afkondiginge.

11-17 Maart: Rut

Written by Marlein van Deemter on . Posted in Huisgodsdiens. No Comments on 11-17 Maart: Rut

RUS 
• Hoe het jy die afgelope week iemand gehelp (geseën)?
• Laat iemand bid en vir die Here vra om met julle te praat.
HOOR 
Lees Hoofstuk 9 van Die Storie vir Klein Hartjies of Die Bybelstorie vir Kinders of die verhaal van Rut uit enige kinder-vriendelike Bybel.
Gesels oor die verhaal (ouers kan ook na die inligting in die kleingroepmateriaal kyk):
• Vertel vir mekaar wat vir julle uitstaan in die verhaal.  As julle vrae het, kan julle ook daaroor gesels.  
• Naomi – en later Rut saam met haar – het baie swaar gekry.  Tog het God vir hulle gesorg, o.a. deur hulle vir mekaar te gee.  Hoe sorg God vir jou wanneer jy swaar kry?  Wie gee hy vir jou om jou te ondersteun? 
• Boas was goedhartig (“kind” – ouers maak seker kinders verstaan wat dit beteken) teenoor Rut.  Vertel vir mekaar van ’n keer wat iemand goedhartig was teenoor jou.  Wat kan keer dat jy goedhartig is teenoor ander?  
LEEF 
• Is daar iemand teenoor wie jy hierdie week goedhartigheid kan bewys?  Vertel vir mekaar wie dit is en wat jy gaan doen.
• Het julle al jul “30 minute om te seën” gedoen?  Laat weet vir rethievanniekerk[by]gmail.com wat julle gedoen het!  As julle nog nie iets gedoen het nie, gesels oor wat julle gaan doen en wanneer.
• Gaan deur jul gebedslys- is van jul gebede beantwoord?  Sê dankie!  Maak ‘n lys van die goed waarvoor julle hierdie week gaan bid.  Bid saam vir mekaar en die dinge op jul lys.  Onthou ook om deur die week te bid vir die dinge op die gebedslys in die afkondiginge.

4-10 Maart: ‘n Paar goeie manne en vroue

Written by Marlein van Deemter on . Posted in Huisgodsdiens. No Comments on 4-10 Maart: ‘n Paar goeie manne en vroue

RUS 
•Vertel vir mekaar waar en hoe julle die afgelope week die Here beleef het.
•Laat iemand bid en vir die Here vra om met julle te praat.
 
HOOR 
Lees Hoofstuk 8 van Die Storie vir Klein Hartjies of Die Bybelstorie vir Kinders of die verhaal van Simson (Rigters 16) uit enige kinder-vriendelike Bybel.
Gesels elke keer oor die verhaal (ouers kan ook na die inligting in die kleingroepmateriaal kyk):
•Vertel vir mekaar wat vir julle uitstaan in die verhaal.  As julle vrae het, kan julle ook daaroor gesels.  
•Simson was nie altyd gehoorsaam aan die Here nie.  Dit het hom in baie slegte omstandighede laat beland.  (Gesels gou weer:  wanneer was Simson ongehoorsaam?  In watter slegte omstandighede het dit hom laat beland?)  Tog het God hom steeds gebruik en steeds sy gebede beantwoord.  Wat leer dit vir ons oor dié kere wat ons ook ongehoorsaam is?
•Ons lees in die boek Rigters hoe God gewone mense gebruik om buitengewone goed te doen.  Gesels met mekaar oor hoe julle dink God elkeen van julle wil gebruik.
 
LEEF 
•Vertel vir mekaar hoe die Here julle die week geseën het.  Hoe kan God julle die komende week gebruik om ander te seën?  Wat gaan julle hierdie maand vir julle “30 minute om te seën” doen?
•Gaan deur jul gebedslys- is van jul gebede beantwoord?  Sê dankie!  Maak ‘n lys van die goed waarvoor julle hierdie week gaan bid.  Bid saam vir mekaar en die dinge op jul lys.  Onthou ook om deur die week te bid vir die dinge op die gebedslys in die afkondiginge.