Spreuke 4:26 Week van 6-12 Augustus 2012

RUS

  • Julle het verlede week gesels oor hoe ‘n mens waak oor jou gedagtes.  Vertel vir mekaar hoe dit daarmee gaan.  Watter tipe goed het in die laaste week jou gedagtes bepaal?
  • Laat iemand bid en vir die Here vra om met julle te praat.

HOOR

Lees Spreuke 4:26

“Die Bybel vir Almal” vertaal dit so:  Jy moet op die regte pad loop, dan sal jy seker wees waarnatoe jy loop.

Gesels oor die teksgedeelte.  Maak eers seker almal verstaan al die woorde.  Ouers kyk na die inligting in die Kleingroepmateriaal

  • Vertel vir mekaar wat vir julle uitstaan in die teks.  As julle vrae het, kan julle ook daaroor gesels. 
  • Dit help nie as ons net hoor wat God sê en die regte goed dink nie – ons moet ook die regte goed doen.
  • Watter versoekings is daar vir julle, wat kan maak dat jy nie doen wat God wil hê nie?
  • Onthou dat ons deur Jesus vergewe word wanneer ons nie op die regte pad bly nie!  Hoe help God ons om op sy pad te bly?  Watter goed gee hy wat ons daarmee help? (Dink aan die Bybel, mede-gelowiges,ens.)

LEEF

  • “Jy moet op die regte pad loop.” Wat is dit wat God wil hê jy moet doen?  Deel dit met mekaar en gesels oor hoe jy dit gaan regkry.  Bid dat die Here julle sal help daarmee.
  • Gaan deur jul gebedslys- is van jul gebede beantwoord?  Sê dankie!  Maak ‘n lys van die goed waarvoor julle hierdie week gaan bid.  Bid saam vir mekaar en die dinge op jul lys.  Onthou ook om deur die week te bid vir die dinge op die gebedslys in die afkondiginge.
     

Tags: , , , ,

Trackback from your site.

Leave a comment