Lees Spreuke 3:5-10

Die bottomline van vrygewigheid is volkome vertroue op die Here. Daarsonder kan ‘n mens eintlik nie anders as om inhalig te wees soos Nabal nie.  Dit sluit in dat jy nie op jou eie insigte staat maak nie, maar God ken in alles wat jy doen.  Dan sal Hy jou die regte pad laat loop.  Hierdie absolute fokus op God, beteken dat jy die slegte kan vermy, en dat jou lewe fisies en geestelik genees word.  Oorweeg weereens biddend hoe jy die Here kan vereer met offerandes uit alles wat jy besit, en met die beste uit jou oes.  En beproef die belofte van die Here: “dan sal jou skure oorvol wees en jou parskuipe oorloop van die wyn.”

Lees Spreuke 3:5-10

Die bottomline van vrygewigheid is volkome vertroue op die Here. Daarsonder kan ‘n mens eintlik nie anders as om inhalig te wees soos Nabal nie.  Dit sluit in dat jy nie op jou eie insigte staat maak nie, maar God ken in alles wat jy doen.  Dan sal Hy jou die regte pad laat loop.  Hierdie absolute fokus op God, beteken dat jy die slegte kan vermy, en dat jou lewe fisies en geestelik genees word.  Oorweeg weereens biddend hoe jy die Here kan vereer met offerandes uit alles wat jy besit, en met die beste uit jou oes.  En beproef die belofte van die Here: “dan sal jou skure oorvol wees en jou parskuipe oorloop van die wyn.”

Lees 2 Korintiërs 9:6-15

Paulus beskryf hier ‘n baie belangrike geestelike beginsel: “Wie karig saai, sal karig oes; en wie volop saai, sal volop oes.” God het die blymoedige gewer lief, een wat nie teësinnig of uit dwang gee nie.  Ons vrygewigheid sluit die sluise van die hemel oop, want God is by magte om aan ons alles in oorvloed te skenk, sodat ons in alle opsigte altyd van alles genoeg kan hê en volop kan bydra vir elke goeie werk.  God kan ons vrygewigheid ‘n ryk oes laat oplewer.  Beproef die Here hierdie week hierin: Wees vrygewig teenoor mense in nood en teenoor die werk van die Here in die gemeente en gemeenskap.  Jy sal verstom staan met die opbrengs van dankbaarheid en voorsiening.

Lees 2 Korintiërs 9:6-15

Paulus beskryf hier ‘n baie belangrike geestelike beginsel: “Wie karig saai, sal karig oes; en wie volop saai, sal volop oes.” God het die blymoedige gewer lief, een wat nie teësinnig of uit dwang gee nie.  Ons vrygewigheid sluit die sluise van die hemel oop, want God is by magte om aan ons alles in oorvloed te skenk, sodat ons in alle opsigte altyd van alles genoeg kan hê en volop kan bydra vir elke goeie werk.  God kan ons vrygewigheid ‘n ryk oes laat oplewer.  Beproef die Here hierdie week hierin: Wees vrygewig teenoor mense in nood en teenoor die werk van die Here in die gemeente en gemeenskap.  Jy sal verstom staan met die opbrengs van dankbaarheid en voorsiening.

Lees 1 Johannes 3:11-24

Liefde is vrygewig.  Dit is die voorbeeld wat Jesus vir ons gegee het.  Hy het sy lewe vir ons afgelê.  Daarom behoort ons ook ons lewe af te lê vir mede-gelowiges.  Die oomblik dat ons ons hart en ons hand toe maak vir iemand wat gebrek lei, leef ons nie meer in die liefde nie.  Vrygewigheid met woord en daad is die toets vir ‘n ware geloof. En dit maak ons vrymoedig om na God te gaan en van Hom te vra wat ons nodig het.  En die eindresultaat is dat ons in God bly en Hy in ons.  Dink goed na oor mense wat jy weet gebrek lei en oorweeg voor die Here hoe jy met dade gaan help.

Lees 1 Johannes 3:11-24

Liefde is vrygewig.  Dit is die voorbeeld wat Jesus vir ons gegee het.  Hy het sy lewe vir ons afgelê.  Daarom behoort ons ook ons lewe af te lê vir mede-gelowiges.  Die oomblik dat ons ons hart en ons hand toe maak vir iemand wat gebrek lei, leef ons nie meer in die liefde nie.  Vrygewigheid met woord en daad is die toets vir ‘n ware geloof. En dit maak ons vrymoedig om na God te gaan en van Hom te vra wat ons nodig het.  En die eindresultaat is dat ons in God bly en Hy in ons.  Dink goed na oor mense wat jy weet gebrek lei en oorweeg voor die Here hoe jy met dade gaan help.