#joymustrise

“We as a people are much more inclined toward negativity and cynicism.  We don’t find it easy or natural to pursue joy. And that’s why God in His Word actually command us to celebrate. We must wrestle for our blessing. We must fight for our joy.”

Intro video

Intro song

Rooftops

Verwelkoming & afkondigings

Dankoffer

Verootmoediging

’n Paar jaar gelede het Piet Naudé hier gepreek en gepraat oor die musiek wat ons in die kerk sing. Hy het gesê ons kan nie liedere oor vreugde en blydskap – lofliedere en “rejoicing” – sing (hy het dit om die waarheid te sê wreed genoem), as ons nie éérs gesing het:  “Were you there when they crucified my Lord? When I look on it I tremble, tremble…” Dis ’n ou negro spiritual, ’n lied wat slawe gesing het, terwyl hulle ook lofliedere gesing het.  Maar eers:  kyk die kruis, sien die seerkry.  Marilize gaan vanaand ’n stukkie daarvan vir ons sing.  Terwyl sy ding, dink:  waarmee kom jy vanaand hier aan?  Wat is jou seer, die bekommernis, onsekerheid of hartseer?  Vertel vir God daarvan.

Were you there & Gebed

Lofsang

Awake my soul

Prys die Heer

Helder.Lig

Gebed

Skriflesing

Ons is besig met ’n reeks getiteld “#letsrise”, oor dinge wat ons help om staande te bly in moeilike omstandighede.  Vanaand se tema is #joymustrise.  Natuurlik beteken dit Filippense 4!

Filippense 4:4-7

Net om te wys my generasie het die beste musiek gehad: Don’t worry, be happy

The Bible, worry and happiness

Die Bybel het baie te sê oor vreugde.  Telkens praat die Bybel daaroor as ’n opdrag:  ons moet bly wees.

1 Tessalonisense 5:16-18

Wees altyd bly.  Bid gedurig.  Wees in alle omstandighede dankbaar, want dit is wat God in Christus Jesus van julle verwag.

Dis baie dieselfde as vandag se teks. As so dan die Bybel lees oor blydskap, dan voel dit ’n bietjie asof die Bybel klink soos Bobby McFerrin:  “Don’t worry, be happy”.

En ons reeks vra:  hoe kan ek staande bly in moeilike omstandighede.   Dan kan mens dink die antwoord is:  “Wees net bly!  Don’t worry, be happy.  Dis die opdrag van die Bybel!”

En dan maak ons een van twee foute.  Ons dink OF dat dit beteken jy mag nie swaarkry nie, jy mag nie seerkry wys nie.  As jy swaarkry, dan is dit omdat jy een of ander sonde doen waarvoor God jou nou straf.  Eintlik is jy in beheer van jou lot: “By my stripes I am healed!  Don’t worry, by happy!”  Jy doen jou bes om bly te LYK.

Dit kan tog nie wees nie!  Jesus het gehuil.  Paulus skryf hierdie teks vanuit die tronk.  Om te maak asof alles altyd moet goed gaan en te sê dat dit jou skuld is as dit sleg gaan, is patologies!

Die ander fout wat ons maak, is om te dink vreugde is net iets binne jou.  Soos Droopy.  Ons het hierdie swaarte wat oor ons hang.  Soos die ou grappie:  jy mag dans, solank jy dit nie geniet nie.  Dis so erg, dat Nietzsche van Christene gesê het:  “His disciples should look more redeemed.”

Dit kan tog ook nie wees nie!  Asof blydskap ’n onder die dekmantel geheim is.  Die Bybel sê nie “don’t worry be happy” nie.

So wat is hierdie vreugde ding, hoe werk die opdrag om bly te wees?

Opposite of joy

Dalk help dit om te dink wat die teenoorgestelde van blydskap is.  Ons dink baie keer die teenoorgestelde van blydskap is pyn.  As daar nie pyn en seerkry en hartseer is nie, dan kan daar blydskap wees.  Maar die teenoorgestelde van blydskap is nie pyn nie.  Plesier is die teenoorgestelde van pyn.

En presies daar is ons probleem.  Want ons dink blydskap is verwant aan plesier.  En dan gaan ons verder:  ons dink die doel van die lewe is ons plesier en God se werk is om te sorg dat die lewe vir ons plesierig is.

Maar die lewe lyk nie so nie!  Ons almal is in staat daartoe om plesier op te offer, selfs pyn te dra, as daar iets of iemand is wat ons voel die pyn en opoffering werd is – en dan vreugde te vind te midde van pyn en opoffering.

Sien, as ons net iets nastreef vir plesier, sal dit dalk vir ’n tydjie lekker wees, maar ons gaan altyd onbevredig wees.  Ons gaan altyd die volgende ding najaag, altyd soek vir meer.  Dis soos ‘n dwelm wat ander emosies probeer wegsteek.  Blydskap is nie gelyk aan pret nie.

Blydskap en hartseer of pyn of worsteling kan in dieselfde ruimte bestaan.  Dit staan nie dualisties teenoor mekaar – óf die een óf die ander nie.  Dis alles deel van dieselfde menslike ervaring.

So wat is vreugde?

1.  Joy is a spiritual gift

Vreugde is ’n gawe van die Gees, volgens Gal 5:22.  Dis iets wat ons ontvang – wat ook beteken dis iets wat groei, ontwikkel.  Die woord wat die teks vir “blydskap” gebruik, sê stam is chara.  Die N.A.V. vertaal dit met “wees bly”.  OAV:  “verbly”, Engels:  “rejoice”.  ’n Verbuiging daarvan is charis – genade.  ’n Ander verbuiging is Eucharistie – die woord wat soms vir Nagmaal gebruik word, wat beteken danksegging.

2.  Joy is thanksgiving

Kyk hoe slim is dit!  Die teks sê: 4Wees altyd bly in die Here! En dan in vers 6:   Moet oor niks besorg wees nie, maar maak in alles julle begeertes deur gebed en smeking en met danksegging aan God bekend.

Ek kan vreugde beleef wanneer ek dankbaar is.

3 Joy is trusting God

Hierdie dankbaarheid sluit aan by wat die res van die vers sê:  6Moet oor niks besorg wees nie, maar maak in alles julle begeertes deur gebed en smeking en met danksegging aan God bekend.

Vreugde bestaan binne die raamwerk van ’n lewe wat aan God oorgegee is, van saam met God lewe.  Dis binne ’n lewe waar jy vir God van alles vertel wat in jou lewe aangaan, vir God vra vir alles wat jy nodig het, al jou begeertes.

En let op:  die teks gebruik die woord “smeking”.  Dis nie “don’t worry, be happy” nie.  Dis desperaat by God soebat – en soms bietjie baklei:  “Hoekom is dinge so moeilik? Ek kan nie meer nie, help!” (Kyk bv. na die Psalms.)  Dis worsteling.  Dis om met erns, met smeking, jou begeertes na God te vat.  Dis om te hammer teen God se deur, soms met trane, soms in moedeloosheid – smekend.

Blydskap is nie om te jaag van die een pret ervaring na die volgende nie.  Blydskap is om God in jou lewe in te nooi, jou hele lewe met God te deel.  Dis gebed, smeking, danksegging.  Vreugde berus dan op ou end nie in jouself nie, maar in God.  Dit berus in vertroue op God, in die wete dat God teenwoordig is, dat God gebede hoor, dat jou omstandighede – goed of sleg – nie die grootste realiteit is nie, maar deel is van die werklikheid van God.

4.  Joy is peace

Dan praat die teks van die vrede van God. Deel van vreugde, is die vrede van God wat oor harte en gedagtes waghou.  Dis ’n baie belangrike gedagte – so belangrik dat die idee van God se vrede twee keer in hierdie kort versies genoem word.  Dis die enigste plek in die Nuwe Testament wat so oor die vrede van God praat.  Dis nie vrede MET God, maar God se vrede – die vrede wat God self het, vir ons gee.  Die teks sê dis vrede wat die verstand te bowe gaan.  Hierdie vrede – vreugde? – is bo-natuurlik.  Dis nie iets wat ons kan veroorsaak of bewerk nie.  Dis iets wat ons ontvang.  Dis deel van God, wat God vir ons gee.

Dit beteken NIE “don’t worry be happy” nie.  Dit beteken NIE alles sal altyd voor die wind gaan nie.  Dit beteken NIE dat jy nooit depressief, hartseer, of pyn sal beleef nie.  Dit beteken wel dat jy te midde van slegte, seer stuff, soos Droopy kan sê: “You know what?  I’m happy.” En dit bedoel.

Gebed

Slotsang

Burn like a star

Seën

In die Event is daar ’n video van Rend Collective oor “joy”.  Hulle praat van “joy as spiritual discipline” en sê:  “We as a people are much more inclined toward negativity and cynicism.  We don’t find it easy or natural to pursue joy. And that’s why God in His Word actually command us to celebrate. We must wrestle for our blessing. We must fight for our joy.”

Wees altyd bly in die Here. Ek herhaal:  wees bly.  Want die teenwoordigheid van die Here is binne jou om jou te seën, rondom jou, om jou te beskerm, die vervulling van die teenwoordigheid van die Here is joune nou en vir altyd

Rend Collective Joy video

     

Tags: , , ,

Trackback from your site.

Leave a comment

Kommentaar en navrae

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?

  • Avatar

    Chris van Wyk

    |

    Dit was Rethie van Niekerk se preek. Sy het in die preek verwys na die Hebreeuse woorde.

    Die eerste reël (seën) het drie woorde, dan vyf woorde, dan sewe woorde.  15, 20, 25 konsonante (onthou ʾ is ook ‘n konsonant).  11, 13, 16 lettergrepe (ek het weer getel, en dit is die korrekte aantal).

    24 yĕbārekkā yĕhwâh wĕyišmĕrekā
    25 yāʾēr yĕhwâh pānāyw ʾēlêykā wîyḥunekā
    26 yiśāʾ yĕhwâh pānāyw ʾēlêykā wĕyāśēm lĕkā šālôwm

    Hoop dit maak sin.

  • Avatar

    Annemarie vn Zyl

    |

    NUM 6; GOD SE SEEN, Goeiemore
    Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.

  • Avatar

    Chris van Wyk

    |

    Dankie Corrie! Mooi jaar vir jou.

  • Avatar

    Corrie

    |

    Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.

  • Avatar

    C Joubert

    |

    Inspirerende en besielende boodskappe

  • Avatar

    Sonja Lizemore

    |

    Beste Ds Chris.
    Net n GROOT DANKIE vir die liedere. Dit is baie spesiaal.

  • Avatar

    Chris van Wyk

    |

    Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.

  • Avatar

    Carol

    |

    Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.

  • Avatar

    Chris van Wyk

    |

    Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.