Skip to main content

Tag: God is liefde

Wees eg – liefde – 1 Johannes 4:7-21

Written by Rethie van Niekerk on . Posted in Preke, Rethie van Niekerk. No Comments on Wees eg – liefde – 1 Johannes 4:7-21

In een van sy praatjies vertel dr. Leo Buscaglia hoe hy uitgenooi is na ’n klein kerkie naby sy huis.  Hy vertel hoe hy vriendelik en gasvry en liefdevol verwelkom is, sommer by die deur al.  Maar die hoogtepunt was toe die dominee opstaan en sê:  “Vriende, broer Jonathan gaan vanoggend vir ons preek.  Sy onderwerp gaan “geloof” wees.” Broer Jonathan het opgestaan en vorentoe gegaan:  ’n klein, kort mannetjie, geen hare nie, klein, skerp ogies. Hy het vir ’n paar oomblikke voor almal gestaan.  Toe vou hy sy hande en sê:  “Geloof.  Geloof.  Geloof.  Geloof.  Geloof.  Geloof.” En toe gaan sit hy.  Die dominee het opgestaan en met ’n groot glimlag gesê:  “Dankie broer Jonathan, vir daardie aangrypende preek oor geloof.”

Nou vandag moet ek eintlik net sê:  “God is liefde.  God is liefde.  God is liefde.  God is liefde.  God is liefde.  God is liefde.”

Continue reading

God is LIEFDE

Written by Rethie van Niekerk on . Posted in Huisgodsdiens. No Comments on God is LIEFDE

Huisgeloof 17 tot 22 Augustus

Omgee-gesprekke

Gee kans dat elkeen vertel hoe hulle weet dat die ander hulle lief het. [Ouers, luister of jy kan agterkom wat jou kind se liefdestaal is: woorde, diens, geskenke, tyd of aanraking. Google “Love Languages Gary Chapman” om meer uit te vind van die liefdestale. Jy kan ook die Kindle boek The 5 Love Languages of Children deur Gary Chapman vir onder $10 by Amazon koop.]

Bybellees

• Lees Johannes 3:16. Die NT vir Kinders vertaal dit so: God het gewys hoe lief Hy vir mense is. Hy het sy spesiale Seun aarde toe gestuur. Gesels oor wat dit beteken. Beklemtoon dat dit sê dat God lief is vir elkeen van ons.
• Lees die vers nog ’n keer, maar vervang hierdie keer “die wêreld” of “mense” met elkeen in die gesin se naam.

Gewoontes en Gebruike

Lectio Divina kan moontlik te moeilik wees vir kleiner kinders. Fokus eerder op Bybel Memorisering. Besluit om hierdie week saam Johannes 3:16 te memoriseer. Dink aan kreatiewe maniere waarop julle dit kan memoriseer: sing die lied, herhaal dit elke aand voor julle gaan slaap, plak dit op die badkamerspieël, ens. Onthou om ook die teks se “adres” (Johannes 3:16) te memoriseer.

Volgende Sondag is Nagmaal!  Ouers kan hier ‘n spesiale boekie kry met idees hoe om jou kind voor te berei vir die Nagmaal.

Geseën om te seën

Ons sendelinge het ons ondersteuning nodig. Hoe gaan julle hierdie week “julle” sendeling herinner dat God lief is vir hulle? Dalk ’n WhatsApp boodskap met ’n Skrifgedeelte?