Hou Herodes in Kersfees

Mense sê graag hierdie tyd van die jaar:  “Let’s keep Christ in Christmas”.  Maar dalk moet ons ook sê:  “Kom ons hou Herodes in Kersfees”.

Toetrede

Lied 354 vers 1 & 2 O Christus, ons verlange (staan)

Votum

So sal ek kom

Met my stukkie lof

Met my bietjie bid

Met my sinne van stof

Wil ek voor U kom sit

 

Met vandag se leef

En môre se dood

Met my reguit en skeef

Met my honger en brood

So sal ek kom

 

As ek kom om te juig

Dankbaar en dom

Sal ek nederig kom buig

(Uit:  Optelwoorde – Koos van der Merwe, aangehaal in 2001.  Handleiding vir die Erediens, Bybelmedia)

Seëngroet

Mag daar vir julle genade

en vrede

In oorvloed wees

Deur julle kennis

van God

En van Jesus ons Here!

(2 Petrus 1:2)

Lofsang

Lied 368 Wyl herders by hul kudde wag (staan)

Doop

Lied 294 Jesus roep die kindertjies (sit)

Lied 293 Jesus neem ons kleine kinders (sit)

 Gebed

Voorganger:  Laat ons tot die Here bid

Gemeente:  Heer, wees ons genadig.

V:  Laat ons

op grond van die geheimenis

van die Woord wat mens geword het,

tot die Here bid.

Gemeente:  Heer, wees ons genadig.

V:  Laat ons op grond

van die nederige geboorte

van die Koning van lig

in die stal van Betlehem,

tot die Here bid.

Gemeente:  Heer, wees ons genadig.

V:  Laat ons op grond

van die heerlike verskyning

van die Koning van heerlikheid

aan die herders

en sterrekykers

tot die Here bid.

Gemeente:  Heer, wees ons genadig.

V:  Laat ons tot die Here bid

vir die vrede

 en verlossing

wat sy geboorte bring.

Gemeente:  Heer, wees ons genadig.

V:  Laat ons tot die Here bid

vir liefde

en vrede

onder alle mense

in wie hy ’n welbehae het.

G:  Sing Lied 247

V:  Help ons,

red ons,

troos ons,

bewaar ons,

 Woord wat mens geword

en onder ons kom woon het.

G:  Amen

Skriflesing

Matteus 2:1-16

Preek

Tussen Kersfees en Nuwejaar

Die Sondag na Kersfees.

Altyd ongemaklike Sondag te preek.

Kerk leeg.

Prediker orrelis moeg.

 

En wat sê mens nou op Sondag na Kersfees?

 

Kersdag hoogtepunt!

Geskenke

En vol kerk

En musiek

En engele

En herders

En babatjie saggies kreun in krip.

 

Maar vandag…

So tussen Kersfees en Nuwejaar.

 

Soos om 22 te word:

Almal gaan aan 21,

Sien uit,

Hoogtepunt –

Maar 22 –

Wat dit nou?

 

Sondag tussen Kersfees en Nuwejaar.

Sondag van oorskietkos

En stapels skottelgoed

Leë, geskeurde geskenkpapier

Voedselverwerker (sokkies) iemand gedink goeie geskenk sal wees

Swaer se grappies

wat eintlik begin van maand al op senuwees gewerk

 

Die volle Kersverhaal

Maar ek wil ons vandag herinner

Aan Kersverhaal in totaliteit –

Die dele waaroor ons nie sing nie,

Of as wel liedere is wat dit bevat,

Is liedere ons nie ken.

 

Dele uitgelaat word in ons sentimentele

Idilliese

Ontsmette

Weergawes van die Kersverhaal.

 

Dit is die verhaal van ’n jong, swanger vrou

En haar verloofde

Wat ’n lang reis aflê,

By hul bestemming aankom

En nie blyplek kan kry nie.

 

Vreemd,

Want Josef sou tog familie in dorp hê,

Geen manier familie jou nie ontvang!

 

So plek waar hulle nie blyplek kon kry

Nie hotel,

Maar by familie!

 

Hierdie storie van jong, swanger vrou en verloofde

Deur familie weggewys

Verwerp word

Weens skande oor familie gebring.

 

Nie welkom is by eie mense.

 

Hierdie storie van jong vrou –

Wat in stal (waarskynlik grot)

Geboorte gee –

Niks ontsmet

Geen vroedvrou.

Sommer net daar,

in die vuil,

die stink,

onhigiëniese –

erger nog – onrein! –

omstandighede.

 

Verhaal waar kom sê jaar later

Paar mense opdaag –

Weet nie hoeveel,

Weet nie presies van waar,

Weet net Ooste.

 

Nie konings,

Nie wyses –

Sterrekykers.

Astroloë.

Towenaars.

 

Beslis nie so wys,

Want gaan na Herodes –

Die koning!

Vra waar nuwe koning is.

Dis die ware Kersverhaal.

 

En nou sal ons nog vertel van die geskenke wat hulle gebring het:

Goud

Wierook

Mirre.

 

’n Rykdom vir ’n koning.

 

Maar nou hou die storie skielik op.

Slaan die res van die storie oor.

Fast Forward na ’n doop in die Jordaan.

 

Weet julle hoe ek gesukkel

Video van Skriflesing te kry

Wat res van verhaal insluit,

Nie skielik stop by geskenke?

 

Want ons wil nie aangaan nie.

Wil nie hoor van vlugtelinge

En massamoord

En korrupte leiers

Se magsmisbruik.

 

Nie vandag nie.

Nie Kersfees nie.

 

Wil nog bietjie bly wees,

Nog feesvier.

 

Die Disney weergawe van die Kersverhaal hoor.

 

Maar probleem met Disney weergawe

Is dat dit maklik ’n storie bly.

’n Fabel,

Apart van ons daaglikse realiteit.

 

Dis ons gunsteling fliek

Wat ons een maal per jaar afstof

In DVD-speler sit

Vir solank as wat ons storie kyk

Ontsnap van realiteit van lewe –

Vergeet van regte lewe,

Self verloor in fantasieverhaal.

 

Dan reduseer ons Christenskap

Die betekenis van ons geloof

Die betekenis van Christus se koms.

Dan bied Christenskap mooi musiek op Kersfees

Een maal per jaar geskenke vir babas van Ithemba Lam –

Maar het niks te sê vir sistemiese terreur

Wat veroorsaak dat plek soos Ithemba Lam enigsins nodig is,

Niks te sê vir korrupte leiers

Of selfs familie-fetes.

 

Malala Yousafzai

Op 10 Desember vanjaar

Word Malala Yousafzai

’n 17 jarige Pakistani skoolmeisie

Die jongste mens ooit

Om die Nobelprys vir vrede te wen.

 

En op 16 Desember

Bestorm 7 Taliban terroriste

’n skool in Peshawar, Pakistan,

En vermoor 141 mense –

Baie skoliere,

Los etlike meer beseer.

 

DIS die wêreld waarin Jesus gebore word.

 

’n Wêreld vol terreur

En pyn

En hartseer

En stukkend.

 

’n Wêreld vol sistemiese terreur

Waar kinders – en grootmense –

Slagoffers is

Van menslike gulsigheid

En trots

En haat

En vrees.

 

Waar M.I.V. en vigs

En armoede

En ongelykheid

En korrupsie

En geweld

Op mekaar inspeel

En mense verstrengel

in ’n geknoopte gemors van onreg.

 

Om nie eers te praat

Van ons elkeen

Se eie daaglikse worstelinge

En bekommernis

En seerkry

Nie.

 

Iemand skryf

Dat mense graag hierdie tyd van die jaar

Sê:

Let’s keep Christ in Christmas.

 

Maar,

Sê sy,

Ons moet eerder daarvoor baklei

Om Herodes in Kersfees te hou.

 

Hou Herodes in Kersfees

Want die wêreld waarin Jesus gebore is

Is nie ’n wêreld waarin alles altyd net wonderlik is

En engele sing

En wyses in prag en praal duur geskenke bring nie.

 

Dit was dit nog nooit nie

Dit is dit ook nie nou nie

 

God het in ’n mens-vel ingeklim

Broos en kwesbaar geword

En in HIERDIE wêreld om woon.

’n Wêreld so gewelddadig

En ontstellend

Soos ons eie wêreld.

 

Baie jare gelede

Cliff Richard Kerslied:

 Saviours Day.

Vertel van eie geloof,

Wat Kersfees beteken.

 

Was pop-treffer,

Tot 10 lys gehaal.

 

’n Radio DJ oor die lied gesê:

Die lied is okay,

Maar het geen sneeu

Of takbokke

Of wyn,

Geen presente om ’n boom

Of Kersvader nie.

Om waarheid te sê,

Het eintlik niks met Kersfees te doen nie.

 

Juis.

 

Jesus gebore IN hierdie realiteit,

Met ISIS

En die Taliban

En mense in die bos hier om die draai woon

En mishandelde

En weggegooide babas

By Ithemba Lam.

 

Herodes het iets verstaan van Jesus se geboorte

Waarvoor ons sentimentaliteit ons verblind:

Herodes het verstaan

Dat Jesus se geboorte

’n bedreiging is vir sy koninkryk,

’n bedreiging is vir alle vorme van magsmisbruik

En boosheid.

 

Die koms van Jesus

Skud die totale fondament

Van die sisteme wat ons bind

Van die wat mag wil misbruik

Vir hul eie gewin.

 

Die goeie nuus van Kersfees

En DIT is die goeie nuus van Kersfees.

 

Nie die engele

Of die glinsterende sterre nie.

 

Die goeie nuus is

Dat God gebore word

As mens

In hierdie wêreld,

Met diep pyn en seerkry

Ernstige disfunksie

’n wêreld vol gebrokenheid

En politieke korrupsie.

 

Jesus word gebore

As ’n uitgeworpene.

’n Hawelose.

’n vlugteling.

 

God het deel geword van ons wêreld

Soos dit REGTIG is.

 

God is deel van ons wêreld –

Waar ons heerlik as familie saam kuier

Om ’n tafel wat kreun onder die feesmaal

Om ’n blink boom gestapel met geskenke.

Maar ook onder die bos, honger in die reën.

 

Ook in die alleen

Terwyl almal om jou met familie kuier.

 

Ook in die hartseer

Van verlies en seerkry van die afgelope jaar.

 

Ook by die geskeide ouer

Wat oor Kersfees die stormagtige waters

van kinder-toesig moet navigeer.

 

God is deel van ons wêreld –

Ook in die bekommernis oor kinders.

Of die gemis en verlange na kinders wat vêr is.

 

Ook in die spanning rondom ’n bankrekening

Wat al leër raak

En werks- of besigheidsgeleenthede wat daar eenvoudig nie is nie.

 

Ook in die diagnose

Wat soos ’n onverwagse vuishou in die maag gekom het.

 

Ook in die kosbare verhoudings

wat onder ons lomp hande verbrokkel het.

 

Dit is die goeie nuus van Kersfees.

God het mens geword.

God het deel geword van ons wêreld –

Van hierdie wêreld

Soos dit regtig is.

 

Omdat hy by ons wil wees,

Saam met ons wil stap.

Omdat hy ons lief het –

Selfs die wat hom kruisig.

Selfs Herodes.

 

Ek sluit af met ’n gedig

Getiteld

“Kersfeesdrome”

 

pakke presente onder elke boom

elke present, iemand se droom

blink papier sneeuvlokkies

vader krismis van blik

plastiek klokkies

 

dennenaalde van ’n uitheemse boom wat vergete vrek

geskeurde geskenkpapier

leë bokse

batteries not included

dit is volbring

en Kersfees maak sin

(Rethie van Niekerk)

Gebed

Dankoffer

Slotsang

Lied 373 U, Jesus, eersgebore kind

Seën

Die Here sal julle seën

en julle beskerm.

Die Here sal tot julle redding verskyn

En julle genadig wees.

Die Here sal julle gebede verhoor

En aan julle vrede gee.

Respons

Lied 373 Refrein

     

Tags: , ,

Trackback from your site.

Leave a comment