Wees Toegewyd – Draai God sy rug? – Rut 1
’n Vreemde vrou in ’n vreemde land, sonder enige heenkome, geen manier om vir haarself te sorg of te voorsien nie. Met die pyn van verlies van ’n eggenoot wat sterf. En dan nog boonop die pyn van ’n kind wat sterf. En nog ’n kind wat sterf. Daar is nie woorde om daardie pyn te beskryf nie. As jy jouself die ergste, seerste ding indink wat met jou kán gebeur – en dan nóg – dan is jy nog nie waar Naomi was nie.
En dis ongeveer hier dat Naomi besluit God het teen haar gedraai. Wat anders moet sy dink?