Ons gee om – kleingroepe 10-16 Augustus

RUS

LOGOHierdie kwartaal fokus ons op Somerstrand Gemeente se roeping om te LUISTER en LEEF.  Die erediens van 17 Augustus  fokus op die VIERDE waarde: ONS GEE OM (verhoudings).  Sluit die oë en raak vir ’n minuut lank net stil voor die Here.  Lees die volgende vers voor (2x) en oordink dit vir 3 minute in stilgebed voor die Here: “Wees barmhartig soos julle Vader barmhartig is.” (Luk. 6:36).  Sluit die gebed af en deel met mekaar enige insigte wat in julle gebed na vore gekom het.

LUISTER

Omgee vra dat ons oë en ’n hart kry vir ons naaste, in die gemeente en die gemeenskap, en dat ons dan hande en voete sal gee aan ons gevoel vir ander.  Omgee is ’n lewenstyl van dienslewering, waar ander se belange vir jou net so swaar weeg as jou eie, waar jy jou bronne, tyd, invloed en vaardighede aanwend om te sorg vir ander, hetsy om hulle te beskerm, te versorg en te koester, of  vir hulle regte op te kom.

Lees Filippense 4:10-20

1.  Sê vir mekaar wat die teks by jou wakker gemaak het.   Wat tref jou?  Hoe raak dit jou lewe?

2.  Dink na oor wat die gemeente se omgee vir Paulus beteken het.  Dit lê op ’n materiële vlak sowel as ’n verhoudingsvlak.  Hoe spreek dit jou aan?

3.  Dink ook na oor wat die omgee vir Paulus ook vir die gemeente self beteken het.  Dit lê op ’n geestelike vlak.  Hoe spreek dit jou aan?

4.  Paulus se visie vir die gemeente van Filippi is duidelik dat hulle die wonder van saamwees, saamdink, saambid en saamleef sal beleef.

4.1  Lys al die verhoudings wat jy in ons gemeente het.  Wat sien jy raak?  Watter verhoudings mis jy?  Hoe kan jy sorg dat saamwees, saamdink, saambid en saamleef met ander gelowiges groei in jou lewe?

4.2  Lys al jou verhoudings met mense in die gemeenskap.  Wat sien jy raak?  Watter verhoudings mis jy?  Watter omgee grense moet jy nog oorsteek?

LEEF

Beplan hoe jy hierdie week wil groei in omgee, spesifiek in terme van jou gedagtes oor die verhoudings in jou lewe.  Hier is ’n paar opsies om jou gedagtes te stimuleer:

  • Dink aan mense wat in nood is: weduwees, weeskinders, of agtergeblewenes.  Oorweeg biddend vir wie jy iets prakties kan beteken, hetsy deur jou invloed te gebruik, of ’n uitstappie te reël, of hulp met inkopies te verleen, of regs- of ander maatskaplike hulp te soek en te gee.  En gaan doen dit.
  • Vra iemand: wat kan ek vir jou doen vandag?  Dit kan iemand in jou familie wees of in jou vriende- of werkkring óf een van die talle studente in ons gemeenskap. Dit kan klein of groot wees.  Dit kan moeilik of maklik wees. Maar gaan doen dit dan!
  • Kies een van ons sendelinge of ‘n gesin wat ons gemeente ondersteun in hulle bediening.  Vra hulle wat jy vir hulle kan beteken.  Miskien het hulle ’n pakkie plaaslike kruideniersware nodig wat jy vir hulle kan pos.  Miskien het hulle moeite met ’n bank of ’n administratiewe las wat jy vir hulle kan uitsorteer.  Maar belangrik, vind  by hulle uit … en doen dit dan.
     

Trackback from your site.

Leave a comment

Kommentaar en navrae

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?

  • Avatar

    Chris van Wyk

    |

    Dit was Rethie van Niekerk se preek. Sy het in die preek verwys na die Hebreeuse woorde.

    Die eerste reël (seën) het drie woorde, dan vyf woorde, dan sewe woorde.  15, 20, 25 konsonante (onthou ʾ is ook ‘n konsonant).  11, 13, 16 lettergrepe (ek het weer getel, en dit is die korrekte aantal).

    24 yĕbārekkā yĕhwâh wĕyišmĕrekā
    25 yāʾēr yĕhwâh pānāyw ʾēlêykā wîyḥunekā
    26 yiśāʾ yĕhwâh pānāyw ʾēlêykā wĕyāśēm lĕkā šālôwm

    Hoop dit maak sin.

  • Avatar

    Annemarie vn Zyl

    |

    NUM 6; GOD SE SEEN, Goeiemore
    Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.

  • Avatar

    Chris van Wyk

    |

    Dankie Corrie! Mooi jaar vir jou.

  • Avatar

    Corrie

    |

    Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.

  • Avatar

    C Joubert

    |

    Inspirerende en besielende boodskappe

  • Avatar

    Sonja Lizemore

    |

    Beste Ds Chris.
    Net n GROOT DANKIE vir die liedere. Dit is baie spesiaal.

  • Avatar

    Chris van Wyk

    |

    Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.

  • Avatar

    Carol

    |

    Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.

  • Avatar

    Chris van Wyk

    |

    Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.