Kleingroep-materiaal: Leef Bedagsaam – 25-30 Oktober 2010

Rus

Eet saam!  Al is dit net tee en melktert, geniet eers iets saam.  Terwyl julle saam eet, vertel eet-stories.  Hoe het etenstyd in julle familie gewerk toe jy ‘n kind was?  En as daar gaste was?  Oor naweke?  Kersfees en ander feesdae?
Probeer saam dink wat hierdie eetgewoontes van julle sê – wie is julle, op grond van jul eetgewoontes?

Hoor

Lees Lukas 24:28-32 en Lukas 14:7-12
Wat in die teks tref jou, roer jou hart, of verontrus jou?  Gesels saam oor wat julle opval en aanspreek in die lees van die teks.  
Bespreek:webvertel kleur

  • Die Evangelies is vol eet-verhale.  Dink aan stories van Jesus se eetgewoontes, asook die gelykenisse wat Jesus vertel het oor etes.  Wat sê dit van Jesus – wie en hoe is hy?
  • Wat is die “tafelmaniere” wat ons by die Nagmaal leer?  Kyk ook na 1 Kor 11:20-22.
  • Ons is hoe ons eet.  Jesus leer ons by die Nagmaal hoe om te eet, waarna ons leef met die maniere wat ons by Hom geleer het.  Hoe leef ons (1) gasvry,(2) nederig,(3) bedagsaam?  

Leef

  • Dink hierdie week elke keer wat jy eet aan Jesus se tafelmaniere en aan wat jou eetgewoontes sê van hoe jy is.
  • Hoe kan jy hierdie week bedagsaam wees op ‘n manier wat die lewe vir mense jonger en ouer as jy makliker maak?  Help mekaar met idees en onderneem om dit te gaan doen.  Deel julle idees en ervaringe met die res van die gemeente  by ons blog of e-pos rethie[by]global.co.za
     

Trackback from your site.

Leave a comment