Huisgodsdiens: 22 Aug – 25 Sept 2011

HUISGODSDIENS Week van 22-28 Augustus

2 Kon 5:1-4 GETUIENIS

RUS
Vertel vir mekaar hoe dit vir julle was om die afgelope week elke dag Bybel te lees. Laat iemand daarna bid en vir die Here vra om met julle te praat.

HOOR

• Laat iemand 2 Kon 5:1-4 (gesinne met kleiner kinders) of Matteus 28:19 (gesinne met ouer kinders) lees. Probeer ‘n makliker vertaling soos Die Boodskap of Die Bybel vir Almal. As daar kleiner kinders is, vertel eerder die teks as om alles te lees.
• Ouers verduidelik die teks vir die kinders – maak seker dat hulle al die begrippe verstaan.
• Vertel vir mekaar wat in die teks vir jou uitgestaan het of nuut was.

LEEF

• Vertel vir mekaar wat getuienis beteken.
• Ons kan nie almal maklik praat nie – hoe kan ‘n mens getuig sonder om te praat?
• Elke keer wat julle vir mekaar vertel wat julle in die Bybel gelees het of wat julle by die Here geleer het, is julle besig om te getuig! Dit is nie so moeilik nie – dalk moet ons net gewoond raak daaraan. Dink aan iemand vir wie jy iets kan vertel van God of wat jou geloof vir jou beteken. Vertel vir mekaar met wie jy gaan praat en wat jy gaan sê (of hoe jy gaan getuig en teenoor wie.)
• Dink aan ‘n manier om (een van) ons gemeente se sendelinge te ondersteun. Wat gaan julle doen?
• Kyk na jul gebedslys van verlede week – was daar ‘n antwoord op van jul gebede? Haal sake af en/of voeg sake by om voor te bid. Bid saam vir mekaar en die ander dinge op jul lys- maak seker dat elkeen kans kry om te bid.

HUISGODSDIENS Week van 29 Aug. – 4 Sept

Hand. 14:1-20 NEDERIGHEID

RUS
Vertel vir mekaar hoe dit toe gegaan het met julle onderneming om deur die week teenoor iemand te getuig. Wat het gebeur? Hoe het jy gevoel? Laat iemand daarna bid en vir die Here vra om met julle te praat.

HOOR

• Laat iemand Hand. 14:1-20 lees. Probeer ‘n makliker vertaling soos Die Boodskap of Die Bybel vir Almal. As daar kleiner kinders is, vertel eerder die teks as om alles te lees.
• Ouers verduidelik die teks vir die kinders – maak seker dat hulle al die begrippe verstaan.
• Vertel vir mekaar wat in die teks vir jou uitgestaan het of nuut was.

LEEF

• Vertel vir mekaar wat julle dink nederigheid beteken.
• Wat is vir julle familie belangrik (bv. opleiding, afkoms, prestasie…)? Hoe kan julle vir God die eer gee daarvoor?
• Gee kans dat elke familielid vir elkeen van die familie vertel waarom hulle kosbaar is in julle gesin – wat is hulle unieke bydrae?
• Kyk na jul gebedslys van verlede week – was daar ‘n antwoord op van jul gebede? Haal sake af en/of voeg sake by om voor te bid. Bid saam vir mekaar en die ander dinge op jul lys – maak seker dat elkeen kans kry om te bid.

HUISGODSDIENS Week van 5-11 September

Luk. 2:41-52 GEMEENSKAP

RUS
Vertel vir mekaar wat hierdie week gebeur het wat julle aan nederigheid laat dink het. Kon jy in hierdie week nederig wees? Was dit maklik of moeilik? Hoekom? Laat iemand daarna bid en vir die Here vra om met julle te praat.

HOOR

• Gesinne met kleiner kinders: Laat iemand 1 Kor. 12:12, 14-21 lees. Ouer kinders: Efesiërs 4:1-3, 25-27, 31-5:2. Probeer ‘n makliker vertaling soos Die Boodskap of Die Bybel vir Almal. As daar kleiner kinders is, vertel eerder die teks as om alles te lees.
• Ouers verduidelik die teks vir die kinders – maak seker dat hulle al die begrippe verstaan.
• Vertel vir mekaar wat in die teks vir jou uitgestaan het of nuut was.

LEEF

• Gesinne met kleiner kinders: vertel vir mekaar hoekom ons kerk toe gaan. Gaan in die kring om en laat die gesin vir elkeen vertel watter bydrae hulle in die liggaam van Christus maak / kan maak. Beplan hoe julle as gesin saam by die kerk gaan betrokke wees.
• Gesinne met ouer kinders: Is daar dalk iemand wat een van julle sukkel om te aanvaar of te vergewe? Laat die gesin saam vir jou bid om dit te regkry.
• Kyk na jul gebedslys van verlede week – was daar ‘n antwoord op van jul gebede? Haal sake af en/of voeg sake by om voor te bid. Bid hierdie week ook spesiaal vir ons gemeente. Bid saam vir mekaar en die ander dinge op jul lys – maak seker dat elkeen kans kry om te bid.

HUISGODSDIENS Week van 12-18 Sept

1 Sam 3:1-10 GELOOFSONDERSKEIDING

RUS
Vertel vir mekaar hoe julle in die afgelope week gemeenskap beleef het. Gesinne met kleiner kinders: hoe vorder ons met ons betrokkenheid in die gemeente? Hoe was dit vir ons om betrokke te wees? Gesinne met ouer kinders: hoe het dit die afgelope week met julle verhoudings gegaan – veral met die mense wat julle sukkel om te aanvaar of te vergewe? Wat het gebeur? Laat iemand daarna bid en vir die Here vra om met julle te praat.

HOOR

• Laat iemand 1 Sam 3:1-10 lees. Probeer ‘n makliker vertaling soos Die Boodskap of Die Bybel vir Almal. As daar kleiner kinders is, vertel eerder die teks as om alles te lees.
• Ouers verduidelik die teks vir die kinders – maak seker dat hulle al die begrippe verstaan.
• Vertel vir mekaar wat in die teks vir jou uitgestaan het of nuut was.

LEEF

• Gesels met mekaar oor die maniere waarop God met ons praat – deur die Bybel, deur ander mense, ens.
• Hoe weet jy dat dit God is wat met jou praat? Soms weet ons sekere goed is God se stem/wil (soos wanneer ons Bybel lees of mamma sê ek moet vir sussie om verskoning vra), maar ons noem dit nie noodwendig God se stem nie.
• Julle moet in die week wat kom probeer hoor wanneer en hoe God met julle praat en wat hy sê!
• Kyk na jul gebedslys van verlede week – was daar ‘n antwoord op van jul gebede? Haal sake af en/of voeg sake by om voor te bid. Bid saam vir mekaar en die ander dinge op jul lys – maak seker dat elkeen kans kry om te bid. As daar spesifieke sake is waarvoor een van julle die Here se wil soek, vertel dit vir mekaar en bid spesifiek daarvoor.

HUISGODSDIENS Week van 19-25 Sept.

Hand 15:36-41 LEWENSPRAKTYK

RUS
Vertel vir mekaar waar en hoe die Here die afgelope week met jou gepraat het. Hoe weet jy dit was hy wat met jou gepraat het? Was dit vir jou maklik of moeilik om sy stem te hoor? Laat iemand daarna bid en vir die Here vra om met julle te praat.

HOOR

• Laat iemand Hand 15:36-41 lees. Probeer ‘n makliker vertaling soos Die Boodskap of Die Bybel vir Almal. As daar kleiner kinders is, vertel eerder die teks as om alles te lees.
• Ouers verduidelik die teks vir die kinders – maak seker dat hulle al die begrippe verstaan.
• Vertel vir mekaar wat in die teks vir jou uitgestaan het of nuut was.

LEEF
‘n Christelike lewe is ‘n praktyk – daar is sekere gewoontes (dissiplines) wat ons gereeld doen. Dit is anders as reëls wat ons nakom – dit is goed wat ons doen om aan te hou groei in ons geloof. Verskillende mense doen verskillende goed.

• Besluit saam wat julle gesin se praktyk gaan wees (bv. gaan x keer kerk toe, hou x keer per week huisgodsdiens, familietyd, tafelgebede, gebed, wat ons Sondae doen…) en beplan om dit te doen. Wie gaan seker maak dat dit gebeur?
• Dis amper vakansie – gaan jul praktyk oor die vakansie dieselfde bly of anders wees? As dit anders is, wat kan julle doen om seker te maak dat julle na die vakansie doen wat julle vandag onderneem het?
• Kyk na jul gebedslys van verlede week – was daar ‘n antwoord op van jul gebede? Haal sake af en/of voeg sake by om voor te bid. Bid saam vir mekaar en die ander dinge op jul lys – maak seker dat elkeen kans kry om te bid.

     

Written by Chris van Wyk on 16/08/2011. Posted in Huisgodsdiens

Trackback from your site.