Prontuit die Waarheid – Week 45

Jesus gaan in hierdie vyf gedeeltes dieper in op die boodskap van Hom as die Messias. Onthou jy kan steeds inskakel en alle vorige gedeeltes by die argief bereik.

In Matteus 16:17-20 vertel Matteus vir ons dat Jesus op Petrus se belydenis reageer dat nie uit homself kom nie, maar direk van Jesus se Vader in die hemel. Nie net kies Jesus Petrus se belydenis as die rots, die fondament, van die kerk wat Jesus gaan bou nie, maar ontvang Petrus die sleutels van die koninkryk van die hemele. Die sleutels van die koninkryk van die hemele dui op twee aksies van die kerk. Dit open die deur van verlossing vir elkeen wat in die Here Jesus glo, wat ook soos Petrus in Jesus as die Christus, die Seun van die lewende God glo. Dit sluit ook die deur van verlossing vir elkeen wat die Here Jesus verwerp en weier om in Hom as die Christus, die Seun van die lewende God te glo.

In Lukas 9:22 Jesus kondig sy dood en opstanding die eerste keer aan. Die tyd het aangebreek vir Jesus om sy dissipels in te lei in die ware doel van Sy koms na die aarde. Dat Hy ‘n Lydende Messias is. Let op dat Jesus oor sy verwerping, kruisdood en opstanding as ‘n eenheid praat. Sonder die opstanding sou die verwerping en kruisdood net ‘n tragiese episode in ‘n besondere man se lewe wees. Maar met die opstanding raak dit die triomf van die Seun van die lewende God. Ons lees dieselfde boodskap in Markus 8:31-33 met die byvoeging van die gesprek tussen Petrus en Jesus. Let op hoe skerp Jesus Petrus aanspreek. Hy spreek Hom as Teenstander, dws Satan, aan. Iemand wat nie die dinge van God bedink nie, maar dié van die mense. Hy wys uit in hoe ‘n groot kontras hierdie optrede van Petrus is met sy pas afgelope belydenis dat Jesus die Christus is. Daarom sê Hy, “Gaan weg agter My, Satan!”

In Matteus 16:21-23 het ons dieselfde verhaal van Jesus wat Petrus tereg wys dat hy Jesus se dood probeer verhoed. Petrus roep selfs vir God in as agent om dié lyding te verhoed. “Dit sal beslis nie met U gebeur nie!” Ironies, want dit was juis God se bedoeling! Jesus beskou sy teregwysing egter as ’n struikelblok, op dieselfde vlak as die duiwel se versoeking dat Hy die maklike uitweg vat (soos in Matteus 4). Hierdie gedeelte help ons verstaan dat ons ook tot bekering moet kom van ons eie idees oor God en wat Hy doen. Lyding is deel van die pad wat Hy bepaal vir hierdie lewe. Ja, Hy laat alles ten goede meewerk. Dit is immers wie Hy is. Maar dit sluit nie die lyding uit nie. Dit sluit die lyding in. Dieselfde geld oor die idees wat ons oor ons eie lewe het. Ons bid baie keer dat ons lyding gespaar sal word. En die Here in sy groot barmhartigheid beantwoord ook daardie gebede. Maar, soms is die verhoring van daardie gebede juis geleë in die aanvaarding en volharding in die lyding, eerder as van die lyding.

Dit bring ons by die volgende fase van Jesus se onderrig van sy dissipels. In Lukas 9:23-27 roep Jesus sy volgelinge op tot selfverloëning en kruis opneem. Volgende keer meer daaroor.

     

Trackback from your site.

Leave a comment

Kommentaar en navrae

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?

  • Avatar

    Chris van Wyk

    |

    Dit was Rethie van Niekerk se preek. Sy het in die preek verwys na die Hebreeuse woorde.

    Die eerste reël (seën) het drie woorde, dan vyf woorde, dan sewe woorde.  15, 20, 25 konsonante (onthou ʾ is ook ‘n konsonant).  11, 13, 16 lettergrepe (ek het weer getel, en dit is die korrekte aantal).

    24 yĕbārekkā yĕhwâh wĕyišmĕrekā
    25 yāʾēr yĕhwâh pānāyw ʾēlêykā wîyḥunekā
    26 yiśāʾ yĕhwâh pānāyw ʾēlêykā wĕyāśēm lĕkā šālôwm

    Hoop dit maak sin.

  • Avatar

    Annemarie vn Zyl

    |

    NUM 6; GOD SE SEEN, Goeiemore
    Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.

  • Avatar

    Chris van Wyk

    |

    Dankie Corrie! Mooi jaar vir jou.

  • Avatar

    Corrie

    |

    Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.

  • Avatar

    C Joubert

    |

    Inspirerende en besielende boodskappe

  • Avatar

    Sonja Lizemore

    |

    Beste Ds Chris.
    Net n GROOT DANKIE vir die liedere. Dit is baie spesiaal.

  • Avatar

    Chris van Wyk

    |

    Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.

  • Avatar

    Carol

    |

    Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.

  • Avatar

    Chris van Wyk

    |

    Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.