Dag 1 – om met moed en oortuiging te leef – 19/10/09

Lees Rigters 4

Leiers het moed en oortuiging nodig om risiko’s te aanvaar en moeilike besluite te kan neem.  Debora tree op in só ‘n krisistyd.  Nie net is Israel 20 jaar lank oorheers deur die Kanaäniete en het die volk wanhopig weggekruip vir hulle vyand nie, maar moes sy die onsekerheid van Barak die hoof bied.

Deur haar gee God vir Barak en die volk moed met 1) die belofte van oorwinning, sowel as 2) die strategiese plan om die oorlog by die Kisonspruit te voer: “Ek sal hom na jou toe laat optrek …” en 3) die belofte van sy persoonlike teenwoordigheid: “Die Here gaan voor jou uit.”

God gee dieselfde beloftes en voorsiening vir leiers vandag.  Vir watter situasie roep die Here jou vandag? Laat hierdie verhaal jou die moed en oortuiging gee om dit onder God se leiding aan te pak.

Lewer kommentaar

This site uses Akismet to reduce spam. Learn how your comment data is processed.