Boontjie kry sy loontjie – Matt. 7:1-29 – kleingroepmateriaal: 9-15 Mrt.

Gee geleentheid dat elkeen iets deel wat gebeur het sedert julle laas by mekaar was.  Julle kan spesifiek nadink oor wat julle rondom besittings en bekommernisse ervaar het.

RUS

9 boontjie kry sy loontjieBegin só: “God nooi ons uit om tot rus te kom by Hom. Sluit nou die oë en gee vir Hom al jou wanhoop, verwarring of hoop.  Dit kan ’n vraag wees, ’n behoefte, ’n seer, ’n dankbaarheid.” Gee 2 minute daarvoor.  Vervolg dan met: “God gee aan ons in die teks wat ons gaan lees die belofte: ‘Vra en vir julle sal gegee word; soek en julle sal kry; klop en vir julle sal oopgemaak word.’ Wat wil jy nou van God vra?”  Gee 2 minute daarvoor.

Sê amen en gee geleentheid dat mense kan deel wat hulle ervaar het in hierdie tot-rus-kom tyd.  Indien hulle vrymoedigheid het, kan julle saam vir van dié sake bid en ook op julle groep se gebedslys sit.

HOOR

1.  Lees Matteus 7:1-29.

2.  Deel met mekaar wat julle in dié gedeelte tref.

3.  Hoe verstaan julle die metafoor wat Jesus gebruik van die splinter (of “stoffie”) en die balk in onderskeidelik jou medegelowige en jou eie oog?  Wat wil Jesus daarmee vir ons leer?

4.  Die gebed tot ons vrygewige Vader om vir ons goeie gawes te gee is verbind aan die Goue Reël om aan ander te doen wat jy aan jouself gedoen wil hê.  Wat is die verband? Julle kan kyk na Lev. 19:18 wat baie keer met die Goue Reël verbind word om julle te help: “Jy mag nie wraak neem of ’n grief koester teenoor jou volksgenoot nie, jy moet jou naaste liefhê soos jouself. Ek is die Here.” Dink oor wat dit van God sê … en dan wat dit oor jou houding teenoor ander sê.

5.  Jesus sluit die Bergrede af met vier metafore: die keuse vir die poort van die lewe, die keuse vir die ware profete op grond van hulle vrugte, die keuse om self te hoor en te doen wat nié verband hou met preek en wonders nie, maar met die navolging van Jesus se woorde.  Dit is dié mense wat is soos ’n huis op die rots wat standhou as reën en wind stormagtig om hulle slaan, anders as dié wat soos ’n huis op die sand (in ’n rivierloop, soos ons uit die Grieks aflei) is wat weggespoel word.  Sou ’n mens die boodskap van die vier metafore kon saamvat as “Boontjie kry sy loontjie?” Hoe raak dit jou?

LEEF

Wat is die een ding wat jy vandag met jou saamvat uit die luister na die Woord en na mekaar?  Dra mekaar op aan die Here en deel volgende week met mekaar hoe God julle in staat gestel het om te hoor en  te doen.

Kleingroeptekste vir die res van die kwartaal:

Jesus en die Samaritaanse vrou – Joh. 4:5-42
Genesing van die blinde man – Joh. 9:1-41
Lasarus se opstanding – Joh. 11:1-45
     

Trackback from your site.

Leave a comment

Kommentaar en navrae

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?

  • Avatar

    Chris van Wyk

    |

    Dit was Rethie van Niekerk se preek. Sy het in die preek verwys na die Hebreeuse woorde.

    Die eerste reël (seën) het drie woorde, dan vyf woorde, dan sewe woorde.  15, 20, 25 konsonante (onthou ʾ is ook ‘n konsonant).  11, 13, 16 lettergrepe (ek het weer getel, en dit is die korrekte aantal).

    24 yĕbārekkā yĕhwâh wĕyišmĕrekā
    25 yāʾēr yĕhwâh pānāyw ʾēlêykā wîyḥunekā
    26 yiśāʾ yĕhwâh pānāyw ʾēlêykā wĕyāśēm lĕkā šālôwm

    Hoop dit maak sin.

  • Avatar

    Annemarie vn Zyl

    |

    NUM 6; GOD SE SEEN, Goeiemore
    Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.

  • Avatar

    Chris van Wyk

    |

    Dankie Corrie! Mooi jaar vir jou.

  • Avatar

    Corrie

    |

    Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.

  • Avatar

    C Joubert

    |

    Inspirerende en besielende boodskappe

  • Avatar

    Sonja Lizemore

    |

    Beste Ds Chris.
    Net n GROOT DANKIE vir die liedere. Dit is baie spesiaal.

  • Avatar

    Chris van Wyk

    |

    Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.

  • Avatar

    Carol

    |

    Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.

  • Avatar

    Chris van Wyk

    |

    Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.

  • Avatar

    Annelize

    |

    Helo ek trek end November PE toe v Grahamstad.
    Hoe werk kerkdienste by julle. Weens Covid. Is daar dienste of is Alles online.
    Baie dankie
    Annelize Brisley