2 Korintiërs 4:16-18 Week vanaf 4 Junie 2012

Huisgodsdiensmateriaal

Week van 4-9 Junie 2012

RUS

  • Vertel vir mekaar waar en hoe julle ide afgelope week die Here beleef het.
  • Laat iemand bid en vir die Here vra om met julle te praat.

HOOR

Lees 2 Korintiërs 4:16-18 uit Die Nuwe Testament vir Kinders.

16–18 Ons gee nooit moed op nie, al kry ons seer. God is op ’n spesiale manier by ons. Hy maak ons elke dag van binne af nuut. Ons weet ons swaarkry gaan een van die dae ophou. Dan gaan ons vir altyd by God bly. Ek het nie genoeg woorde om vir julle te sê hoe wonderlik dit sal wees nie. Ons kyk verby al ons probleme. Ons kyk vorentoe, na God se wêreld. Dit wat ons vandag sien, is môre nie meer hier nie. God se nuwe wêreld sal vir altyd bestaan.

Gesels oor die teksgedeelte (ouers kan ook na die inligting in die kleingroepmateriaal kyk).

  • Maak eers seker almal verstaan al die woorde.  Deel dat vir mekaar wat vir julle uitstaan in die teks.  As julle vrae het, kan julle ook daaroor gesels. 
  • Vertel vir mekaar hoe julle dink dit in die hemel gaan wees.
  • Hoe kan die idee dat jy eendag hemel toe gaan, jou nou help as daar slegte goed gebeur?  Probeer konkreet dink aan slegte goed waarmee julle tans moet leef.

LEEF

  • Wat vra die Here nou van jou?
  • Gaan deur jul gebedslys- is van jul gebede beantwoord?  Sê dankie!  Maak ‘n lys van die goed waarvoor julle hierdie week gaan bid.  Bid saam vir mekaar en die dinge op jul lys.  Onthou ook om deur die week te bid vir die dinge op die gebedslys in die afkondiginge.
     

Tags:

Trackback from your site.

Leave a comment