Youtube erediens 22 November 09:00 – Wees getrou

Ek was November 34 jaar in die gemeente van Somerstrand. Wonderlike herinneringe. Ek bel dié week vir tannie Bets Vivier. Om net te hoor hoe dit gaan. Haar seun Gerrit is so ‘n paar weke gelede oorlede. Die wonde is nog rou. So ‘n pragtige familie. En ons ken mekaar so lank. Sy vertel my toe van ons eerste ontmoeting. By Veritas op kampus waar ek en Hannes Marais ‘n klomp waatlemoene moes kom aflaai. Tannie Bets se geheue skrik vir niks!

So het ek baie van julle die week gebel. Veral om van ons siekes moed in te praat. Om te simpatiseer met verliese. Dit is ‘n voorreg om só ‘n groep gelowiges te hê om ‘n pad mee te stap. Die kerkraad en dagbestuur het ook vergader om oor volgende jaar te gesels. En ons kategete. Dit is lekker om na al die jare nog soveel vitaliteit te sien, selfs al is hierdie jaar seker die grootste uitdaging in die gemeente se geskiedenis.

Dit is daarom heel gepas om hierdie laaste brief van Paulus, sy tweede aan Timoteus, te lees en daarmee ons reeks oor Paulus af te sluit. En ek kan aan geen beter tema dink om die brief se boodskap op te som nie. Hy moedig vir Timoteus in ‘n uitdagende konteks aan: Wees getrou. Aan die evangelie. Aan die Here Jesus. Aan die Woord. Aan jou roeping.

En dit is wat ek ook vir jou wil deurgee. Wees getrou.

Chris van Wyk – Youtube 09:00 – 22 November 2020 – GEEN EREDIENS IN DIE KERK WEENS COVID-19

Youtube
Klankbaan
Boek

Lewer kommentaar

This site uses Akismet to reduce spam. Learn how your comment data is processed.