Voorbidding vir Algemene Sinode

Op Maandag 10 Oktober vertrek Chris, Rethie, JC en Christine na die Algemene Sinode se sitting (10 tot 14 Oktober by die Birchwood Konferensiesentrum in Boksburg). [Kobus sal in dié tyd aan diens wees, maar Chris en Rethie sal per SMS bereikbaar wees.] Dit gaan in meer as een opsig ’n deurslaggewende week vir die kerk wees.  Bid vir elke afgevaardigde vir wysheid, insig en evangeliese sensitiwiteit.

NGK ALGEMENE SINODE 14DE VERGADERING: VOORWOORD

Die veertiende vergadering van die Algemene Sinode van die Nederduitse Gereformeerde Kerk vind plaas in die jaar voor die Algemene Sinode in 2012 50 jaar oud sal wees. Hierdie tyd 50 jaar gelede het die NG Kerke in die Raad van Kerke reeds begin sien dat die droom van een kerkverband nie net ’n droom sal bly nie – dit was om die draai! Lees mens die geskiedenis word jy geraak deur die onvermoeide werk deur so baie jare – selfs die deurvoer van ’n wet deur die parlement om die een kerkverband moontlik te maak – ter wille van hierdie kerkverband.

Ons vergader in ’n tyd waar daar vrae is oor hierdie kerkverband en kerkverband per se. Daar is ook bepaalde verwagtinge, soms onrealisties en onprakties, ten opsigte van hierdie kerkverband se Algemene Sinode. Sommige mense, binne en buite die kerk, gee baie hoog op oor die vergadering van die Algemene Sinode asof dit die plek is waar die towerstaffie is, waar alle probleme opgelos word en waar ewigheidsuitsprake gemaak word. Ander weer dink ’n Algemene Sinode het eintlik geen plek nie en ons ivoortoring-gepraat raak nog kant nog wal. Ons moet ook eerlik wees en sê dat daar ook die is wat ons vergadering van 10-14 Oktober 2011 met wantroue bejeën. Na 50 jaar skuld ons mekaar ’n goeie gesprek oor ons siening van en verbintenis tot ons kerkverband. Daar is verskeie punte in die Agenda waar dit op tafel kom.

Hierdie vergadering is een van die vergaderings van ’n geloofsgemeenskap bestaande uit gemeentes, ringe en sinodes wat met mekaar ooreengekom het om op ’n bepaalde manier met mekaar op weg te wees. Die 10 sinodes stuur hulle afgevaardigdes na die Algemene Sinode om as kerkvergadering-in-eie-reg die sake te hanteer waarop met mekaar ooreengekom is In terme van Artikel 43 van ons Kerkorde. Ons moet mekaar help om gefokus te bly op die sake wat hierdie vergadering se taak is.

As kerkvergadering vergader ons met ons oop Bybels in die teenwoordigheid van die Hoof van die Kerk, Jesus Christus ons Here. Ons moet sy stem hoor. Ons moet onderskei wat sy wil is met betrekking tot die sake in die Agenda én die leiding wat die Algemene Sinode aan die kerkverband moet gee oor ons roeping in ons wêreld. In die verslag van die Agendakommissie word meer gesê oor die wyse waarop die vergadering funksioneer.

Ons Roepingsverklaring (2007) dien as noodsaaklike agtergrond vir ons vergadering. Só sien ons op die oomblik ons koers in die land, streek, kontinent en wêreld waar God ons geplaas het. (Kyk by http://www.ngkerk.org.za/index.asp?bodyType=as_dokumente vir die Roepingsverklaring 2007).

Met hierdie vergadering gaan die NG Kerk weereens in die kerklike en publieke oog wees. Almal gaan én mag deelneem aan die openbare diskoers oor die vergadering van die Algemene Sinode. Dit gaan deur middel van alle tipe media gebeur. Dit gaan positief en negatief beleef word. As kerk-op-die-markplein is dit deel van die konteks van ons vergadering. Ons is egter een reaksie verskuldig: ons moet met teologiese integriteit verantwoordelike geloofsonderskeiding beoefen ter wille van die eer van die Koning van die Kerk en sy missie in die wêreld.

Dr JJ Gerber (Algemene Sekretaris van die NG Kerk)

Jy kan die agenda van die Sinode aflaai by http://ngkok.co.za/as2011. Kopieë van gedeeltes van die Agenda kan ook by die Kerkkantoor aangevra word.  Daar sal ook daaglikse sinodenuus aan gemeentes gestuur word – jy kan die inligting by die Kerkkantoor aanvra.  Jy kan ook die Algemene Sinode op facebook en twitter volg:  www.facebook.com/kerkbode en @kerkbode of #ngkerk.  Doen asb moeite om die inligting vanuit die amptelike bronne te kry, juis omdat alle lidmate daarop geregtig is om inligting eerstehands (en dalk sonder die openbare media se interpretasie daarvan) te ontvang.

 

     

Trackback from your site.

Leave a comment

Kommentaar en navrae

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?

  • Avatar

    Chris van Wyk

    |

    Dit was Rethie van Niekerk se preek. Sy het in die preek verwys na die Hebreeuse woorde.

    Die eerste reël (seën) het drie woorde, dan vyf woorde, dan sewe woorde.  15, 20, 25 konsonante (onthou ʾ is ook ‘n konsonant).  11, 13, 16 lettergrepe (ek het weer getel, en dit is die korrekte aantal).

    24 yĕbārekkā yĕhwâh wĕyišmĕrekā
    25 yāʾēr yĕhwâh pānāyw ʾēlêykā wîyḥunekā
    26 yiśāʾ yĕhwâh pānāyw ʾēlêykā wĕyāśēm lĕkā šālôwm

    Hoop dit maak sin.

  • Avatar

    Annemarie vn Zyl

    |

    NUM 6; GOD SE SEEN, Goeiemore
    Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.

  • Avatar

    Chris van Wyk

    |

    Dankie Corrie! Mooi jaar vir jou.

  • Avatar

    Corrie

    |

    Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.

  • Avatar

    C Joubert

    |

    Inspirerende en besielende boodskappe

  • Avatar

    Sonja Lizemore

    |

    Beste Ds Chris.
    Net n GROOT DANKIE vir die liedere. Dit is baie spesiaal.

  • Avatar

    Chris van Wyk

    |

    Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.

  • Avatar

    Carol

    |

    Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.

  • Avatar

    Chris van Wyk

    |

    Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.