Tweede Kwartaal Aanddiens

Written by Rethie van Niekerk on 30/03/2016. Posted in Aanddiens, Eredienste, Nuusflitse

Tags: aanddiens, reeks, The Air I Breathe

Trackback from your site.

Die verhaal van die kerk – Paulus versit berge

Familie Erediens Youtube 09:00

Pulse Erediens Youtube 18:00

Gebruik SnapScan vir jou dankoffer en kollektes

Kommentaar en navrae

Chris van Wyk

15/01/2021 | #

Dit was Rethie van Niekerk se preek. Sy het in die preek verwys na die Hebreeuse woorde.

Die eerste reël (seën) het drie woorde, dan vyf woorde, dan sewe woorde. 15, 20, 25 konsonante (onthou ʾ is ook ‘n konsonant). 11, 13, 16 lettergrepe (ek het weer getel, en dit is die korrekte aantal).

24 yĕbārekkā yĕhwâh wĕyišmĕrekā
25 yāʾēr yĕhwâh pānāyw ʾēlêykā wîyḥunekā
26 yiśāʾ yĕhwâh pānāyw ʾēlêykā wĕyāśēm lĕkā šālôwm

Hoop dit maak sin.
Annemarie vn Zyl

14/01/2021 | #

NUM 6; GOD SE SEEN, Goeiemore
Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.
Chris van Wyk

06/01/2021 | #

Dankie Corrie! Mooi jaar vir jou.
Corrie

06/01/2021 | #

Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.
C Joubert

04/01/2021 | #

Inspirerende en besielende boodskappe
Sonja Lizemore

19/12/2020 | #

Beste Ds Chris.
Net n GROOT DANKIE vir die liedere. Dit is baie spesiaal.
Chris van Wyk

11/11/2020 | #

Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.
Carol

11/11/2020 | #

Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.
Bybelskool » Die verhaal van die kerk – Paulus versit berge

29/10/2020 | #

[…] Wanneer weet ‘n mens wat is waarheid? – Handelinge 16:6-18:23 […]
Bybelskool » Die verhaal van die kerk – Paulus versit berge

29/10/2020 | #

[…] Liefde is … 1 Korintiërs 13 […]
Bybelskool » Die verhaal van die kerk – Paulus versit berge

29/10/2020 | #

[…] Jou onsigbare Vriend – Kolossense 1 […]
Chris van Wyk

29/10/2020 | #

Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.
Annelize

28/10/2020 | #

Helo ek trek end November PE toe v Grahamstad.
Hoe werk kerkdienste by julle. Weens Covid. Is daar dienste of is Alles online.
Baie dankie
Annelize Brisley
Bybelskool » Die verhaal van die kerk – Paulus versit berge

22/10/2020 | #

[…] Die verhaal van die kerk – Paulus versit berge […]
Bybelskool » Die verhaal van die kerk – Paulus versit berge

22/10/2020 | #

[…] Hoopvol op pad – 1 Tessalonisense […]
Bybelskool » Die verhaal van die kerk – Paulus versit berge

22/10/2020 | #

[…] Skat in kleipotte – 2 Korintiërs 4 […]
Bybelskool » Die verhaal van die kerk – Paulus versit berge

22/10/2020 | #

[…] Tweede kanse – Filemon […]
Chris van Wyk

15/10/2020 | #

Sal by hom hoor.
George van der merwe

15/10/2020 | #

Goeiedag! Ek sien Albert Troskie is by julle die orrelis. Kan hy moontlik die melodie opneem vir al die psalms wat geen melodie by het in die toep van Bybel Media? Dit sal ‘n wonderlike diens aan die kerk wees, want wat help dit dat TT Cloete alles nuut omgedig het, maar so baie het geen melodie daarby nie? Asse-groot-blief!
Liefhebbend in ons Heer
George van der Merwe, Clarens in die Vrystaat
Mariette Rossouw

27/09/2020 | #

Hallo Chris
Die gereelde navrae oor die praktyk het my laat dink ek moet weer hierdie artikel stuur.
So bring ek weer die ou, ou tyding!

OM ‘N JOERNAAL TE HOU – ‘N MANIER OM NA GOD TE LUISTER
Die afgelope tyd het Chris al ‘n paar keer met sy preke met ons sy ervarings rondom sy joernaal gedeel. Dalk wonder jy ook daaroor, of het jy ook vrae – soos ek daaroor gehad het, toe het iemand Ordering your Private World (Tyd vir Orde) van Gordon MacDonald vir my gegee om te lees. Dit het eintlik ook my hele verstaan van stiltetyd en Bybelstudie verander.

Gordon skryf dat jy nodig het om in jou binnekamer tot stilstand te kom en stil te word – sodat jy tye van stilte en afsondering kan beleef, asook om te leer om die dissipline van luister te beoefen. Hy sê: “Die meeste Christene leer op ‘n vroeë ouderdom hoe om met God te praat, maar hulle leer nie om ook te luister nie. Ons luister elke keer wat ons die Skrif oopmaak wat die verborgenheid van God openbaar, wanneer ons onsself oopstel vir die aanspoorwerk van God se inwonende Heilige Gees, en wanneer ons ‘n boodskap van onderrig met die krag van die Gees van God bring.”

Hy skryf: “Ek het ontdek dat om ‘n joernaal te hou een praktiese metode is om te leer om na God se stem in die tuin (stilte) van my persoonlike wêreld te luister. Met ‘n potlood in die hand gereed om te skryf, het ek agtergekom dat daar deur my leeswerk of oordenking, ‘n afwagting is, ‘n gereedheid om enigiets te hoor wat God dalk wil fluister.”
“Daardie ontdekking het ek ongeveer twintig jaar gelede gemaak toe ek ‘n biografie gelees het. Die man oor wie die boek geskryf is, het ‘n lewenslange gewoonte gehad om sy geestelike pelgrimstog neer te skryf. Hy het noukeurig aantekeninge gehou oor hoe hy deur die Gees van God gelei is, “skryf hy verder en sê-vra dan: “Wat ‘n instrument moes dit nie gewees het nie? Iets waarheen hy keer ná keer kon teruggaan om die hand van God in sy lewe raak te sien!”
Gordon het toe besluit om dit op die proef te stel en hy het begin om ‘n joernaal te hou. Aanvanklik was dit vir hom moeilik; hy sê hy het selfbewus gevoel, maar het nietemin al meer en meer van die gedagtes wat sy gees oorstroom het, in sy joernaal neergeskryf. Daaroor skryf hy: “Ek het in die joernaal my emosies, my verse, my gevoel van swakheid en my verwagtinge beskryf, asook my ontdekkings van hoe Christus my lei. Wanneer ek leeg of verslae gevoel het, het ek ook daarvan in die joernaal geskryf.”
Mettertyd het hy begin besef dat die joernaal hom help om ‘n groot deel van sy innerlike wêreld, waaroor hy nog nooit ten volle eerlik was nie, te hanteer. Sy vrese en worsteling kon nie langer in sy binneste bly sonder om verwoord te word nie. Dit is na die oppervlak gebring en was daar aangespreek of kon uitgesorteer word. Hy het ook bietjie vir bietjie daarvan bewus geword dat die Heilige Gees besig was om sy gedagtes te rig en hom nuwe insig te gee, terwyl hy in sy joernaal geskryf het.
Hy verduidelik hoe waardevol die joernaal kan wees ten opsigte van jou gebed. As jy stom of woordeloos voel, of nie samehangend woorde kan vind as jy wil bid nie, skryf jou gebede neer, want jou gebed se inhoud gaan vir jou meer sinvol geword as jy dit neerskryf.
Hy kon ook mettertyd in sy joernaal teruggaan en sien hoe hy reeds al geestelik gegroei het en sy geestelike vordering was vir hom ‘n groot aansporing. Jou joernaal is dus nie net ‘n verslag van die goeie tye was nie, maar ook van die slegte tye. Hy sê voorts: “Wanneer daar tye van moedeloosheid en selfs van wanhoop gekom het, was ek in staat om my gevoelens te beskryf en om te vertel hoe die Gees van God my te hulp gekom het om my te versterk. Sulke gedeeltes was later van besondere waarde om in herinnering te roep; dit het my gehelp om die krag van God te ervaar te midde van my eie swakheid.”
“Die joernaal het dus eintlik al die getuienis van die getrouheid van God in my lewe vervat en is baie betekenisvol. Vandag, ná twintig jaar van joernaal hou, het ek ‘n gewoonte aangeleer. Daar gaan selde ‘n oggend verby dat ek nie die joernaal oopmaak en die dinge neerskryf wat ek hoor het wat God aan my sê, òf deur my leeswerk, òf oordenking, òf in my dag se ervaring nie. Wanneer die joernaal oopgaan, gaan die oor van my hart ook oop.
As God gaan praat, is ek gereed om te luister.”
HOE OM JOERNAAL TE HOU
“Wanneer ek in die openbaar oor joernaal-hou praat, vind ek dat baie mense besonder daaarin belangstel en baie vrae daaroor het. Hulle aanvanklike nuuskierigheid neig om meer oor die praktyk te wees, as iets anders. Hoe lyk jou joernaal? Hoe dikwels skryf jy daarin? Watter soort dinge sluit jy in? Is dit nie maar eintlik net ‘n dagboek nie? Laat jy jou vrou toe om die joernaal te lees?”
Gordon het vir elkeen goeie praktiese raad. Hy sê jou joernaal kan enige skryfboek wees, terwyl ons hier vind dat ‘n gewone A4-grootte hardebladboek baie goed werk. Hy skryf sowat elke dag in sy joernaal, maar dit sal hom nie erg onstel as ‘n dag af en twee verbygegaan het sonder dat hy ‘n inskrywing daarin gemaak het nie. Hy het dit wel sy gewoonte gemaak om die aanvangsoomblikke of -insigte van ‘n geestelike ervaring of stiltetyd neer te skryf. Vir hom beteken dit: dit is elke oggend die eerste ding wat hy doen.
En wat skryf jy daarin? Begin met vandag se datum, skryf dan enige iets oor jou geestelike reis saam met God, byvoorbeeld:
• mense wat jy ontmoet het,
• gevoelens wat jy ervaar, en
• indrukke/oortuigings wat jy glo God wou hê jy moet kry,
• gebede soos jy daarna voel om dit neer te skryf,
• nuwe insigte – ook van ander geestelike leesstof,
• besorgdheid oor jou eie persoonlike gedrag,
• en die dinge wat jy in die lewens van jou gesinslede opmerk.
“Dit is alles deel van my luister na God,” gaan hy voort. “Ek is bewus daarvan dat dít wat ek skryf, eintlik kan wees wat God aan my sê. Hy glo dat die Gees van Christus dikwels werksaam is in die dinge waaroor hy dink en wat hy neerskryf. “Dit is vir my belangrik om my hart te ondersoek om te sien watter gevolgtrekkings God voortbring, waaraan Hy my wil herinner en watter indrukke Hy op my persoonlike lewe wil laat.”
Maar Gordon sê hy skryf ook in sy joernaal van agteraf vorentoe. Daar word die sake waarvoor en persone vir wie hy bid vir daardie dag aangeteken.
Die joernaal is dus nie net ‘n gesprek met God nie, maar dit is ook ‘n weergawe van jou totale geestelike reis – met al jou stryd en leerervarings ook daarin opgeteken. Die grootste waarde lê egter vir hom daarin dat dit ‘n instrument is wanneer jy in die stilte van jou binnekamer op God wag, en jy luister om Sy stem te hoor as Hy met jou praat.
“Joernaal-hou,” sê Gordon, “dien as ‘n wonderlike instrument om in afsondering gemeenskap met die Vader te hê.. As ek skryf, is dit asof ek in gesprek met Hom is. Ek voel hoe God wonderbaarlik aan die werk is in die woorde wart ek gelei word om te skryf, en dat ek daarmee die diepste vorm van gemeenskap met Hom kan ervaar

Lees gerus meer in Ordering your Private World Tyd vir Orde Gordon MacDonald. Struik
Seën toegebid,
Mariette

Tweede Kwartaal Aanddiens

Related

Leave a comment

Tweede Kwartaal Aanddiens

Share this:

Related

Leave a comment