• Home
  • Nuus
  • Op pad met God – ‘n getuienis

Op pad met God – ‘n getuienis

God se pad met ons is elke keer uniek, soos hierdie terugblik van getuig.

“Ek het by hierdie groepie ingeskakel op ‘n tyd in my lewe toe ek geestelik baie geïsoleerd gevoel het. Ek het ‘n behoefte gehad om êrens deel te word, sodat ek geestelik kon groei. Ek wou (en wil steeds) God se stem persoonlik beter “hoor” en verstaan, en Sy grootheid en betrokkenheid in my lewe meer intiem en intens ervaar. Ek glo hierdie pad was God se antwoord op ‘n diepliggende behoefte in my gees.

By ons weekilkse samekoms sien ek hoe God ons elkeen met sy unieke persoonlikheid op ‘n spesiale wyse gebruik om in mekaar se lewens in te bou en waar Hy Sy grootheid kan openbaar. Ons is saam een liggaam in Jesus, met verskillende ledemate en funksies soos Hy dit bepaal. Dis wonderlik om te sien hoe die Heilige Gees met elkeen handel, en die raakpunte t.o.v. ons belewenisse en ervaringe van daardie week op te tel.

Ek beleef die saamwees baie positief.  Ek vind dit inspirerend en dikwels verstommend: Jesus is deur Sy Gees betrokke in my lewe! Hy praat met my, ook deur die groeplede se bydraes, maar Hy gebruik my ook in hulle lewens – dikwels sonder dat ek eers daarvan bewus was.     Die Heilige Gees bly besig met my, en ek raak al meer bewus van en sensitief vir Sy influisteringe.

Die geestelike gewoontes van stilwees voor God, luister na Sy stem, wandel met Hom, delf in Sy Woord, kyk wat Hy vir my wys-en-sê deur wat ek in my onmiddelike omgewing waarneem, gebed en intersessie, gehoorsaamheid, geduld, geloof ten spyte van moeilike omstandighede, ensovoorts, het vir my nuwe betekenis gekry. Dit het ook ‘n verdieping in my verhouding en wandel met Jesus gebring. Ek het God as YAHWE (God, die algenoegsame God) leer ken en vertrou, en dit is ‘n ongekende seën en genade uit Sy hand! Ek het myself beter leer ken, en meer bewus geraak van watter gawes ek van God ontvang het, en hoe Hy my kan en wil gebruik.

Woensdagaande is ‘n lafenis vir my siel… dikwels, as ek baie moeg of “af ” voel, vind ek dat die Here juis hierdie groepie gebruik om my op te tel en nuwe inspirasie te gee. Ons kan elkeen ‘n bydrae lewer en van mekaar leer, maar Jesus is en bly die Leier. Daarom is elke byeenkoms vars en nuut, en kan ek steeds ‘n verdieping in my persoonlike verhouding met God ervaar. Ek is opgewonde om elke dag van Hom te leer, terwyl ek weet God is steeds besig met Sy transformasiewerk in my lewe!

Ek glo ons OP PAD MET GOD is deel van die roete en proses waardeur God besig is om Sy beloftes vir my waar te maak. Ek sê saam met Moses: Please, show me Your Glory, God! Dit bly my hartsbegeerte! DANKIE HERE JESUS! AAN GOD AL DIE LOF, EER EN DANK! U IS WAARLIK HERE!”

 

 

     

Trackback from your site.

Leave a comment

Kommentaar en navrae

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?

  • Avatar

    Chris van Wyk

    |

    Dit was Rethie van Niekerk se preek. Sy het in die preek verwys na die Hebreeuse woorde.

    Die eerste reël (seën) het drie woorde, dan vyf woorde, dan sewe woorde.  15, 20, 25 konsonante (onthou ʾ is ook ‘n konsonant).  11, 13, 16 lettergrepe (ek het weer getel, en dit is die korrekte aantal).

    24 yĕbārekkā yĕhwâh wĕyišmĕrekā
    25 yāʾēr yĕhwâh pānāyw ʾēlêykā wîyḥunekā
    26 yiśāʾ yĕhwâh pānāyw ʾēlêykā wĕyāśēm lĕkā šālôwm

    Hoop dit maak sin.

  • Avatar

    Annemarie vn Zyl

    |

    NUM 6; GOD SE SEEN, Goeiemore
    Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.

  • Avatar

    Chris van Wyk

    |

    Dankie Corrie! Mooi jaar vir jou.

  • Avatar

    Corrie

    |

    Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.

  • Avatar

    C Joubert

    |

    Inspirerende en besielende boodskappe

  • Avatar

    Sonja Lizemore

    |

    Beste Ds Chris.
    Net n GROOT DANKIE vir die liedere. Dit is baie spesiaal.

  • Avatar

    Chris van Wyk

    |

    Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.

  • Avatar

    Carol

    |

    Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.

  • Avatar

    Chris van Wyk

    |

    Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.