Luisterblad Rut 2 – 22 tot 28 Julie 2018

KLEINGROEPE SAAM-LUISTER

Ingenooi deur God:

Vertel vir mekaar van “toevallige” gebeure in jul lewens, wat julle vandag dink eintlik God se voorsiening was.

Ingaan in God se tyd:

Maak julle oë toe en luister biddend terwyl iemand Psalm 46 rustig lees.

Luister na God se Woord: 

Lees Rut 2.  Gee kans dat elkeen rustig op hul eie oor die teks reflekteer:  wat staan vir jou uit, wat raak jou, wat ontwrig jou of daag jou uit?

Luister na mekaar: 

Vertel vir mekaar wat julle gehoor het in die teks.   Wat het jou getref?  Wat het jou ontwrig of uitgedaag?

Luister na ander en die tye: 

Lees Lev. 19:9-10, 23:22 en Deut. 24:19-22.  Wat sê dit vir ons wêreld vandag?  Hoe kan jy die gees van hierdie wet vandag prakties toepas, in jou lewe?

Luister weer na God se Woord: 

Tel hoeveel keer die teks daarna verwys dat Rut ’n Moabiet, ’n vreemdeling, is (in vers 6 word dit sommer dubbeld onderstreep).  Onthou dat die Israeliete die Moabiete as vyande beskou het.  Verder is hierdie verhaal waarskynlik opgeskryf in Esra/Nehemia se tyd, wat probeer het om alle Joodse mans te dwing om hul nie-Joodse vroue weg te jaag (Esra 9-10, Neh. 10:28-30, 13:3, 23-30).  Kyk ook na Boas se optrede.  Let op hoe Boas nie net die wet nakom nie, maar méér doen as wat die wet vra.  Wie is die vreemdelinge in ons tyd?  In julle lewens?  Hoe hanteer julle hulle?  Wat leer julle uit Boas se optrede teenoor Rut?

Fokus op wat God nou doen: 

Rut se verhaal is ’n pragtige gelykenis oor toeval en voorsienigheid.  “Per toeval” kom Rut uit by dié land wat aan Boas behoort.  “Toevallig” kom Boas ook dan daar aan.  Tog is God die hele tyd agter die skerms aan die werk.  Wat na toeval lyk, is eerder goddelike voorsienigheid.  Katharine D. Sakenfeld sê:

Although none of the characters is yet aware, and although there are many hurdles yet to be overcome, a corner has been turned, a crack in a seemingly impenetrable wall has appeared, the beginning of a possible path from death to life, from bitterness to joy has been shown to the readers.  It remains to be seen whether the characters will act in ways that enable God’s intention for wholeness to be realized.

Hoe help dit jou om oor jou eie lewe te dink?  Wanneer is iets “toevallig” en wanneer is dit God wat besig is om te werk?  Hoe kan ons seker maak dat ons deelneem aan God se plan en nie in die pad daarvan staan nie?

Antwoord met ons lewe: 

Bid saam en reageer op wat julle uit die Woord gehoor het.

FAMILIE-LEWE

Rus: 

Herinner mekaar wat “toevallig” beteken.  Help mekaar om te sien dat goed wat ons dink “toevallig” is, eintlik God is wat besig is om dinge in plek te sit.

Laat iemand bid en vir die Here vra om met julle te praat.

Hoor: 

Lees Rut 2 saam.

Leef: 

In Rut se wêreld was dit die gebruik om altyd ’n deel van die oes op die land te los vir arm mense.  Hoe kan ons vandag leef op ’n manier dat ons die lewe vir arm mense makliker maak?  Gesels oor praktiese goed wat julle kan doen.  Dalk kan julle gesin hierdie week ook op ’n spesiale manier uitreik na behoeftige mense?

PERSOONLIKE LUISTER

Stop:

Waar in jou lewe het jy al ervaar dat iets “toevallig” gebeur, net om later agter te kom dat dit eintlik God se voorsienigheid was?

Neem Waar: 

Lees hierdie week Rut 2 in jou stiltetyd.  Lees die verhaal rustig deur.  Wat tref jou?  Met watter dele van die verhaal identifiseer jy hierdie week en hoekom?  Is God besig om deur dit met jou te praat?

Luister: 

Dink na oor jou lewe.  Op watter maniere voorsien God vir jou?  Kan dit wees dat jy soms God se voorsiening miskyk, omdat jy dit as “toevallig” beskou?  Praat met God daaroor.

 

 

 

     

Tags: , , , , , , ,

Trackback from your site.

Leave a comment

Kommentaar en navrae

  • Avatar

    Radie Rademeyer

    |

    Goeie dag
    Ek is n 79 jare oue mans persoon gesond sterk en baie gesond Ek sal baie graag by iemand wil bly wat hulp nodig het met vervoer om takies te verrig te help waar ek kan inslaap
    My naam is Radie Rademeyer kontak nommer 0732641032 verwysings beskikbaar

  • Avatar

    Chris van Wyk

    |

    Die probleem is dat eiename gewoonlik nie “die” vooraan het nie. Miskien moet mens dit as ‘n titel beem, want dsn maak die “die” sin. “Die Christus.” “Die Duiwel.”

  • Avatar

    mariette

    |

    ‘n Goeie môre vanuit en van die Baai se tipiese dae….
    Ernst sê:
    “Die gebruik van die hoofletter het met “sterstatus” eintlik bloedweinig te doen – wel met die spelreël in die AWS wat bepaal dat eiename so geskryf word. Vgl ook “die Bose” in Mat 13:19.”
    Persoonlik glo ek dat die betrokke vertalings ook maar saamhang met die ‘geloofsoortuiging’ van die betrokke partye, soos gees of met die hoofletter by Gees – soos dit in Johannes 3,en veral by 4:23-24, vertaal word.

    ‘n Baie geseënde dag toegewens, met ‘n hand-aan-hand se stap saam met Jesus in jou gees.

  • Avatar

    Mariette

    |

    Lekker as iemand so wakker loop, Alwyn.
    Ek het julle twee se opmerkings vir Ernst (Kotzé) aangestuur. Dan hoor ons bietjie wat hy sê.
    Seëngroete

  • Avatar

    Chris van Wyk

    |

    Ek weet nie regtig die rede nie. Die 2020-vertaling vertaal al tien voorkomste van Duiwel in die NT regdeur met ‘n hoofletter. Dit is nogal vreemd met die “die” vooraan.

  • Avatar

    Alwyn Du Plessis

    |

    Askies 2020 vertaling Nie 2920 nie

  • Avatar

    Alwyn Du Plessis

    |

    Môre Chris .Help asseblief. Hoekom verkry die duiwel sterstatus in 2920 Bybelvertaling met ‘n hoofletter D Efesiers 4:27
    Groete

  • Avatar

    Chris van Wyk

    |

    Ons gaan voort met daardie diens. Marlein van Deemter hanteer dit.

  • Avatar

    Chris van Wyk

    |

    Oor die “ware” vertaling. Elke vertaling het sy waarde. Die 1983-vertaling is in makliker Afrikaans, maar meer onakkuraat. Die 1953-vertaling is ouer Afrikaans, maar baie na aan die oorspronklike teks. Die 2020-vertaling is meer moderne Afrikaans, maar ‘n meer direkte vertaling van die oorspronklike teks. Ek gebruik self nou die 2020-vertaling, maar lees ook graag in die ESV en die NET Bible. Kyk op Youversion se Bybeltoepassing.

  • Avatar

    Chris van Wyk

    |

    Hi Francois, dit is die 2020-vertaling van Bybelgenootskap. Jy kan dit gratis lees by https://biblesa.co.za/ of op hulle toep.

  • Avatar

    Francois Smith

    |

    Geagte Dr Chris van Wyk : ek het na U video geluister “WAARHEID vs DWALLEER , en omdat ek self ook in ons Wonderlike Vader Almagtig se Woord leef, het ek na die video tot die slotsom gekom dat die leiers in die Algemene Sinode ons Wonderlike Vader Almagtig GLADNIE KEN NIE , want net onkundige nie-weergebore mense kan die besluite neem wat hulle neem, soos U ons dit onder die aandag gebring het. Dr Chris, ek wil net weet uit watter Afrikaanse Bybel Vertaling leef en werk U , want ek herken nie die Woord wat U op die video gegee het. Ek het by Kairos Netwerk aangesluit om deel te wees van die soeke om die NG Kerk te stig in die volmaakte waarheid van ons Wonderlike Vader Almagtig, en dit was dan ook op Kairos Netwerk se whatsapp-groep lommunikasie waar ek hierdie week U genoemde video gesien het. Daar is 5 Afrikaanse Bybels op die mark, en meer as 360 Engelse Bybels…….WAT is volgens U die WARE Afrikaanse en Engelse Vertaling van al hierdie Bybels? Elke mens het ‘n unieke vorm van SPRAAK(Joh 8:43,44), en dan ook nog meer ons Wonderlike Vader Almagtig, dan ontstaan die HOE kan ons Vader Almagtig MEER as EEN vorm van spraak he’, vanwee al die verskillende vertalings? WIE in die Leierskap van die Kerklike Denominasies, KEN NIE die WARE SPRAAK van ons Wonderlike Vader Almagtig ? Daarom my vraag aan U, want indien ons die Evangelie van ons Vader Almagtig verdraaid aan mense verkondig, SAL hulle BLOED op ons hoofde wees. Vrede en liefde in Christus Jesus het ek vir U en die mede Gelowiges. Amen.

  • Avatar

    brian strydom

    |

    sal plasing van studente verblyf advertensie voortgaan?
    die dame wat oorbodig verklaar is was onseker
    mooi loop. Brian

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?