Luisterblad 25 November tot 1 Desember

SAAM-LUISTER

Ingenooi deur God:

Dink terug aan die begin van die jaar:  Waarop het jy gehoop?  Watter van daardie hoop het waar geword?  En wat nie?

Ingaan in God se tyd:

Neem die dinge waaroor julle nou gesels het, in gebed na God toe en vra dat die Gees met julle sal praat.

Luister na God se Woord: 

Lees Habakuk 1:1-7, 2:1-4, 3:17-19.  As julle kan, kyk die Bible Project se oorsig oor Habakuk. Gee kans dat elkeen rustig op hul eie oor die teks reflekteer:  wat staan vir jou uit, wat raak jou, wat ontwrig jou of daag jou uit?

Luister na mekaar: 

Vertel vir mekaar wat julle getref het in die gedeelte.

Luister na ander en die tye:  

Wat is die dinge waartoe jy ook soos Habakuk tot God wil roep “Hoe lank nog?” En as jy nie net dink aan die dinge wat jouself of jou gemeenskap raak nie, maar ook aan die nood van ander gemeenskappe – in Suid-Afrika en die res van die wêreld – wat dink julle is nog alles op die “Hoe lank nog-lysie” wat by God afgelewer word?

Hoe laat die idee van klag teenoor God – lament – jou voel?  Maak dit jou ongemaklik, wil jy eerder net fokus op die positiewe, danksegging, ens.?  Of kan jy gemaklik weeklaag?  Hoekom voel jy so?  Watter godsbeeld sit agter jou emosie?

Luister weer na die Woord:

God se antwoord aan Habakuk is:  “Wag.” Hoe voel jy oor hierdie antwoord, dalk ook te midde van die dinge waaroor jy weeklaag?

Hoe reageer jy gewoonlik wanneer dit voel asof die uitkoms wegbly?

Hoe kan ons God loof te midde van onreg?  Het jy al so ’n ervaring gehad, dat jy God kon loof in baie slegte omstandighede?  Vertel vir mekaar daarvan.

Fokus op wat God nou doen:  

Volgende Sondag is die eerste Sondag van Advent – die Sondag van hoop.  Wat is hoop?  Wat help jou om aan te hou hoop?

Antwoord met ons lewe: 

Is daar iets spesifiek wat God nou van jou vra?  Bid vir die onreg wat julle bespreek het.  Bid dat die Gees julle hierdie Advent sal vul met hoop.

FAMILIE-LEWE

Gebruik van volgende Sondag af die Inkleur-Adventkalender wat hierdie Sondag by die kerk uitgedeel is. 

Rus: 

Vertel vir mekaar wat die goed is wat jou hartseer of bekommerd maak.  Dalk is daar boelies wat die lewe vanjaar vir jou swaar gemaak het – vertel vir mekaar daarvan.

Hoor: 

Lees Habakuk 1:2-3 uit “Die Bybel vir Almal”:

Habakuk het gesê: “Here, hoe lank moet ek nog bid? Hoe lank moet ek nog soebat dat U ons moet help? U luister nie na ons nie, U help ons nie teen die mense wat ons laat swaarkry nie. Hoekom wys U vir my
dat mense verkeerd doen aan ander mense? U sien hulle kry swaar
maar U doen niks. Ek sien hoe mense slegte dinge doen aan ander mense en nie reg doen aan hulle nie.

Kyk hoe eerlik Habakuk met God is oor sy probleme! Vertel vir mekaar hoe dit julle laat voel.

Leef:

Bid saam en vertel eerlik vir God hoe julle voel oor die dinge waaroor julle hartseer of bekommerd is.

PERSOONLIKE LUISTER

Stop:

Word rustig.  Wat is die sake wat op jou hart lê, waarvoor jy gereeld (wil) voorbidding doen?  Bid nou spesifiek daarvoor.

Neem Waar: 

Lees hierdie week Habakuk 1:1-7, 2:1-4, 3:17-19 in jou stiltetyd.  Wat tref jou?  Wat ruk jou?  Hoe is God besig om hierdeur met jou te praat?

Luister: 

Dink na oor die rol van hoop in jou eie lewe.  Waarop plaas jy jou hoop?  Wat help jou om aan te hou hoop?  Wat maak dat jy hoop verloor?  Bid die woorde van Habakuk 3:17-19.

 

 

     

Trackback from your site.

Leave a comment

Kommentaar en navrae

  • Avatar

    Radie Rademeyer

    |

    Goeie dag
    Ek is n 79 jare oue mans persoon gesond sterk en baie gesond Ek sal baie graag by iemand wil bly wat hulp nodig het met vervoer om takies te verrig te help waar ek kan inslaap
    My naam is Radie Rademeyer kontak nommer 0732641032 verwysings beskikbaar

  • Avatar

    Chris van Wyk

    |

    Die probleem is dat eiename gewoonlik nie “die” vooraan het nie. Miskien moet mens dit as ‘n titel beem, want dsn maak die “die” sin. “Die Christus.” “Die Duiwel.”

  • Avatar

    mariette

    |

    ‘n Goeie môre vanuit en van die Baai se tipiese dae….
    Ernst sê:
    “Die gebruik van die hoofletter het met “sterstatus” eintlik bloedweinig te doen – wel met die spelreël in die AWS wat bepaal dat eiename so geskryf word. Vgl ook “die Bose” in Mat 13:19.”
    Persoonlik glo ek dat die betrokke vertalings ook maar saamhang met die ‘geloofsoortuiging’ van die betrokke partye, soos gees of met die hoofletter by Gees – soos dit in Johannes 3,en veral by 4:23-24, vertaal word.

    ‘n Baie geseënde dag toegewens, met ‘n hand-aan-hand se stap saam met Jesus in jou gees.

  • Avatar

    Mariette

    |

    Lekker as iemand so wakker loop, Alwyn.
    Ek het julle twee se opmerkings vir Ernst (Kotzé) aangestuur. Dan hoor ons bietjie wat hy sê.
    Seëngroete

  • Avatar

    Chris van Wyk

    |

    Ek weet nie regtig die rede nie. Die 2020-vertaling vertaal al tien voorkomste van Duiwel in die NT regdeur met ‘n hoofletter. Dit is nogal vreemd met die “die” vooraan.

  • Avatar

    Alwyn Du Plessis

    |

    Askies 2020 vertaling Nie 2920 nie

  • Avatar

    Alwyn Du Plessis

    |

    Môre Chris .Help asseblief. Hoekom verkry die duiwel sterstatus in 2920 Bybelvertaling met ‘n hoofletter D Efesiers 4:27
    Groete

  • Avatar

    Chris van Wyk

    |

    Ons gaan voort met daardie diens. Marlein van Deemter hanteer dit.

  • Avatar

    Chris van Wyk

    |

    Oor die “ware” vertaling. Elke vertaling het sy waarde. Die 1983-vertaling is in makliker Afrikaans, maar meer onakkuraat. Die 1953-vertaling is ouer Afrikaans, maar baie na aan die oorspronklike teks. Die 2020-vertaling is meer moderne Afrikaans, maar ‘n meer direkte vertaling van die oorspronklike teks. Ek gebruik self nou die 2020-vertaling, maar lees ook graag in die ESV en die NET Bible. Kyk op Youversion se Bybeltoepassing.

  • Avatar

    Chris van Wyk

    |

    Hi Francois, dit is die 2020-vertaling van Bybelgenootskap. Jy kan dit gratis lees by https://biblesa.co.za/ of op hulle toep.

  • Avatar

    Francois Smith

    |

    Geagte Dr Chris van Wyk : ek het na U video geluister “WAARHEID vs DWALLEER , en omdat ek self ook in ons Wonderlike Vader Almagtig se Woord leef, het ek na die video tot die slotsom gekom dat die leiers in die Algemene Sinode ons Wonderlike Vader Almagtig GLADNIE KEN NIE , want net onkundige nie-weergebore mense kan die besluite neem wat hulle neem, soos U ons dit onder die aandag gebring het. Dr Chris, ek wil net weet uit watter Afrikaanse Bybel Vertaling leef en werk U , want ek herken nie die Woord wat U op die video gegee het. Ek het by Kairos Netwerk aangesluit om deel te wees van die soeke om die NG Kerk te stig in die volmaakte waarheid van ons Wonderlike Vader Almagtig, en dit was dan ook op Kairos Netwerk se whatsapp-groep lommunikasie waar ek hierdie week U genoemde video gesien het. Daar is 5 Afrikaanse Bybels op die mark, en meer as 360 Engelse Bybels…….WAT is volgens U die WARE Afrikaanse en Engelse Vertaling van al hierdie Bybels? Elke mens het ‘n unieke vorm van SPRAAK(Joh 8:43,44), en dan ook nog meer ons Wonderlike Vader Almagtig, dan ontstaan die HOE kan ons Vader Almagtig MEER as EEN vorm van spraak he’, vanwee al die verskillende vertalings? WIE in die Leierskap van die Kerklike Denominasies, KEN NIE die WARE SPRAAK van ons Wonderlike Vader Almagtig ? Daarom my vraag aan U, want indien ons die Evangelie van ons Vader Almagtig verdraaid aan mense verkondig, SAL hulle BLOED op ons hoofde wees. Vrede en liefde in Christus Jesus het ek vir U en die mede Gelowiges. Amen.

  • Avatar

    brian strydom

    |

    sal plasing van studente verblyf advertensie voortgaan?
    die dame wat oorbodig verklaar is was onseker
    mooi loop. Brian

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?