Liefde maak vry

Skriflesing: Joh 20:26-31 en 21:15-19

Inleiding

Ons is in die seisoen van menswaardigheid. 

Wat gee aan my lewe waarde?   Hoe gee ek aan ander mense se lewens waarde? 

Twee dinge gee waarde aan ons lewens: liefde en vryheid. 

Jesus se opstanding uit die dood is God se waarborg dat Hy ons liefhet en ons wil bevry van alles wat ons menswaardigheid van ons wegneem. Alles wat verhinder dat ons tot ons volle reg kan kom.  Deur Jesus se dood aan die kruis en sy opstanding uit die graf, maak God dit vir ons moontlik om te word wie Hy wil hê ons moet wees. 

Jesus se liefde maak ons vry.  Vryheid gee waarde aan mense se lewens. 

In Joh 20 en 21 lees ons van Jesus se verskynings aan sy volgelinge voor sy hemelvaart.  Met hierdie verskynings kom herstel Jesus die verhouding tussen hulle, sodat sy volgelinge  gereed is om die Heilige Gees te ontvang.  Ons kyk hoe dit plaasvind in Tomas en Petrus se lewens.

Tomas: Jesus se liefde maak ons vry van onkunde en ongeloof

Jesus weet dat daar baie onkunde en ongeloof by sy volgelinge, destyds en nou is. Daarom gee Hy aandag aan Tomas se ongeloof.  Tomas was ontnugter deur die kruisiging van Jesus.  niks het meer vir hom sin gemaak nie, daarom was hy ook nie meer saam met die ander 11 dissipels nie, daarom sê hy “ek wil Jesus se wonde sien”. 

Dan wys Jesus aan Tomas sy wonde,sodat hy bevry kan word van sy onkunde of ongeloof.  Hiermee gee Jesus aan Tomas sy menswaardigheid terug. Tomas se ongeloof het sy identiteit in Christus verwar en hom van sy menswaardigheid gestroop. 

Die kerk is vir mense wat soek na die waarheid en saam voor Jesus kom buig, sodat Sy wonde ons kan vry maak van ons  onkunde oor Hom en oor ons naaste.  Soos wat Tomas se ongeloof hom van Jesus vervreem het, so vervreem ons onkunde oor ander mense ons ook van hulle.

Die kerk is nie perfek nie, want gelowiges is nie perfek nie. Sodra die kerk die indruk wil skep dit is perfek, vervreem dit mense en raak ons ‘n struikelblok vir ander.  Van sulke mense sê Jesus: “Bind ‘n meulsteen om hulle nek en gooi hulle in die see”.   

Van watter onkunde of ongeloof oor God en oor ander mense moet ek en jy bevry word? 

Jesus, maak my vry….

Petrus: Jesus se liefde maak ons vry van skuld

Jesus herstel die kerk, die gemeenskap van gelowiges, deur Petrus vry te maak van sy skuld.  Hy het Jesus drie maal verloën, soos Jesus voorspel het. 

Hoe hanteer Jesus Petrus se skuld?  Word Petrus in die beskuldigdebank gebring waar hy moet verslag gee oor al sy sonde?  Moet hy verduidelik hoekom hy dit gedoen het? Nee, Jesus hanteer Petrus se skuld deur hom drie keer te vra of hy Jesus liefhet, want liefde maak vry.  Petrus en Jesus weet waaraan hy skuldig is. Dit is belangriker om bevry te word van sy skuld as om op die sonde te fokus. 

Die volgende stap in Jesus se strategie om Petrus te bevry van sy skuld is om hom ‘n geleentheid te gee om te dien.  Deur te dien genees die wonde van skuldgevoelens in Petrus se hart.  Daarvan skryf Petrus self in 1 Pet 1:22-23.  Deur ander lief te hê, herstel Petrus van sy skuldgevoelens.  Hy noem hierdie herstelproses wedergeboorte.  Dit is ‘n totale hartsverandering wat in hom plaasvind. 

Jesus se  woorde van liefde daar op die strand, maak Petrus ‘n nuwe mens, die oue is verby, die nuwe het gekom.  Dit is die wek van God. 

Van watter skuldgevoelens moet Jesus jou vrymaak, sodat jy jou menswaardig heid voor God kan herontdek en ook aan ander menswaardigheid kan gee? 

Hoe gaan jy dien? 

Slot: Liefde gee lewe

Joh 20:31 sê deur in sy Naam te glo, kan ons die lewe hê. 

Jesus se verskyning aan Maria, die elf dissipels, Tomas en Petrus het aan hulle die lewe gegee.  Die kerk [ek en jy] is Jesus se verskyning aan die wêreld waarin ons leef. Hulle wag vir die lewe wat Christus aan hulle kom gee, sodat hulle lewens waarde kan hê.

AMEN

     

Tags:

Trackback from your site.

Leave a comment

Kommentaar en navrae

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?

  • Avatar

    Chris van Wyk

    |

    Dit was Rethie van Niekerk se preek. Sy het in die preek verwys na die Hebreeuse woorde.

    Die eerste reël (seën) het drie woorde, dan vyf woorde, dan sewe woorde.  15, 20, 25 konsonante (onthou ʾ is ook ‘n konsonant).  11, 13, 16 lettergrepe (ek het weer getel, en dit is die korrekte aantal).

    24 yĕbārekkā yĕhwâh wĕyišmĕrekā
    25 yāʾēr yĕhwâh pānāyw ʾēlêykā wîyḥunekā
    26 yiśāʾ yĕhwâh pānāyw ʾēlêykā wĕyāśēm lĕkā šālôwm

    Hoop dit maak sin.

  • Avatar

    Annemarie vn Zyl

    |

    NUM 6; GOD SE SEEN, Goeiemore
    Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.

  • Avatar

    Chris van Wyk

    |

    Dankie Corrie! Mooi jaar vir jou.

  • Avatar

    Corrie

    |

    Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.

  • Avatar

    C Joubert

    |

    Inspirerende en besielende boodskappe

  • Avatar

    Sonja Lizemore

    |

    Beste Ds Chris.
    Net n GROOT DANKIE vir die liedere. Dit is baie spesiaal.

  • Avatar

    Chris van Wyk

    |

    Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.

  • Avatar

    Carol

    |

    Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.

  • Avatar

    Chris van Wyk

    |

    Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.