Kleingroepmateriaal: Numeri 13 en 14 – Vrees en vertroue, regverdigheid en genade

PERSOONLIKE LUISTER

Stop: Word stil.  Dink na oor die “reuse” in jou lewe, jou vrese en bekommernisse.  Noem hulle elkeen vir die Here.

Neem Waar:  Lees Matteus 6:25-34.  Lees die gedeelte ’n paar maal deer.  Dink na oor die wisselwerking tussen vrees en vertroue in jou eie lewe.  Iemand het gesê die pad na die beloofde land vra “dapperheid, inspanning en hoop”.  Wat is die beloftes van God waarop jy wag?  Wat is die vrese wat jou verhoed om dit in ontvangs te neem?  Is daar plekke waar jy eerder slawerny kies?  Watter kennis en ervaring uit die verlede herinner jou dat jy maar op God kan vertrou?  Waarvoor word jy tans geroep om God te vertrou?

Luister:  Skryf jou gedagtes in jou joernaal, sodat jy oor tyd kan agterkom hoe die Here besig is om jou te begelei rondom herhalende insigte en ingewings. Lees Num. 6:24-27 en eien dit vir jouself toe.

SAAM-LUISTER

Ingenooi deur God: Vertel vir mekaar wat tans in jul lewens aangaan op julle reis met God.  Wat is die “reuse” in jul lewens?

Ingaan in God se tyd: Laat iemand Numeri 6:24-27 biddend voorlees.  Gee tyd vir stilgebed.  Eien dié seën van die Here vir julle toe.

Luister na God se Woord:  Lees Numeri 13:1-3, 26-33, 14:1-24.  Gee kans dat elkeen rustig op hul eie oor die teks reflekteer:  wat staan vir jou uit?  Wat troos jou, want ontstel jou, watter vrae veroorsaak die teks by jou?

Luister na mekaar:  Vertel vir mekaar wat julle gehoor het in die teks.

Luister na ander en die tye:  Daar is baie geskryf oor die sonde van die Israeliete in hierdie gedeelte.  Baie klassieke skrywers het geargumenteer dat die mens se oer-sonde “trots” of hubris is.  Die volk se sonde op die drumpel van die beloofde land is egter nie trots nie, maar wanhoop (“despair”.)  Let op  hoe hul vrees veroorsaak dat hulle téén God se belofte kies, dat hulle vír slawerny kies.

Dink na oor jou eie lewe:  hoe beleef jy die wisselwerking tussen vrees en vertroue?  (Dink bv. aan vrae soos:  wanneer kry vrees die oorhand?  Wanneer is dit vir jou maklik om te vertrou?  Veroorsaak vrees soms dat jy nie gehoorsaam is aan God nie? ens.)

Kan julle aan maniere dink waarop ons ook, a.g.v. vrees, eerder slawerny kies as om God se belofte te ontvang?

Kyk hoe werk stories en vrees:  party verkenners gee ’n goeie dog waarskuwende verslag.  Hulle verwys na Enakiete, wat groot en sterk is.  Wanneer Kaleb egter ‘n positiewe verslag gee, kyk wat doen hulle:  hulle versprei stories en oordryf.  Nou skielik is die mense nie net groot nie, maar sommer afstamme-linge van mitiese wesens (“reuse” – lett. “Nephilim)”.  Kan julle aan soortgelyke maniere dink waarop vrees in ons gemeenskappe ’n houvas kry?

Luther het gesê dat die eerste gebod – “Jy mag naas my geen ander gode hê nie.” – beteken dat ons God boweal moet vrees, liefhê en vertrou.  Wat beteken dit vandag in jou lewe?

Luister weer na God se Woord:   Numeri 14 werp interessante lig op die verband tussen oordeel en genade.  Kyk na vers 18.  Wat dink julle beteken die woord “lankmoedig”?

Moses tree vir die volk in en herinner God aan God se eie woorde.  Moses verwys o.a. na Eksodus 20:5-6 (lees dit gou weer).  Nadat God die Tien Gebooie vir die volk gegee het, gaan maak en aanbid hulle ’n goue kalf (Genesis 32)!  Hierna word die Tien Gebooie wéér gegee.  Maar die uitbreiding is beduidend:  lees dit in Eksodus 34:6-7.  Wat is die verskille en wat, dink julle, beteken dit?  Wat sê dit vir ons dat hierdie uitbreiding kom ná die volk se afgodery?

Moses herinner God daaraan dat God vergewe.  God sê ook dat hy niemand sonder meer vryspreek nie.  Hoe help dit ons om Jesus se kruisdood te verstaan?

Dit beteken natuurlik dat Christene hierdie gedeelte met ek-stra perspektief lees.  Ons weet dat Jesus ons straf gedra het, sodat ons vrygespreek kan leef.  Lees Romeine 8:31-34.  Wat beteken die vryspraak in Christus vir jou persoonlik?

Fokus op wat God nou doen:  Waaroor het God vandag met jou gepraat?  Hoe moet jy reageer op God se stem?

Antwoord met ons lewe:  Bid saam en reageer op wat julle uit die Woord gehoor het.  Bid ook vir mekaar.

FAMILIE-LEWE

Rus:  Vertel vir mekaar van ’n keer wat jy bang was, maar God vir jou gesorg het.

Hoor:  Hierdie week se gedeelte is ’n gewilde Kinderbybel-gedeelte.  Lees dus Numeri 13-14 in enige Kinderbybel.  Julle kan dit selfs opvoer of op ’n ander manier kunstig uitbeeld

Leef:  Bid spesifiek vir dinge waarvoor julle bang is en vra God om julle te help om te vertrou.

 

     

Trackback from your site.

Leave a comment

Kommentaar en navrae

  • Avatar

    Radie Rademeyer

    |

    Goeie dag
    Ek is n 79 jare oue mans persoon gesond sterk en baie gesond Ek sal baie graag by iemand wil bly wat hulp nodig het met vervoer om takies te verrig te help waar ek kan inslaap
    My naam is Radie Rademeyer kontak nommer 0732641032 verwysings beskikbaar

  • Avatar

    Chris van Wyk

    |

    Die probleem is dat eiename gewoonlik nie “die” vooraan het nie. Miskien moet mens dit as ‘n titel beem, want dsn maak die “die” sin. “Die Christus.” “Die Duiwel.”

  • Avatar

    mariette

    |

    ‘n Goeie môre vanuit en van die Baai se tipiese dae….
    Ernst sê:
    “Die gebruik van die hoofletter het met “sterstatus” eintlik bloedweinig te doen – wel met die spelreël in die AWS wat bepaal dat eiename so geskryf word. Vgl ook “die Bose” in Mat 13:19.”
    Persoonlik glo ek dat die betrokke vertalings ook maar saamhang met die ‘geloofsoortuiging’ van die betrokke partye, soos gees of met die hoofletter by Gees – soos dit in Johannes 3,en veral by 4:23-24, vertaal word.

    ‘n Baie geseënde dag toegewens, met ‘n hand-aan-hand se stap saam met Jesus in jou gees.

  • Avatar

    Mariette

    |

    Lekker as iemand so wakker loop, Alwyn.
    Ek het julle twee se opmerkings vir Ernst (Kotzé) aangestuur. Dan hoor ons bietjie wat hy sê.
    Seëngroete

  • Avatar

    Chris van Wyk

    |

    Ek weet nie regtig die rede nie. Die 2020-vertaling vertaal al tien voorkomste van Duiwel in die NT regdeur met ‘n hoofletter. Dit is nogal vreemd met die “die” vooraan.

  • Avatar

    Alwyn Du Plessis

    |

    Askies 2020 vertaling Nie 2920 nie

  • Avatar

    Alwyn Du Plessis

    |

    Môre Chris .Help asseblief. Hoekom verkry die duiwel sterstatus in 2920 Bybelvertaling met ‘n hoofletter D Efesiers 4:27
    Groete

  • Avatar

    Chris van Wyk

    |

    Ons gaan voort met daardie diens. Marlein van Deemter hanteer dit.

  • Avatar

    Chris van Wyk

    |

    Oor die “ware” vertaling. Elke vertaling het sy waarde. Die 1983-vertaling is in makliker Afrikaans, maar meer onakkuraat. Die 1953-vertaling is ouer Afrikaans, maar baie na aan die oorspronklike teks. Die 2020-vertaling is meer moderne Afrikaans, maar ‘n meer direkte vertaling van die oorspronklike teks. Ek gebruik self nou die 2020-vertaling, maar lees ook graag in die ESV en die NET Bible. Kyk op Youversion se Bybeltoepassing.

  • Avatar

    Chris van Wyk

    |

    Hi Francois, dit is die 2020-vertaling van Bybelgenootskap. Jy kan dit gratis lees by https://biblesa.co.za/ of op hulle toep.

  • Avatar

    Francois Smith

    |

    Geagte Dr Chris van Wyk : ek het na U video geluister “WAARHEID vs DWALLEER , en omdat ek self ook in ons Wonderlike Vader Almagtig se Woord leef, het ek na die video tot die slotsom gekom dat die leiers in die Algemene Sinode ons Wonderlike Vader Almagtig GLADNIE KEN NIE , want net onkundige nie-weergebore mense kan die besluite neem wat hulle neem, soos U ons dit onder die aandag gebring het. Dr Chris, ek wil net weet uit watter Afrikaanse Bybel Vertaling leef en werk U , want ek herken nie die Woord wat U op die video gegee het. Ek het by Kairos Netwerk aangesluit om deel te wees van die soeke om die NG Kerk te stig in die volmaakte waarheid van ons Wonderlike Vader Almagtig, en dit was dan ook op Kairos Netwerk se whatsapp-groep lommunikasie waar ek hierdie week U genoemde video gesien het. Daar is 5 Afrikaanse Bybels op die mark, en meer as 360 Engelse Bybels…….WAT is volgens U die WARE Afrikaanse en Engelse Vertaling van al hierdie Bybels? Elke mens het ‘n unieke vorm van SPRAAK(Joh 8:43,44), en dan ook nog meer ons Wonderlike Vader Almagtig, dan ontstaan die HOE kan ons Vader Almagtig MEER as EEN vorm van spraak he’, vanwee al die verskillende vertalings? WIE in die Leierskap van die Kerklike Denominasies, KEN NIE die WARE SPRAAK van ons Wonderlike Vader Almagtig ? Daarom my vraag aan U, want indien ons die Evangelie van ons Vader Almagtig verdraaid aan mense verkondig, SAL hulle BLOED op ons hoofde wees. Vrede en liefde in Christus Jesus het ek vir U en die mede Gelowiges. Amen.

  • Avatar

    brian strydom

    |

    sal plasing van studente verblyf advertensie voortgaan?
    die dame wat oorbodig verklaar is was onseker
    mooi loop. Brian

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?