God is LIEFDE

Teologiese raamwerk

Vals beeld van God: God se liefde is voorwaardelik.
Ware beeld van God: God se liefde is onvoorwaardelik


Ons ore is al so afgestomp vir die woorde: “God het jou lief,” dat ons nie meer ’n
idee het wat dit werklikwaar beteken nie. Wat beteken dit? Wat beteken die woorde: “God het jou lief”?

Wel, dit beteken, onder andere: Jy word aanvaar. Jy word nie verwerp nie. Jy het waarde. Jy beteken iets. Jy is nie alleen nie. Iemand weet van jou. Iemand verlang na jou. Iemand se hart klop vinniger oor jou. Jy is vergewe. Jy is vrygespreek. Jy is skoon. Jy is heelgemaak. Jy hoef nie bang te wees nie. Jy hoef niks te vrees. Jy hoef oor niks bekommerd te wees nie. Jy is veilig. Jy hoef nie jouself te bewys nie. Jy kompeteer met niemand nie. Jy hoef nie ’n sukses te wees nie. Jy kan ontspan. Jy kan die wrok wat jy koester laat gaan. Jy kan vergewe. Jy kan vryspreek. Jy is vry.

God se liefde is nie iets buite ons bereik nie. Ons hoef nie eers op ’n spesiale plek in ons lewe te kom waar ons gereed is en reg is en waardig is om God se liefde te ontvang nie. God het ons al reeds lief. Ons is reeds binne-in God se liefde. Ons kan maar net ontdek hoe wyd en ver en hoog en diep God se liefde vir ons strek. Ons kan maar net tot stilstand kom en onsself verwonder aan die volle implikasies van God se liefde vir ons.

Die Engelse vertaling van Psalm 23 sê mooi: “Surely your goodness and love will follow me all the days of my life …” God se goedheid en liefde agtervolg ons. Dikwels is dit ons wat weghardloop vir God se liefde, soos die verlore seun. Dan moet ons weer tot stilstand kom, sodat God se liefde ons kan inhaal, en ons God se onvoorwaardelike liefde in ontvangs kan neem.

Geloofsgewoonte vir die week

Lectio Divina

Lectio Divina beteken letterlik “Goddelike lees”. Dit is ’n manier van Bybellees wat die Bybel toelaat om ons te vorm, ’n manier van lees wat luister na die hart. Hierdie antieke manier van lees gaan terug tot by die Shema, waar daar spesifieke gedeeltes uit die Hebreeuse Bybel gelees is met stiltes en klem op sekere woorde. Die vroeë Christene het Lectio Divina gesamentlik beoefen. Later het dit ’n meer individuele dissipline geword.

Met Lectio Divina lees ’n mens ’n Bybelgedeelte – gewoonlik nie meer as ’n paar verse nie – ’n paar keer oor, stadig, elke woord en frase word oordink, terwyl ’n mens die hele tyd bedag is op die impak wat die woorde in jou hart het. Op ’n manier is mens eintlik besig om die Woord te bid. Dit verskil radikaal van Bybelstudie, wat ’n meer informatiewe lees van die Bybel is.

Informatiewe lees van Bybel:
• Lees met die verstand om te begryp
• Verstaan
• Inligting
• Versamel kennis
• Beheer
• “Doing”
• Funksioneel – Bybel is hulpmiddel

Formatiewe lees:
• Lees met die hart om te ontvang
• Luister
• Transformasie
• Verhouding: om Iemand te ken
• Broos
• Being
• Verhouding – Die Bybel is die stem van God.

Oefen:

1. Kies ’n Skrifgedeelte. Om mee te begin kan jy dalk 1 Korintiërs 13:4-8 gebruik.
2. Gebruik ’n paar oomblikke om net te ontspan. Dalk kan jy op jou asemhaling fokus.
3. Eerste lees: Lees die gedeelte stadig deur. Stop tussen elke frase (bv. “Die liefde is geduldig” [pouse] “Die liefde is vriendelik” [pouse], ens.) Na die eerste lees, wees vir ’n paar oomblik stil.
4. Tweede lees: Lees die teks weer stadig deur en stop na elke frase. Stop dié keer egter langer. Wees bewus van die woorde of frases wat jou aandag trek of uitstaan. Na die tweede lees, maak ’n nota van daardie woorde of frases.
5. Derde lees: Lees die gedeelte tot by die woord / frase wat vir jou uitgestaan het. Lees die woord / frase ’n paar keer.
6. Oordink: Reflekteer vir ’n tyd lank oor die frase wat jou geraak het. Herhaal dit nog ’n paar keer. Kyk watter gedagtes die woorde by jou losmaak – dalk oor ervarings uit die verlede, ander Skrifgedeeltes, ens. Laat dit jou hart, jou begeertes en jou vrese raak. Begin nadink: “Wat sê God spesifiek vir my?”
7. Gebed: Laat die laaste vraag ’n gebed word. Vra vir God: “Wat sê U vir my deur die gedeelte?” Luister. Skryf neer wat jy voel God vir jou sê.
8. Rus: Wees gewoon vir ’n tydjie stil. Geniet God se teenwoordigheid.
9. Reageer: Vra vir jouself en vir God: “Waartoe word ek geroep deur die woord wat ek ontvang het?” Skryf jou antwoord neer.

Kleingroep

Rus

Vertel vir mekaar: hoe het jy as kind probeer om liefde te “verdien”? Wanneer voel jy geliefd? (Kyk na die inligting oor liefdestale onder “Huisgeloof”.)

Hoor

Lees Lukas 15:11-24 en die Teologiese Raamwerk
• Deel met mekaar: wat het jou opgeval, geraak of watter vrae het jy n.a.v. die Skriflesing en die teologiese raamwerk?
• Ons word groot met prestasie-gebaseerde aanvaarding (“performance-based acceptance”). Gesels oor hoe hierdie “aanvaarding” in ons wêreld funksioneer en beleef word. Hoe verskil dit van God se liefde? Hoe kan ons God se liefde verstaan te midde van so ’n wêreld?
• Ons glo ook ons moet God gehoorsaam. Hoe leef ons vanuit God se liefde én is gehoorsaam – sonder om wetties te wees?
• James Bryan Smith sê: “Legalism limits; love compels”. Wat dink julle daarvan?
• Die teologiese raamwerk praat so bietjie oor wat dit beteken om te sê God is lief vir ons. Wat beteken dit vir jou dat God jou lief het? Hoe lyk daardie liefde? Hoe beleef jy dit?

Leef

• Kon jy al hierdie week se geloofsgewoonte beoefen? Vertel vir mekaar wat jy gedoen het en hoe jy dit beleef het.
• Wat, indien enigiets, het jy oor jouself en oor God geleer toe jy dit gedoen het?

     

Tags: , ,

Trackback from your site.

Leave a comment

Kommentaar en navrae

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?

  • Avatar

    Chris van Wyk

    |

    Dit was Rethie van Niekerk se preek. Sy het in die preek verwys na die Hebreeuse woorde.

    Die eerste reël (seën) het drie woorde, dan vyf woorde, dan sewe woorde.  15, 20, 25 konsonante (onthou ʾ is ook ‘n konsonant).  11, 13, 16 lettergrepe (ek het weer getel, en dit is die korrekte aantal).

    24 yĕbārekkā yĕhwâh wĕyišmĕrekā
    25 yāʾēr yĕhwâh pānāyw ʾēlêykā wîyḥunekā
    26 yiśāʾ yĕhwâh pānāyw ʾēlêykā wĕyāśēm lĕkā šālôwm

    Hoop dit maak sin.

  • Avatar

    Annemarie vn Zyl

    |

    NUM 6; GOD SE SEEN, Goeiemore
    Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.

  • Avatar

    Chris van Wyk

    |

    Dankie Corrie! Mooi jaar vir jou.

  • Avatar

    Corrie

    |

    Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.

  • Avatar

    C Joubert

    |

    Inspirerende en besielende boodskappe

  • Avatar

    Sonja Lizemore

    |

    Beste Ds Chris.
    Net n GROOT DANKIE vir die liedere. Dit is baie spesiaal.

  • Avatar

    Chris van Wyk

    |

    Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.

  • Avatar

    Carol

    |

    Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.

  • Avatar

    Chris van Wyk

    |

    Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.