Gemeentebrief November 2008

BEDIENINGSBRIEF

 

Marietjie McFarlane vertel dat sy êrens gelees het van iemand wat sê dat die werk van die Here dikwels soos ‘n skilpad is:  dit beweeg stadig voort.  Dikwels bid jy oor ‘n saak, maar die Here se antwoord is soos ‘n skilpad.  Dit kan selfs so stadig beweeg, dat jy dit nie eers raak sien nie.  In ’n stadium verander die skilpad egter, ewe skielik, in ‘n vuurpyl.  Die gevaar is dat ons te vroeg moeg en moedeloos raak, dat ons ophou om die Here te soek voordat die skilpad in ‘n vuurpyl verander.

 

Dit wil lyk asof ons in die gemeente elke jaar (skynbaar tydens die winter) so ‘n skilpad-fase beleef.  In daardie tyd voel ons gefrustreerd en sukkel ons om die Here se werk in die gemeente raak te sien.  Ons raak se besig met die lewe, dat ons die skilpadjie wat rustig voortbeur, mis kyk.  Ons begin kla, raak onvergenoegd en probeer selfs ons eie planne maak.

 

Tog verander die skilpadjie elke jaar weer in ‘n vuurpyl.  Die Here was die hele jaar nog besig om ons voor te berei en dinge in plek te kry vir die vuurpyl om weg te trek.  Nou moet ons vashou en bo bly! 

 

Daar het wonderlike goed gebeur rondom Passie vir Christus.  Die Here gebruik hierdie bediening veral om ons aan mekaar te bind.  Mense kuier heerlik saam – selfs in die voorbereiding en werk word verhoudings gebou.  Hierdeur help die Here ons al meer “om met vreugde te lewe”.

 

In ons besluitnemingsprosesse leer ons al meer om onderskeidend te werk, om nie net agendas deur te werk nie, maar om werklik te soek na die Here se wil.  In elke vergadering beleef ons dat mense eerlik bereid is om te worstel, om die pad te stap totdat die skilpadjie in ‘n vuurpyl verander.  In die proses het die Here ook mense gebruik om meer struktuur te bring.  ‘n Klomp dinge het in plek begin val, leiers tree na vore en ons sien uit na die pad wat die Here verder vir ons beplan!  Die gemeente se leierskap is besig om op ‘n besondere manier “met liefde te dien.”

 

In hierdie vuurpyl-fase het die leraars een Dinsdag-oggend ‘n aangrypende vergadering gehad, waar die Here duidelik vir ons gewys het dat ons moet fokus op geestelike groei (wat Hy daarna ook etlike kere bevestig het).  Vandaar die reeks “Hulle het hulle heelhartig toegelê”, asook die weeklikse Didage.  As gemeente dink ons saam oor ons geestelike groei en stap ons saam die pad.  Die weeklikse eredienste en gepaardgaande joernaalblaaie help ons om hierop te fokus.  Woensdag-aande woon bykans 80 mense ‘n huweliksverrykingskursus, Bybelskool, Bly in Voeling én Lectio Divina by. 

 

Op hierdie manier het die Here ook die tweede deel van ons visie weer op ons tafel kom plaas:

Onder leiding van die Heilige Gees verbind ons ons daartoe om:Toenemend te lewe in ‘n liefdesgemeenskapAl meer vanuit sy Woord toegerus te wordElkeen volgens hul gawe verantwoordelikheid te aanvaar vir dienslewering:In die gemeenteEn in die wêreldSodat Christus te alle tye eerste in almal en alles is.   

Terwyl ons aan die vuurpyl vashou en opgewonde beleef hoe die Here in ons lewens werk, sien ons ook uit na dít wat die Here reeds op ons pad gesit het vir volgende jaar:  ons wil al meer begin fokus op geestelike begeleiding, sodat “elkeen volgens hul gawe verantwoordelikheid aanvaar vir dienslewering in die gemeente en die wêreld”.  Ons gaan volgende kwartaal in ons eredienste fokus op Geestelike Gewoontes.  Ook die Didage sal voortgaan.  Hier sien ons uit na ‘n volgende hoofstuk in die Bybelskool, Huweliksvoorbereiding, ‘n groep wat fokus op geestelike gewoontes en Familie vir gesinne, terwyl ons hoop om steeds voort te gaan met die Huweliksverrykingskursus en Lectio Divina.

 

Bid saam met ons vir al hierdie inisiatiewe, vanjaar en volgende jaar.  Ons bid dat die Here ons sal leer om ook in die skilpadfase te bly vashou en veral te bly hoop en glo.  Mag die Here dít waartoe hy ons geroep het, elke dag al meer waar maak, sodat ons al meer kan sê:

 Die gemeente van Somerstrand is ‘n hawe wat mense versorg en stuur om met vreugde te lewe en met liefde te dien vanuit ‘n vaste geloofsverbintenis met Jesus Christus ons Hoof.Onder leiding van die Heilige Gees verbind ons ons daartoe om:toenemend te lewe in ‘n liefdesgemeenskapal meer vanuit Sy Woord toegerus te wordelkeen volgens hul gawe verantwoordelikheid te aanvaar vir dienslewering:in die gemeente enin die wêreld

sodat Christus te alle tye eerste in almal en alles is.

 

Laai die volledige gemeentebrief hier af (571 KB)

 

 

     

Trackback from your site.

Leave a comment

Kommentaar en navrae

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?

  • Avatar

    Chris van Wyk

    |

    Dit was Rethie van Niekerk se preek. Sy het in die preek verwys na die Hebreeuse woorde.

    Die eerste reël (seën) het drie woorde, dan vyf woorde, dan sewe woorde.  15, 20, 25 konsonante (onthou ʾ is ook ‘n konsonant).  11, 13, 16 lettergrepe (ek het weer getel, en dit is die korrekte aantal).

    24 yĕbārekkā yĕhwâh wĕyišmĕrekā
    25 yāʾēr yĕhwâh pānāyw ʾēlêykā wîyḥunekā
    26 yiśāʾ yĕhwâh pānāyw ʾēlêykā wĕyāśēm lĕkā šālôwm

    Hoop dit maak sin.

  • Avatar

    Annemarie vn Zyl

    |

    NUM 6; GOD SE SEEN, Goeiemore
    Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.

  • Avatar

    Chris van Wyk

    |

    Dankie Corrie! Mooi jaar vir jou.

  • Avatar

    Corrie

    |

    Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.

  • Avatar

    C Joubert

    |

    Inspirerende en besielende boodskappe

  • Avatar

    Sonja Lizemore

    |

    Beste Ds Chris.
    Net n GROOT DANKIE vir die liedere. Dit is baie spesiaal.

  • Avatar

    Chris van Wyk

    |

    Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.

  • Avatar

    Carol

    |

    Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.

  • Avatar

    Chris van Wyk

    |

    Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.