Gemeentebrief Augustus 2008

Bedieningsbrief

Om met vreugde te lewe en met liefde te dien vanuit ‘n vaste geloofsverbintenis met Jesus Christus ons Hoof… en so snel die lewe voort. Ons knip ons oë en die jaar is amper verby, ons is reeds volstoom aan die beplan vir volgende jaar. Te midde van die snelle pas moet ons ook soms stilstaan en vra: wat is Bootjiedie Here besig om te doen? Hoe help hy ons om die roeping te leef wat hy vir ons gegee het?

As ons oor die eerste helfte van die jaar terugkyk, dan is dit duidelik dat ons besig is om te leer om al meer geloofsonderskeidend te werk, om al meer die Here se wil

te soek in alles wat ons doen en die besluite wat ons neem. Dit is een van die gevolge van die fokus op gebed wat die Here op ons harte gedruk het. Deur sy Gees is die Here besig om ons vaste geloofsverbintenis met Jesus te versterk. Al meer mense neem deel aan die “biddend luister” en soek op dié manier die Here se wil vir alles in die gemeente.

Terselfdertyd is daar ook ‘n groot beweging om dinge vas te maak, om veral bestuursake vaartbelyn te maak en binne ‘n goed geordende sisteem te laat funksioneer.

Hier is veral mense soos Frik Buys en die ander wat besig is om aandag aan die bestuur te gee, besig om die hele gemeente met liefde te dien.

Wat ons ander fokusarea – kleingroepe – aanbetref, sien ons ook die gemeente se visie gestalte kry. Chris, wat die kleingroepe gereeld besoek, vertel dat hy ‘n intense betrokkenheid by mekaar en die gemeenskap opmerk. In die Bybelstudiegroepe word daar diepsinnige, intense gesprekke gevoer. Die Here is steeds besig om die kleingroepe te gebruik om ons geloof te verinnig.

Natuurlik is die jaar nog nie verby nie! Ons sien met opgewonde verwagting uit na September se Lentefees. Daar is interessante, soms moeilike, gesprekke aan die gang rondom ons eredienste –  ook hier is ons besig om ernstig na die Here se leiding te soek. Ons wil ook graag saam dink oor ons totale kommunikasie-strategie: webtuiste, blog, afkondigings, Gemeentebrief, ens. Ons hoop om ‘n span entoesiastiese mense bymekaar te kry om saam hieraan aandag te gee (as jy graag wil deel wees hiervan, kontak die kerkkantoor). Hou veral hierdie spasie dop… wie weet hoe die gemeentebrief in die toekoms daar gaan uitsien?

Terwyl ons so met vreugde lewe, met liefde dien en groei in ons geloofsverbintenis met Jesus, bid ons dat ons sal voortgaan om ‘n hawe te wees vir mekaar en al meer daarin sal slaag om ‘n hawe te wees vir ons gemeenskap.

Laai die hele Gemeentebrief hier af.

     

Trackback from your site.

Leave a comment

Kommentaar en navrae

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?

  • Avatar

    Chris van Wyk

    |

    Dit was Rethie van Niekerk se preek. Sy het in die preek verwys na die Hebreeuse woorde.

    Die eerste reël (seën) het drie woorde, dan vyf woorde, dan sewe woorde.  15, 20, 25 konsonante (onthou ʾ is ook ‘n konsonant).  11, 13, 16 lettergrepe (ek het weer getel, en dit is die korrekte aantal).

    24 yĕbārekkā yĕhwâh wĕyišmĕrekā
    25 yāʾēr yĕhwâh pānāyw ʾēlêykā wîyḥunekā
    26 yiśāʾ yĕhwâh pānāyw ʾēlêykā wĕyāśēm lĕkā šālôwm

    Hoop dit maak sin.

  • Avatar

    Annemarie vn Zyl

    |

    NUM 6; GOD SE SEEN, Goeiemore
    Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.

  • Avatar

    Chris van Wyk

    |

    Dankie Corrie! Mooi jaar vir jou.

  • Avatar

    Corrie

    |

    Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.

  • Avatar

    C Joubert

    |

    Inspirerende en besielende boodskappe

  • Avatar

    Sonja Lizemore

    |

    Beste Ds Chris.
    Net n GROOT DANKIE vir die liedere. Dit is baie spesiaal.

  • Avatar

    Chris van Wyk

    |

    Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.

  • Avatar

    Carol

    |

    Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.

  • Avatar

    Chris van Wyk

    |

    Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.