Geloof is ‘n Verhouding Skriflesings: Gen 1:26-28 en Kol 2:9-10

Inleiding

Waaruit bestaan jou geloof, jou lewe saam met God?

So baie mense wil dit ‘n wetenskap maak.  As ek nie die bestaan van God en die skepping  logies kan verklaar nie, glo ek nie.  Ander mense wil geloof ‘n godsiens maak. Vir hulle is geloof ‘n wet of godsdienstige reëls wat nagekom moet word.  Hulle kies ‘n teologie en dan moet God en mense in daardie raamwerk inpas.

Van die begin af, sê die Bybel, is geloof ‘n verhouding.  Die skeppingsverhaal is die verhaal van God se verhouding met die mens.  God skep nie net die mens soos Hy die ander wesens geskep het nie; met die skepping van die mens bring God ‘n verhouding tussen Hom en die mens tot stand.

Die mens is geskep om in verhouding met God te leef – Gen 1 en 2

Die mens word as beeld van God geskep, want daar is ‘n ooreenkoms tussen God en mens [Gen 1:26]. “Toe God die mens geskep het, het Hy hulle gemaak as beeld van Homself” [Gen 5:1].

Verder maak God die mens deel van sy belange, sy koninkryk [1:26]. Hy laat hulle heers oor wat Hy geskep het en sê hulle moet vrugbaar wees en vermeerder en die aarde vul.  God maak die mens  ook deel van sy skeppingshandeling.

Beeld van God beteken ook dat die mens dieselfde wese as God het. God is ‘n verhoudingswese. Daar is volmaakte harmonie tussen Vader, Seun en Heilige Gees. Toe God die mens maak, skep Hy hulle as man en vrou [twee persone] en voeg hulle saam in die huwelik om in verhouding met mekaar te lewe.  Dit is nie net die mens as individu wat ‘n beelddraer van God is nie, maar ook die mens se verhoudings met mekaar is beeld van God, of nie beeld van God nie.

God skep die mens as ‘n lewende wese [2:7].  In teenstelling met die ander lewende wesens, is die mens gees, siel en liggaam, sodat hy volgens eie keuse op God kan reageer.

Die verhouding tussen God en mens kom duidelik na vore in die keuse wat God aan die mens gee in Gen 2:16.  In die gebod om nie van die boom van kennis te eet nie, vra God van die mens om vir Hom te kies, soos wat Hy vir ons gekies het.

Verbond met Abraham

Die verbond met Abraham is verhoudingstaal.  Gen 17:1 “Lewe naby my en wees opreg”.

Gen 17:7 “Ek sal jou God wees en ook die God van jou nageslag”

Jare later, met die uittog uit Egipte gee God die wet as riglyn vir hierdie verhouding, wat gebaseer is op liefde, verhoudingstaal. Deut 6:4-5 “Die Here is ons God, Hy is die enigste Here, daarom moet jy die Here jou God liefhê met hart en siel, met al jou krag”

Jesus kom hernuwe die verhouding

Joh 10:10 “Ek het gekom sodat hulle die lewe kan hê en dit in oorvloed”

Kol 2:9-10 “In Hom is die volle wese van God beliggaam, en in verbondenheid met Hom deel julle in sy volheid”

1 Joh 4:16b “God is liefde; wie in die liefde bly, bly in God en God bly in hom”

Al hierdie verse bevestig dat God weer die verhouding wat die mens nie van sy kant in stand kon hou nie, kom herstel met die koms van Jesus na die wêreld.

Geloof is ‘n verhouding met mense

1 Joh 4:7-8 “Geliefdes, ons moet mekaar liefhê, want liefde kom van God, en elkeen wat liefhet, is ‘n kind van God en ken God”

1 Joh 4:18 “Waar liefde is, is daar geen vrees nie, maar volmaakte liefde verdryf vrees, want vrees verwag straf, en wie nog vrees, het nie volmaakte liefde nie”

Ons verhouding met God is nie voltooi as dit nie mense insluit nie.  God sluit die mens volledig in by alles wat Hy geskep het en daarom moet ons ook alles en almal wat God insluit in ons verhouding met Hom insluit.

Waar is jou hart?

Die sleutelvraag is dus nie waar is jou verstand nie, maar waar is jou hart?

Een van die Skrifgedeeltes wat ons hierdie week gelees het, vra dieselfde vraag: Waar is jou hart?

Lukas 12:32-34 “…dit was die wil van die Vader om die koninkryk aan julle te gee…

…Skaf vir julle ‘n beurs aan wat nie leeg raak nie, ‘n onuitputlike rykdom in die hemel

… waar julle skat is, daar sal julle hart ook wees”

 

Die kernvraag is dus:

Glo jy in God omdat jy dit logies kan verklaar?

of

Glo jy in God omdat jou teologie vir jou sin maak en dit ‘n morele wet is waarvolgens jy wil lewe?

of

Glo jy in God omdat Hy jou liefhet en omdat jy Hom liefhet met hart en siel en al jou krag?

Want geloof is ‘n verhouding.

AMEN

 

 

 

 

Save

     

Trackback from your site.

Comments (1)

  • Avatar

    Rainier Taljaard

    |

    Brilliant vertel … dis waaroor God gaan, dis waaroor Jesus gaan!
    Dis ‘n boodskap wat jou in jou fondamente skud!

    Enige vrae, enige probleme, of geluk, lief en leed,word voorafgegaan, deurreik … omvat in hierdie boodskap!
    Dankie baie vir ‘n boodskap, helderliggend.

    Reply

Leave a comment

Kommentaar en navrae

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?

  • Avatar

    Chris van Wyk

    |

    Dit was Rethie van Niekerk se preek. Sy het in die preek verwys na die Hebreeuse woorde.

    Die eerste reël (seën) het drie woorde, dan vyf woorde, dan sewe woorde.  15, 20, 25 konsonante (onthou ʾ is ook ‘n konsonant).  11, 13, 16 lettergrepe (ek het weer getel, en dit is die korrekte aantal).

    24 yĕbārekkā yĕhwâh wĕyišmĕrekā
    25 yāʾēr yĕhwâh pānāyw ʾēlêykā wîyḥunekā
    26 yiśāʾ yĕhwâh pānāyw ʾēlêykā wĕyāśēm lĕkā šālôwm

    Hoop dit maak sin.

  • Avatar

    Annemarie vn Zyl

    |

    NUM 6; GOD SE SEEN, Goeiemore
    Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.

  • Avatar

    Chris van Wyk

    |

    Dankie Corrie! Mooi jaar vir jou.

  • Avatar

    Corrie

    |

    Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.

  • Avatar

    C Joubert

    |

    Inspirerende en besielende boodskappe

  • Avatar

    Sonja Lizemore

    |

    Beste Ds Chris.
    Net n GROOT DANKIE vir die liedere. Dit is baie spesiaal.

  • Avatar

    Chris van Wyk

    |

    Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.

  • Avatar

    Carol

    |

    Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.

  • Avatar

    Chris van Wyk

    |

    Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.