Aanddiens 18 Augustus 18:30 – 4. Angels and Cherubim

En die boeie het van sy hande afgeval

Het jy geweet dat engele in die Bybel geen vlerke het nie? Of dat gérubs nie oulike, mollige babas is nie? In episode vier van ons reeks ondersoek ons die Bybelse uitbeeldings van hierdie geestelike wesens om te verstaan presies wie hulle is en watter rol hulle in die verhaal van die Bybel speel.

Ons kyk veral in Handelinge 12 na die rol van engele in die geloofsgemeenskap sowel as in die publieke gemeenskap.

Sondagaand 18:30

Continue Reading

Familiediens 18 Augustus 09:00 – Vra sonder ophou

Het jy al opgehou bid, omdat jy moedeloos geraak het?

Voel jy ook soos die man wat ‘n grassnyer nodig gehad het. Terwyl hy loop om sy buurman se grassnyer te gaan leen, werk hy hom so op daaroor dat die buurman moontlik gaan nee sê, dat hy toe die deur oopgaan, sommer sê: “Man, hou jou grassnyer!”

‘n Mens kan jou só opwerk oor ‘n moontlike nee-antwoord dat jy nooit eers by vra uitkom nie. Jy besluit sommer self wat die antwoord gaan wees, en kom nie eers sover om te vra nie.

Maar, dan is daar natuurlik die kere wat jy wel sover kom om te vra, en dan stel die antwoord jou teleur. Dit kan ‘n mens erg moedeloos maak.

Soos ek nou onlangs ervaar het met ‘n administratiewe probleem by binnelandse sake. Ek was al vier keer daar en die probleem, ‘n eenvoudige regstelling op ‘n databasis, word nie uitgesorteer nie.

Ek is nou al moedeloos om te gaan, want ek kom elke keer onverrigter sake terug.

Jesus het geweet dat ons die werklikheid só kan ervaar, en dat veral die negatiewe ervarings van die lewe ons negatief kan maak oor God. Dat ons later kan dink, maar God is soos ons buurman of soos binnelandse sake. En dan óf moedeloos raak om te bid, óf nog erger, ophou om te bid.

Daarom vertel Hy vir ons ‘n gelykenis om ons te bemoedig. En Hy gebruik ‘n voorbeeld uit die regstelsel, ‘n regter wat goddeloos en liefdeloos was, wat nie volgens God se wette optree nie, en ook nie volgens die samelewing se wette nie. ‘n Korrupte vent. Maar, hy gebruik die negatiewe ervaring se onverwagse uitkoms om ons iets belangriks van God te leer.

Kom luister Sondag by ons Familiediens om 09:00 wat God ons uit Lukas 18:1-8 leer oor gebed.

Continue Reading

Wat op aarde is die hemelse raad? – Sondag 11 Augustus 18:30

Wat op aarde is die goddelike raad?

Wel, dit is om mee te begin nie op aarde nie! Hierdie Bybelse beskrywing word van toepassing gemaak op sekere geestelike magte wat God geskep het in die hemele deur wie Hy regeer. Ons lees hoe God op hulle voorleggings reageer in Job 1-2. Ons lees hoe God hulle intrek in die gesprek oor koning Agab (1 Kon 22). Ons lees hoe hulle self hulle besluit aan Nebukadnesar bekend maak (Dan 4:17).

Ons lees egter ook dat van hulle in opstand gekom het teen God. Dat dit nodig was vir Jesus om aan die kruis hulle te oorwin (Kol 2:15). Dat Hy daarmee God se agenda in ontvangs geneem het en nou God se verlossende oordeel in werking stel (Openb 4-5).

En dat God ons inspan in die geestelike oorlogvoering “teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.” (Ef 6:12)

Kom luister na meer oor die Goddelike Raad in episode drie van ons reeks oor Geestelike Wesens.

Continue Reading

Vertrou dat God luister (Nehemia) – Sondag 11 Augustus Familiediens 09:00

Hoe dink jy oor gebed?

In die algemeen dink mense gebed is om te vra. En dit is natuurlik deel van gebed. “Bid, en vir julle sal gegee word …” (Luk 11:9). Maar, om só te bid, beteken nie dat dit soos ‘n vraelysie is wat ‘n mens opstel nie. Gebed is ook om in te tree vir. Dit is om met God te praat oor die stand van sake, om soos ‘n Abraham van ouds met God te praat oor sy besluite, en te vra of dit nie miskien anders kan gebeur nie, soos ons dit in Genesis 18-19 lees. Daarom is gebed ook voorbidding en intersessie.

Maar, daar is meer. Gebed kom nie net van ons kant af nie. Gebed is ook God se saak. Gebed kom ook van God se kant af. Trouens, in Jesaja 65:7 praat die Here van die tempel as “die huis van my gebed.” Nie “my huis van gebed” soos dit in die meeste vertalings vertaal is nie. Maar, “die huis van my gebed (tĕfillātî).”

Laat dit ‘n bietjie insink.

Gebed is dus nie net ‘n lysie versoeke wat God toestaan of nie. Gebed is ‘n gesprek tussen God en mens waarin ‘n opname gedoen word van wat aangaan en daar dan saam besin word op die beste uitkoms.

Kom luister Sondag by Somerstrand se Familiediens om 09:00 hoe Nehemia se gebed ons inspireer om te bid in die vertroue dat God luister.

Continue Reading

The Elohim – Sunday 18:30

We live in a god-congested universe.

This may come as a shock to you.

  • Secular society has done a great job of relegating gods to the fantasy world of our movies and mythical stories.
  • Liberal theologians do the same. They teach a worldview that ignore gods. They don’t take into account what the Bible teaches on gods. They dismiss all those texts in the Bible that talk about gods, idols, and demons as a premodern worldview. One that should be discarded.

But doesn’t the first of the ten commandments direct us to: “have no other gods before me”? (Ex 20:3; Deut 5:7) Why would that then be necessary?

If there were no other gods, then this commandment of God would not be necessary. God would not need to tell his people to ignore other gods and focus on Him instead … if there were no other gods in the first place. He could tell them how backward they are …

But, God does warn them about gods. And He does that repeatedly. No other gods but Me. “For I the Lord your God am a jealous God,” he says in the law (Ex 20:5).

Why?

Come and join us in this, the second of our series of seven messages on Spiritual Beings. Sunday 18:30 Summerstrand NGK.

Continue Reading

Kommentaar en navrae

  • Avatar

    Dean van Wyk

    |

    Baie dankie Rethie vir hierdie inspirerende boodskap. Ek is oorspronklik van PE en woon nou 20jaar lank in PTA.
    In my stiltetyd vanoggend het ek Fil 2:12b-13 gelees en dit kan net deur die Gees van God wees dat ek op hierdie preek afgekom het.

    God seën jou bediening en geniet die see( ek beny julle).

  • Avatar

    Chris van Wyk

    |

    Dankie Hansie. Die Here is goed vir ons.

  • Avatar

    Hansie

    |

    Dankie Chris. Lanklaas so ‘n geestelik verrykende erediens bygewoon. Ek is skoon opgewonde. Alle seen vorentoe.

  • Avatar

    Chris van Wyk

    |

    Dankie Boeta!

  • Avatar

    AntonvanWyk

    |

    Baie duidelik. Pragtige versterkende boodskap