Ligkids Ons Vader Laat U wil geskied

God se wil is dit wat God vir ons lewens wil hê, omdat Hy ons liefhet en sodat ons vir Hom en ander kan wys dat ons hulle liefhet / sodat ons in die regte verhouding met Hom en ander mense kan lewe. Daar is baie dinge wat God ons in die Bybel leer ons MOET/MAG en MOET NIE/MAG NIE doen nie. Hoekom doen Hy dit? Omdat Hy sommer die lewe vir ons moelik wil maak en ons pret bederf? Nee! Omdat Hy net die beste vir ons wil hê. Waarom sê mamma en pappa vir jou dat jy nie jou hand op ‘n warm stoofplaat moet sit nie? Want hulle wil nie hê jy moet jou hand brand en seer hê nie. Wanneer ons bid: Laat U WIL geskied, net soos in die hemel, net so ook op die aarde, dan vra ons dat God ons sal help om gehoorsaam te wees aan Hom, soos die engele in die hemel aan Hom gehoorsaam is – hulle luister ALTYD vir Hom en doen presies wat Hy vir hulle sê. Ons leer vandag meer oor hoe ons kan weet wat God ons leer is reg en verkeerd en hoe ons gehoorsaam kan wees daaraan.

Ligkids Ons Vader #2 Laat U Naam geheilig word

Ons het elkeen ‘n naam. Party van ons het ‘n familienaam gekry soos Johannes Albertus Christiaan Hendrikus, ander het ’n klomp byname: Pikkewyn, Patat, Meerkat. Hoekom het ’n mens ’n naam of ’n bynaam? Dis so belangrik dat dit een van die heel eerste dinge is wat ons leer wanneer ons begin skoolgaan! ’n Naam is belangrik want dit is soos ’n etiket of ‘n stuk gereedskap om een persoon van ‘n ander te onderskei. Dit is belangrik sodat mense jou kan uitken. Weet julle dat God ons elkeen se naam ken? Ja! Ons name is vir Hom so belangrik! Dit is vir God ook baie lekker as Sy naam vir ons belangrik is. Hy wil dat ons dit “heilig hou”, maar hoe doen ’n mens dit? Ons gesels vandag verder daaroor.

Laai gerus die werkvelle met aktiwiteite hieronder af

Die Ons Vader Laat U Naam geheilig word vir voorskoolse tot Gr.3 kinders

Die Ons Vader Laat U Naam geheilig word Gr.4-6 werkvel

Jeug-groepies 2018 begin Sondag

Welkom terug! 

Sondagoggend begin ons weer volstoom met al ons jeug bedrywighede.  Alle voorskoolse tot Gr 7 kinders en hul ouers gaan tydens die erediens uitgaan na die Ark vir die indeling van vanjaar se groepies.

Let op dat die Graad 7’s se groepies voortaan soggens tydens die familiediens gaan ontmoet en nie meer voor die aanddiens soos verlede jaar nie.

Ons benodig baie dringend nog groepie-leiers vir Gr 1, 2, 3, 4, 5 en 7.  (Graad 3, 5 en 7 het nog geen groepleiers nie.)  Ons probeer om twee leiers per groep te hê, sodat leiers net elke tweede week ’n byeenkoms lei.  Meld asb. Sondagoggend tydens die groepe-indeling in die Ark aan as jy ’n groepie sal neem, of kontak vir Rethie.

Gr 8-11 kategese begin Sondagaand – almal kom 17:30 in die Ark bymekaar.