Bedieningsbrief Nov/Des 2011

Aan die einde van die jaar kyk ons met dankbaarheid terug oor die afgelope jaar, maar ook met opgewondenheid vorentoe.  Die Kerkraad het by hul afgelope vergadering lank gesels en besin oor wat die Here vir die komende jaar op ons tafel sit:  Ons wil in 2012 fokus op Jeug en Families – dit is wonderlik hoeveel energie die Here reeds in dié verband losgemaak het!  Die Kerkraad wil ook graag uitreik na onbetrokke lidmate.  Hulle wil ook meewerk daartoe om almal te laat welkom voel by ons (koinonia) – sodat ons regtig saam met vreugde kan lewe en ‘n hawe kan vind in die gemeente.  Verder is die versorging van ons lidmate in nood vir ons belangrik, asook die uitreik na hulpbehoewendes – so wil ons mekaar en die wêreld met liefde dien.  Daar gaan ook vroeg in die nuwe jaar ‘n Kleingroeperaad op die been gebring word, om sodoende die Kleingroepe uit te brei en meer sinergie te bring in ons bediening.  Tussendeur onderneem die Kerkraad om voortdurend vir die gemeente te bid, soos wat ons ook in Fil. 4:6 hoor:  Moet oor niks besorg wees nie, maar maak in alles julle begeertes deur gebed en smeking en met danksegging aan God bekend.  Bid asb. saam met ons vir die taak wat die Here ons as gemeente oplê!  (As jy graag weekliks tyd opsy wil sit om saam met ons vir die gemeente te bid en die weeklikse gebedsbrief wil ontvang, kontak vir Rethie.  Onthou ook om ‘n draai te gaan maak by die  nuut-ingerigte Gebedskamer!)

As gemeente is ons deel van mekaar.  Daarom wil ons graag saam mylpale vier.  Ons kan egter net vier waarvan ons weet!  Die Kerkraad rig dus ‘n uitnodiging aan almal om ons op hoogte te hou van alle nuus:  siekte, sterfte, trek, iemand wat trou, graad kry, ens.  Stuur vir ons ‘n e-pos, sodat ons in mekaar se vreugdes en hartseer kan deel op die lewenspad wat ons saam stap.

E.P. du Plessis skryf:

‘n Vlooi het homself gekritiseer

vir die eenduisend sewehonderd-en-vyftigste keer:

“Ek is so ‘n eenvoudige ou insekkie,

sonder ‘n huis of ‘n eie plekkie;

ek lewe van ander se lewensbloed,

… ek is net so ‘n plaag soos ‘n vloed of ‘n droogte:

als doen ek sleg, niks doen ek goed …”

Toe spring hy maar op, sonder moed –

twintig keer sy eie hoogte.

 

Geseënde, rustige Kersfees! 

Die Leraars

 

     

Trackback from your site.

Leave a comment

Kommentaar en navrae

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?

  • Avatar

    Chris van Wyk

    |

    Dit was Rethie van Niekerk se preek. Sy het in die preek verwys na die Hebreeuse woorde.

    Die eerste reël (seën) het drie woorde, dan vyf woorde, dan sewe woorde.  15, 20, 25 konsonante (onthou ʾ is ook ‘n konsonant).  11, 13, 16 lettergrepe (ek het weer getel, en dit is die korrekte aantal).

    24 yĕbārekkā yĕhwâh wĕyišmĕrekā
    25 yāʾēr yĕhwâh pānāyw ʾēlêykā wîyḥunekā
    26 yiśāʾ yĕhwâh pānāyw ʾēlêykā wĕyāśēm lĕkā šālôwm

    Hoop dit maak sin.

  • Avatar

    Annemarie vn Zyl

    |

    NUM 6; GOD SE SEEN, Goeiemore
    Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.

  • Avatar

    Chris van Wyk

    |

    Dankie Corrie! Mooi jaar vir jou.

  • Avatar

    Corrie

    |

    Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.

  • Avatar

    C Joubert

    |

    Inspirerende en besielende boodskappe

  • Avatar

    Sonja Lizemore

    |

    Beste Ds Chris.
    Net n GROOT DANKIE vir die liedere. Dit is baie spesiaal.

  • Avatar

    Chris van Wyk

    |

    Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.

  • Avatar

    Carol

    |

    Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.

  • Avatar

    Chris van Wyk

    |

    Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.