Author Archive

25 Jul 2021 Erediens 2 Kon.4:42-44 ‘n Profetiese rol vandag.

Ek glo almal van ons borsel elke oggend en partymaal ook in die aande jou tande met ‘n tandeborsel en tandepasta. Jy het sekerlik al ‘n buisie tandepasta gedruk sodat dit kan uitkom, maar het jy dit al probeer terugsit? Dis ‘n gesukkel en daarom moet jy mooi werk wanneer jy die buisie druk. So is dit ook met ons woorde en dade – dit wat ons gesê en gedoen het, kan ons nie terugkry nie. Daarom moet ons versigtig wees met en goed nadink oor hoe ons dit gebruik. ‘n Groep mense in die Bybel wat veral gelet het op hulle woorde en dade, was die profete, want hulle moes God se boodskap net so aan die mense oordra en deur hulle dade in ooreenstemming daarmee optree. Ons kyk na die geskiedenis van die profete in die Bybel. Elkeen van ons het egter steeds ‘n profetiese rol om te vervul, in die onderskeie beroepe wat ons beoefen, die kringe waarin ons beweeg, die huishoudings waarvan ons deel is. Clement van Rome, ‘n pous in die jaar 88 n.C. verwoord ons as gelowiges se profetiese rol in sy gebed: Ek bid dat U vandag vir hulle wat swaar kry sal help, Hulle wat geval het sal ophelp Hulle wat in nood verkeer sal verlos van hulle ellende Ek bid dat U die wat siek is sal genees Hulle wat afgedwaal het sal terugbring Die hongeres sal voed Die swakkes sal versterk Die wat moed verloor het nuwe visie sal gee Maar Here, terwyl ek vra dat U hierdie dinge sal doen, Besef ek dat U gekies het om dit deur my te doen.

Continue Reading

18 Jul 2021 Erediens Efe.6:10-20 Hoe sal ons bly staan?

Efe.6:10-20 Hoe sal ons bly staan? Ons is almal op een of ander manier in verskillende veldslae gewikkel…Deurgaans in Paulus se lewe voer hy ‘n stryd teen die fisiese gevare en bedreigings, Romeinse owerhede, honger, armoede nie, ook die innerlike stryd. Die Here inspireer hom om vanuit die tronk in Rome hierdie bemoedigende brief aan die gelowiges in Klein-Asië, te skryf. Dit was ‘n omsendbrief, m.a.w. hulle moes dit aanstuur. Vandag kan elkeen van ons dit lees en weet: dit is ook vir jou en my bedoel. Hier word die opdrag gegee om in die stryd wat ons in die wêreld, ons land, huise en harte stry, soos die 1983-vertaling dit stel: op ons pos te bly. Die 1953-en 2020-vertaling sê meer getrou aan die Griekse teks, staande kan bly of vas kan staan (v.11,13,14) Die Griekse woord “stenai” – verwys letterlik na ’n soldaat of weermag wat ‘n kritiese en strategiese militêre posisie inneem teenoor ‘n vyand. Ons word gehelp om ons posisie te bepaal in watter stryd ons ookal stry. Ken jou Bevelvoerder/Verlosser. Ken jou vyand. Onthou die regte “kleredrag”. “Stry die goeie stryd van die geloof. I Tim. ‭6:12 ‬

Continue Reading

Watter verskil maak God se teenwoordigheid? Ps. 24 11 Jul 2021 Erediens

Terwyl Ps.23 eindig met die getuienis van God wat Sy kinders soos eregaste by ‘n feesmaal ontvang, werp Ps.24 lig op hoe ons as mense, in die besonder ons wat Sy kinders is/Hom ken en lief het (soos dit ook die geval met Israel onder leiding van koning Dawid was), hoe ONS vir God as dit ware aan ons tafels (in ons lewens) “ontvang”. Dit is in ons familie die gebruik om baie moeite te doen as iemand by ons aan huis kom/kom eet/kuier. So wil dit vir my voorkom of dit in ander huishoudings ook so werk… ‘n Predikants-vriend van my vertel dat hy een aand gaan huisbesoek doen het by mense en toe sommer daar sou eet. Hulle gaan sit toe aan tafel en die mense se seuntjie sit langs hom. Die vra toe vir sy ma: Hoekom eet ons vanaand uit hierdie borde? Ons eet nooit uit hulle nie! Die ma het natuurlik nie geweet wat om te sê nie. Hoe verander die teenwoordigheid van die Here egter ons lewens, ons denke, gedrag, waar Hy nie net ‘n tydelike Gas is nie, maar as Heilige Gees altyd by ons is? Wat kan ander mense beleef, raaksien, veral in hierdie tyd, by ons, wat die teenwoordigheid van die Here verteenwoordig? Ons sien wat beteken die teenwoordigheid van die Here vir die volk in hulle reaksie daarop in die lied van Ps.24…

Continue Reading

Doen Jesus vandag nog wonderwerke? Ligkids 27 Jun 2021

Vir wie vra jy gewoonlik as jy iets nodig het? As dit koud is, kan hulle dalk vir jou ‘n kombersie gee, maar hulle kan nie die weer verander nie. As jy siek is of seergekry het kan hulle dalk vir jou medisyne gee en ‘n pleister plak, maar hulle kan jou nie gesond maak nie. Net Jesus kan dit doen, omdat Hy slimmer en sterker as enigiemand anders is. Sulke dinge wat net Jesus kan doen, noem ons wonderwerke! Daar is baie stories oor wonderwerke in die Bybel, ons lees vandag uit Mark.5 waar Jesus Jaïrus se dogtertjie lewend en gesond gemaak het! Maar…doen Hy vandag nog wonderwerke? ONTHOU: Ons hou volgende Sondag 4 Julie Drive-thru kwartaalafsluiting @ 09:30!

Continue Reading

Wat as ek bang is? 1 Sam.17 Erediens 20 Jun 2021

Ons lees 1 Samuel 17…Die bekende verhaal van Dawid en Goliat. Dit is relevant ongeag hoe jonk of oud jy mag wees, want dit spreek die vreesfaktor in ons lewens aan. Ons is almal, van die skrikkeriges tot die brawes (of altans, die wat dink hulle is braaf) onder ons, bekend met die ervaring van: om bang te wees. “Goliat”, daardie persoon, gebeurtenis, verwagting, daardie “ding”, wat die ervaring van vrees by ons aanwakker, neem verskillende gedaantes op verskillende stadiums van elkeen van ons se lewe aan. Waarvoor is jy bang? Wees eerlik en laat God jou help. Een van die frases wat die meeste in die Bybel gesê word is: Moenie bang wees nie. Deur die verhaal van Dawid en Goliat gee God vir ons as mense wat onsself maar gedurig betrap met vrees in ons harte, drie vastrapplekke sodat ons as Sy kinders Sy opdrag kan uitvoer: Moenie bang wees nie. Mag jy nie deur vrees oorweldig te word nie, maar te midde van bedreigings, bekommernisse, “vrees”-like situasies, die oorweldigende vrede van die Here kan beleef, soos wat Dawid het, nie net in hierdie situasie nie, maar voortdurend in sy lewe.

Continue Reading

Reuse en dapper muise1 Sam.17 Ligkids 20 Junie 2021

Waarvoor is jy bang? Goggas? Slange? Die donker? Wat van om skool toe te gaan, omdat daar ‘n maatjie is wat met jou lelik is? Of dalk is jy bang vir die toets of eksamen wat jy moet gaan skryf… God weet ons word soms bang en Hy wil ons help! Ons luister na die storie van Dawid en Goliat. God het vir Dawid dapper gemaak om teen die reus te veg en te wen. Soms voel die dinge waarvoor ons bang is ook reus-agtig, dis sommer vir ons sleg en moeilik, MAAR God leer ons: Wees sterk, wees vasberade. Moenie skrik nie, moenie bang wees nie, want Ek, die Here jou God, is by jou oral waar jy gaan.” – Jos.1:9 Kom ons wees dapper, maak nie saak hoe klein of groot ons is nie! Ons maak vandag ‘n oulike kettie, wat ons herinner aan Dawid se slingervel!

Continue Reading

Kommentaar en navrae

  • Avatar

    Chris van Wyk

    |

    Dankie!

  • Avatar

    mariette

    |

    Môre-môre!

    Dankie Chris. Die reeks dra baie praktiese wenke oor en is verrykende luistergenot vir elkeen. Elke dag iets nuuts om na uit te sien!

    Seën daarop toegebid
    Mariette

  • Avatar

    Chris van Wyk

    |

    Nee, Elmarie, jy hoef nie. Ons kan 250 mense akkommodeer. Skryf net in by die deure. Baie welkom.

  • Avatar

    Prof Elmarie Venter

    |

    More Ds Chris. Ons is 3 wat wil bywoon. Moet ons nog bespreek? Groete
    Elmarie

  • Vreesloos 1

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • 21 Mei 2020

    |

    […] Pinkster-reeks se titel vanjaar is “Vreesloos”– oor geloof in ‘n tyd waar ons bang […]

  • Avatar

    Chris van Wyk

    |

    Ons het vir baie lank ‘n versorgingskommissie gehad vir leraars en personeellede. Dit was persone in die gemeente wat gereeld op informele wyse met elkeen van ons kontak gemaak het, belanggestel het in wat in ons lewens aangaan, uitgevra het na uitdagings, en vir ons gebid het. Dit was benewens die diensverhoudingekommissie wat meer op die formele dinge gekonsentreer het. Die inperking het ‘n bietjie daaraan verander, maar dit was ‘n baie goeie informele sisteem van versorging.

  • Avatar

    Des Sampson

    |

    Goeie dag. Ek is voorsitter van die DVK op Hartenbos. Wat doen julle mbt die versorging van predikante en kantoor personeel?

  • Avatar

    Chris van Wyk

    |

    Dit was Rethie van Niekerk se preek. Sy het in die preek verwys na die Hebreeuse woorde.

    Die eerste reël (seën) het drie woorde, dan vyf woorde, dan sewe woorde.  15, 20, 25 konsonante (onthou ʾ is ook ‘n konsonant).  11, 13, 16 lettergrepe (ek het weer getel, en dit is die korrekte aantal).

    24 yĕbārekkā yĕhwâh wĕyišmĕrekā
    25 yāʾēr yĕhwâh pānāyw ʾēlêykā wîyḥunekā
    26 yiśāʾ yĕhwâh pānāyw ʾēlêykā wĕyāśēm lĕkā šālôwm

    Hoop dit maak sin.

  • Avatar

    Annemarie vn Zyl

    |

    NUM 6; GOD SE SEEN, Goeiemore
    Ek het vanoggend hierdie Bybelstudie gedoen en dit was wonderlik. Die deel DIE TEKS verstaan ek egter glad nie. ek kry die aantal woorde reg maar glad nie die konsonante en lettergrepe nie. Ek verstaan ook nie die doel van hierdie deel nie, tensy jy wil bewys dat dit menslik amper onmoontlik is om die seen so te skryf, met die spesifieke aantal konsonante en lettergrepe sonder God se ingryping.. ek sal dit waardeer as iemand die deel in kort vir my verduidelik Baie dankie Annemarie van zyl.

  • Avatar

    Chris van Wyk

    |

    Dankie Corrie! Mooi jaar vir jou.

  • Avatar

    Corrie

    |

    Ds. Chris, soos altyd ń opbeurende en positiewe bydra deur U, vir die toepassing deur die kinders van God. Selfs hulle wat Hom nog nie as hul Saligmaker en Verlosser aangeneem het nie, sal baat by diė insetsel. Ek vra dat God se seën op U sal rus.

  • Avatar

    C Joubert

    |

    Inspirerende en besielende boodskappe

  • Avatar

    Sonja Lizemore

    |

    Beste Ds Chris.
    Net n GROOT DANKIE vir die liedere. Dit is baie spesiaal.

  • Avatar

    Chris van Wyk

    |

    Hi Carol, jy is reg, dit is ‘n kosbare insig! Ek het ook onlangs gepreek oor die inwonende Christus, as jy meer wil lees. Baie seën.

  • Avatar

    Carol

    |

    Baie dankie vir die eerste keer in my lewe besef ek nou wat my probleem is. Ek het nog nie vir JESUS in my ontdek nie dis geen wonder dat my verhouding met JESUS nêrens kom nie. Geen ontmoeting geen kennis of wysheid en GEEN GROEI.

  • Avatar

    Chris van Wyk

    |

    Hi Annelize – ons hou dienste in die kerkgebou (Louis Bothasingel 177, Somerstrand) om 09:00 Sondae tegelykertyd met ons Youtube erediens ook om 09:00. Ons het ook ‘n meer informele Youtube erediens – Pulse – wat van 11:00 af op ‘n Sondag beskikbaar is. Ter wille van die personeel se verlof sal ons DV van 27 Desember tot 24 Januarie nie fisiese eredienste in die kerk hê nie, net die Youtube erediens 09:00. Dié dienste word weer hervat van 31 Januarie af sowel as moontlik ‘n aanddiens om 18:30. As jy hier is, maak ‘n afspraak dat ons jou kan verwelkom. My sel is “nul agt twee 5749191”. Groete, Chris van Wyk.