Familiediens | NGK Somerstrand 22 Mei 2022 09:00 | Kerk en Youtube

Dis die middel van die 21ste eeu. Guy Montag is ‘n brandweerman wat boeke in ‘n futuristiese Amerikaanse stad verbrand. In Montag se wêreld begin brandweermanne vure eerder as om dit te blus. Hulle spuit paraffien oor huise met boeke daarin om dit af te brand, eerder as water om die vuur te blus. Dis die konteks van Ray Bradbury se fiktiewe futuristiese verhaal: “Fahrenheit 451”. Dit is die temperatuur waarteen die papier van boeke verbrand.

Die redes vir hierdie verbranding van boeke? 1) Mense lees nie meer boeke nie. Hulle kyk TV op muurgrootte toestelle. 2) Die samelewing het besluit dat boeke net konflik veroorsaak. Die “minderhede” in die samelewing het so aanstoot geneem aan die inhoud van boeke dat hulle besluit het om alle boeke heeltemal te verban en te verbrand.

Dan ontdek Montag ‘n besondere boek en begin koorsagtig elke woord daarin te verslind. Net, om daarom as ‘n vyand van die samelewing verklaar te word. Montag moet inderhaas vir sy lewe vlug! Dis egter ‘n boek waarin hy van ‘n boom lees waarvan die blare genesing bring vir die nasies…

Familiediens | NGK Somerstrand 15 Mei 09:00 | Kerk en Youtube

Psalm 73 open met die gedagte dat God baie goed is vir dié wat op Hom vertrou! Tog erken hy dat dit nie so maklik is om aan daardie geloof vas te hou wanneer hy rondom hom kyk nie. Dit lyk eerder of die wat op die Here vertrou swaar kry, terwyl die goddeloses voorspoed deur hul ongeregtigheid vergader.

Maar wanneer hy weer die Heiligdom betree en die Here deur aanbidding ontmoet, gee dit vir hom die nodige perspektief om alles anders te sien. Daardie ontmoeting herdefinieer woorde soos voorspoed en teenspoed, sodat dit nie meer net praat van materiële rykdom in die hede nie. Ons ontmoeting met Christus tydens aanbidding herinner ons aan die vreeslike uiteinde van die sonde, en dit vertel hoe ons daarvan verlos word deur ‘n pad wat lyding insluit. Sonde is sleg en dit maak alles sleg. Maar God is goed en red ons daarvan. Daarom moet ons nie toelaat dat die tydelike toestand van sake ons fokus van God af trek nie.

Die digter se gevolgtrekking is dat dit vir hom goed is om naby God te bly, omdat hy God se goedheid wil indrink sodat dit sy gedagtes en lewe vul. Net dan sal hy staande kan bly in ‘n wêreld wat so teen alles wat goed is rebelleer.

Ds Vian du Plessis

Nuusbrief

Moederskamer opknap

Ons wil graag die moederskamer so ‘n bietjie opknap. Ons sal enige donasies/skenkings in terme van speelgoed, boeke of baba items waardeer. Ons het wel spesifieke behoeftes:

  • ‘n sponsmatras vir ‘n enkelbed
  • ‘n lekker gemaklike stoel vir voeding
  • ‘n speelmat
  • ‘n “baby gym”
  • ‘n “mobile”

Skenkings kan op ‘n Woensdag tussen 9 en 12 by Marlein by die kerkkantoor afgelaai word of kontak Karen op 0845041781 om te kom oplaai.

Intreepreek – foto’s

Vian se intreepreek
Vian se intreepreek
Vian se intreepreek
Ons sing lekker saam
Ons sing lekker saam
Ons sing lekker saam
Ons sing lekker saam
Ons voorsanggroep
Kindertyd
Kindertyd met Franco
Kindertyd met Franco
Kindertyd met Franco
Kindertyd met Franco

Bevestiging – foto’s

Chris bevestig vir Vian
Chris bevestig vir Vian
Pieter Nel se groete namens die ring
Pa Jannie se wens vir sy seun Vian
Pa Jannie wens Vian geluk
Wicus Wait wens Vian geluk
Niekie Dorfling verwelkom Vian en Natania namens die kerkraad en gemeente
Annemarie Barnard verwelkom Vian en Natania namens die jongmense
Ursula Kilian verwelkom Vian en Natania namens die kinders
Chris verwelkom Vian en Natania as leraarspaar
Vian se respons
Ons vier fees
Ons vier fees
Ons vier fees
Die span wat reggestaan het
Ons vier fees