Posts Tagged ‘preke’

Paasfees 2017 Preek Kolossense 3

As jy iemand wil leer ken, wil weet wie hulle is en wat hulle laat tiek, dan wil jy altyd hulle storie leer ken.  Want jou storie – waar jy vandaan kom, wie jou mense is, wat in jou lewe met jou gebeur het – sê wie jy is.  Dit bepaal tot ’n groot mate jou waardes, jou keuses.  Ek is bv. gebore in Kimberley.  Ek het my hele skoolloopbaan op platteland deurgebring.   Ek het op Stellenbosch studeer, so ek is ’n Matie.  Maar eintlik moet jy verder teruggaan in my storie as jy my wil ken.  My ouma en oupa was nie geleerde mense nie.  Hulle het hard gewerk sodat my pa kon gaan leer.  Ons familie ag vandag harde werk en geleerdheid hoog.

Die storie van Paasfees, is ons storie.

Continue Reading

Hulle het hulle heelhartig toegelê

 

Eredienste vir die vierde kwartaal 2008 Hulle het hulle heelhartig toegelê - graphic van Jaco Potgieter wat werk met Calvyn se

God wil elke gelowige in ons gemeente inspireer om geestelik te groei. Die droom van ons gemeente is immers dat almal van ons met vreugde lewe en met liefde dien vanuit ‘n vaste geloofsverbintenis met Jesus Christus ons Hoof.
Mense groei egter geestelik op verskillende wyses. Ons wil daarom in die vierde kwartaal fokus op vier katalisators van geestelike groei wat
navorsing wys mense die meeste hiermee help. Dit sal voorkom dat jy
stagneer in jou geestelike lewe. Jy sal ook saam met ons al hoe meer
die kerk as ‘n platform vir diens kan begin benut. Die potensiaal van
Christus-gesentreerde mense is immers ontsaglik groot en ons wil ruimte
daarvoor skep!  Lees hier meer oor dié navorsing.

Die temas vir die verskillende Sondae is as volg:

  • 12 OKTOBER   – WAAR IS JY?
  • 19 OKTOBER   – VOLG MY!
  • 26 OKTOBER   – DIE VANILLA FAKTOR
  • 2 NOVEMBER   – DIE CONNECT FAKTOR
  • 9 NOVEMBER   – DIE PLATO FAKTOR
  • 16 NOVEMBER – DIE TRAMPOLIEN FAKTOR
  • 23 NOVEMBER – DIE MOMENTUM FAKTOR
  • 30 NOVEMBER – KERSANGDIENS

Vir elke erediens word daar hulpmiddels ontwikkel. Jy kan dit gebruik:

  • vir persoonlike nadenke,
  • vir kleingroepbyeenkomste,
  • vir gesprek met geestelike vriende en
  • vir huisgodsdiens.

Alles sal ook weekliks op hierdie webtuiste verskyn sodat jy kan bybly waar jy ook al op die aardbol rondreis. Op die blog kan jy ook deelneem aan gesprekke oor die weeklikse temas.

Mag van ons toenemend waar word, wat Lukas van die eerste gemeente in Jerusalem gesê het (Handelinge 2:42): “Hulle het hulle heelhartig toegelê op die leer van die apostels en die onderlinge verbondenheid … “

Continue Reading

Kommentaar en navrae

  • Avatar

    Marie Albertyn

    |

    Goeie Middag
    Ek sien u het verlede jaar verblyf gesoek vir u seun. As u van nog seuns weet, ek het n baie lekker kamer met kombuis en badkamer vir n seun.
    Tel.: 041-5831173 of 0842513492

  • Avatar

    Marinel Coetzer

    |

    Ek is dringend opsoek na selfsorg verblyf vir my , my ma en my seuntjie vir ongeveer n maand tot 2. Ek is swanger met n tweeling en hul word vroeg gebore so hul gaan in NICU vir n hele ruk wees. Ons kom van patensie en kan nie elke dag in en uit ry nie. As daar enige iemand is wat my kan uithelp asb laat weet my.

  • Avatar

    webmeester

    |

    Hi Sonja. Die OT apokriewe (weggelate) boeke is boeke wat uit die Joodse tradisie kom, maar nie met dieselfde gesag as die kanonieke (maatstawwe) boeke in die Bybel deur die Protestantse kerke aanvaar word nie.  Dit word dus nie as maatstaf of riglyn vir die geloof gebruik soos wat wel die geval is met die kanonieke boeke nie.  Hulle word ook deuterokanonieke (tweede maatstawwe) boeke genoem.  Hulle is waardevol, maar nie gesagvol nie.  Jy kan meer daaroor by hierdie skakel by Bybelskool lees. In kort is die NG Kerk se standpunt hieroor in die Nederlandse Geloofsbelydenis as volg: “Die kerk mag hierdie boeke wel lees en daaruit lering trek vir sover hulle met die kanonieke boeke ooreenstem. Hulle het egter geensins sodanige krag of gesag dat iemand deur hulle getuienis enigiets van die geloof of van die Christelike godsdiens sou kan bevestig nie. Hulle mag nie in die minste aan die gesag van die ander, die heilige boeke, afbreuk doen nie.” (artikel 6)

  • Avatar

    Sonja blignaut

    |

    Naand ds Chris.
    Kan u miskien vir my u opinie gee oor die Aprokriewe boeke? Moet ek dit in dieselfde lig as die ,Bybel bestudeer?
    Baie dankie
    Sonja

  • Avatar

    webmeester

    |

    Hi Jan. Die Here se Woord bly lewend en kragtig. In my eie herlees van hierdie preek het die Here self weer met my gepraat! Seën.