Posts Tagged ‘kleingroep’

Luisterblad 19-25 September

PERSOONLIKE LUISTERTYD

STOP:

Lees Psalm 91:1-6 rustig deur.  Lees dit weer.  Laat v2 jou gebed wees.  Hoor dan vv3-6 as God se antwoord op jou gebed.

NEEM WAAR: 

Lees hierdie week 1 Timoteus 6:1-19, rustig deur.  Watter woord of frase staan vir jou uit?

LUISTER:

Watter woord of frase spreek die meeste tot jou?  Staan ’n rukkie daarby stil.  Hoekom raak dit jou? Wat sê God daardeur vir jou?

Watter woord of frase ontwrig jou, maak jou ongemaklik?  Staan ook daarby stil.  Hoekom maak dit jou ongemaklik?  Praat God ook deur die ongemak met jou?

Continue Reading

Kleingroep aanddiens 26 tot 31 Januarie

’n Hart wat Omgee

RUS

• Vertel vir mekaar wat op die oomblik in jul lewens aangaan.
• Vertel ’n storie van ’n keer wat jy regtig gevoel het iemand gee vir jou om. Wat het hulle gedoen wat jou so laat voel het?

HOOR

Laat iemand bid en die Here vra om julle te help om te LUISTER na God se Woord en te LEEF soos wat God vra.
Lees Matteus 8:1-4
1. Gesels oor wat julle in dié gedeelte tref.
2. Melaatsheid – die Griekse woord kan eintlik na verskillende velsiektes verwys – het dié wat daaraan gely het kulties onrein gemaak. Dit het beteken dat hulle uit die tempel uitgesluit is (en dus nie vir God kon aanbid saam met ander nie). Hulle is ook sosiaal verwerp en uitgesluit. Dit was daarom een van die mees gevreesde siektes van die antieke tyd. Die man vra nie vir Jesus om hom gesond te maak (soos sommige vertalings dit vertaal) nie, maar om hom rein te maak. Gesels saam oor hoe julle dink hierdie man se lewe gelyk het voor hy Jesus ontmoet het. Wat presies vra hy alles van Jesus?
3. Kyk weer mooi na die teks: Jesus vat aan die melaatse man! Wat beteken dit vir jou lewe – die goed waaroor jy “vuil” en/of uitgesluit of verwerp voel?
4. Jesus se “ja” vir hierdie man, is eintlik ‘n “ja” vir almal wat uitgesluit is van die gemeenskap met ander in die teenwoordigheid van God. Hoe laat dit jou voel? Ontevrede? Dankbaar?
5. Wie is die mense wat ons gemeenskappe as “melaats” behandel? Wat sosiaal en/of godsdienstig uitgesluit word? Hoe kan ons met ’n hart soos Jesus teenoor hulle optree?

LEEF
• Waartoe roep die Here jou nou? Hoe gaan jy in die komende week omgee?
• Bid en vra die Gees om jul oë oop te maak vir mense wat verwerp is en om julle in die week te wys waar en hoe julle vir sulke mense kan omgee.
• Het julle kleingroep ’n spesifieke sendeling wat julle ondersteun? Hoe gaan julle die persoon hierdie week ondersteun? Indien julle nie ’n spesifieke sendeling ondersteun nie, bid daaroor, vra die Gees om julle te lei en kies ’n sendeling om aan te neem.

Continue Reading

Kommentaar en navrae

  • Avatar

    Marie Albertyn

    |

    Goeie Middag
    Ek sien u het verlede jaar verblyf gesoek vir u seun. As u van nog seuns weet, ek het n baie lekker kamer met kombuis en badkamer vir n seun.
    Tel.: 041-5831173 of 0842513492

  • Avatar

    Marinel Coetzer

    |

    Ek is dringend opsoek na selfsorg verblyf vir my , my ma en my seuntjie vir ongeveer n maand tot 2. Ek is swanger met n tweeling en hul word vroeg gebore so hul gaan in NICU vir n hele ruk wees. Ons kom van patensie en kan nie elke dag in en uit ry nie. As daar enige iemand is wat my kan uithelp asb laat weet my.

  • Avatar

    webmeester

    |

    Hi Sonja. Die OT apokriewe (weggelate) boeke is boeke wat uit die Joodse tradisie kom, maar nie met dieselfde gesag as die kanonieke (maatstawwe) boeke in die Bybel deur die Protestantse kerke aanvaar word nie.  Dit word dus nie as maatstaf of riglyn vir die geloof gebruik soos wat wel die geval is met die kanonieke boeke nie.  Hulle word ook deuterokanonieke (tweede maatstawwe) boeke genoem.  Hulle is waardevol, maar nie gesagvol nie.  Jy kan meer daaroor by hierdie skakel by Bybelskool lees. In kort is die NG Kerk se standpunt hieroor in die Nederlandse Geloofsbelydenis as volg: “Die kerk mag hierdie boeke wel lees en daaruit lering trek vir sover hulle met die kanonieke boeke ooreenstem. Hulle het egter geensins sodanige krag of gesag dat iemand deur hulle getuienis enigiets van die geloof of van die Christelike godsdiens sou kan bevestig nie. Hulle mag nie in die minste aan die gesag van die ander, die heilige boeke, afbreuk doen nie.” (artikel 6)

  • Avatar

    Sonja blignaut

    |

    Naand ds Chris.
    Kan u miskien vir my u opinie gee oor die Aprokriewe boeke? Moet ek dit in dieselfde lig as die ,Bybel bestudeer?
    Baie dankie
    Sonja

  • Avatar

    webmeester

    |

    Hi Jan. Die Here se Woord bly lewend en kragtig. In my eie herlees van hierdie preek het die Here self weer met my gepraat! Seën.