Stiltetyd derde kwartaal 2016 volgens RCL

LuisterBuitebladIn die derde kwartaal 2016 fokus die gemeente van Somerstrand op LUISTER.  Ons gaan weer soos in die verlede die ekumeniese RCL (Revised Common Lectionary) leesrooster volg.  Dit gee vir elke week vier teksgedeeltes: twee uit die OT en die Psalms, en twee uit die evangelies en die res van die NT. Ander gemeentes is welkom om dié materiaal vir hulle eie gebruik aan te wend.

STILTETYD
Lidmate word uitgenooi om die vier tekste vir die week in hulle stiltetyd te gebruik.  Ons gee vir elke teks die skakel na die ooreenstemmende bydrae op Bybelskool.com.   Dit is vir jou gerief in dié boekie opgeneem vir dié wat ’n gedrukte kopie of elektroniese wewergawe verkies.

Laai dit hier af: Stiltetyd derde kwartaal 2016

FOKUSTEKSTE
Die voorgestelde preektekste kom uit Kolossense, Jesaja, Jeremia, Lukas en 1 Timoteus. Die res van die begeleidende tekste kom uit Hosea, Hebreërs, Filemon, en Lukas.  Daar is soos altyd 10 Psalms vir dieselfde tyd.

  • 24 Julie 2016 Kolossense 2:6-15, (16-19); Hosea 1:2-10; Psalm 85; Lukas 11:1-13
  • 31 Julie 2016 (Sendingweek) Kolossense 3:1-11; Hosea 11:1-11; Psalm 107:1-9, 43; Lukas 12:13-21
  • 07 Augustus 2016 Jesaja 1:1, 10-20; Psalm 50:1-8, 22-23; Hebreërs 11:1-3, 8-16; Lukas 12: 32-40
  • 14 Augustus 2016 Jesaja 5:1-7; Psalm 80:1-2, 8-19; Hebreërs 11:29-12:2; Lukas 12:49-56
  • 21 Augustus 2016 Jeremia 1:4-10; Psalm 71:1-6; Hebreërs 12:18-29; Lukas 13: 10-17
  • 28 Augustus 2016 (Barmhartigheidsondag) Lukas 14:1, 7-14; Jeremia 2:4-13; Psalm 81:1, 10-16; Hebreërs 13: 1-8, 15-16
  • 04 September 2016 Lukas 14:25-33; Jeremia 18:1-11; Psalm 139:1-6, 13-18; Filemon 1-21
  • 11 September 2016 1 Timoteus 1:12-17; Jeremia 4:11-12, 22-28; Psalm 14; Lukas 15:1-10
  • 18 September 2016 1 Timoteus 2:1-7; Jeremia 8:18 – 9:1; Psalm 79:1-9; Lukas 16:1-13
  • 25 September 2016 1 Timoteus 6:6-19; Jeremia 32:1-3a, 6-15; Psalm 91:1-6, 14-16; Luk 16:19-31

Die bydraes wat hier geplaas word, gee jou ‘n bietjie meer inligting oor die konteks waarin elke teks voorkom. Jy hoef egter net die tekste te lees wat in die opskrifte aangegee word.

     

Trackback from your site.

Comments (4)

  • Avatar

    christa steyn marais

    |

    Week 2 Kol 3:1-11
    Dankie vir die mooi manier wat jy dit uitlê. Wat my getref het, is veral vers 5, dat ons alles wat julle onwaardig maak om God te ontmoet, moet afsterf. Ek het ook verder aangelees in vers 14, die heel belangrikste wat ons moet aanttrek is die liefde, want dit bind alles volmaak saam. Dat ‘n mens die hele dag, elke oomblik, hierdie dinge moet uitleef. Dankie ook vir jou voorbeeld en leiding wat ook my lewe beïnvloed.

    Reply

    • Avatar

      webmeester

      |

      Dit is my voorreg!

      Reply

      • Avatar

        christa steyn marais

        |

        Chris,Hosea 11:1-11 is vir my absoluut pragtig en ook die manier wat jy dit uitle.
        Veral daardie stukkie ,”My hart is diep ontroer in My, die deernis brand in My. Vers 9 ……want Ek is God en nie mens nie.

        Reply

  • Avatar

    christa steyn marais

    |

    Sommer iets anders. Dit hinder my geweldig as mense die Here se naam ydelik gebruik. Selfs predikante doen dit. ek kon dit nog nooit regkry om so ‘n persoon reg te help nie. Ek het net nie die guts nie!Ek het vir my sommer die boekie gekry van Luister. Werk nou sommer daaruit.

    Reply

Leave a comment

Kommentaar en navrae

  • Avatar

    Marinel Coetzer

    |

    Ek is dringend opsoek na selfsorg verblyf vir my , my ma en my seuntjie vir ongeveer n maand tot 2. Ek is swanger met n tweeling en hul word vroeg gebore so hul gaan in NICU vir n hele ruk wees. Ons kom van patensie en kan nie elke dag in en uit ry nie. As daar enige iemand is wat my kan uithelp asb laat weet my.

  • Avatar

    webmeester

    |

    Hi Sonja. Die OT apokriewe (weggelate) boeke is boeke wat uit die Joodse tradisie kom, maar nie met dieselfde gesag as die kanonieke (maatstawwe) boeke in die Bybel deur die Protestantse kerke aanvaar word nie.  Dit word dus nie as maatstaf of riglyn vir die geloof gebruik soos wat wel die geval is met die kanonieke boeke nie.  Hulle word ook deuterokanonieke (tweede maatstawwe) boeke genoem.  Hulle is waardevol, maar nie gesagvol nie.  Jy kan meer daaroor by hierdie skakel by Bybelskool lees. In kort is die NG Kerk se standpunt hieroor in die Nederlandse Geloofsbelydenis as volg: “Die kerk mag hierdie boeke wel lees en daaruit lering trek vir sover hulle met die kanonieke boeke ooreenstem. Hulle het egter geensins sodanige krag of gesag dat iemand deur hulle getuienis enigiets van die geloof of van die Christelike godsdiens sou kan bevestig nie. Hulle mag nie in die minste aan die gesag van die ander, die heilige boeke, afbreuk doen nie.” (artikel 6)

  • Avatar

    Sonja blignaut

    |

    Naand ds Chris.
    Kan u miskien vir my u opinie gee oor die Aprokriewe boeke? Moet ek dit in dieselfde lig as die ,Bybel bestudeer?
    Baie dankie
    Sonja

  • Avatar

    webmeester

    |

    Hi Jan. Die Here se Woord bly lewend en kragtig. In my eie herlees van hierdie preek het die Here self weer met my gepraat! Seën.

  • Avatar

    Jan Knoetze

    |

    Hierdie boodskap het my vanoggend weer hoop gegee. Ek het reeds besluit om op te gee met my roeping, nou vra ek weer die vraag; waar wil ons Here my hê? Dankie en God bless.