Sendingweek 2017

Luister en leef

Dit is nie genoeg dat ons net praat oor wat Jesus gedoen het nie. Ons sal dit moet waag om te doen wat Hy gedoen het. Jaco Strydom

Kom leer saam hoe ons meer in ons die gemeenskap kan uitreik en betrokke wees.

Spreker: Jaco Strydom

(CEO van die Echo Jeugontwikkeling, ‘n geloofsgemeenskap wat omgee vir jongmense in nood; Rubriekskrywer Beeld; Blogger, FinesseAnderkant die doringdraad; Deeltyds predikant in Villieria).

Sondagoggend, 15 Oktober, 09:00;

Sondagaand, 15 Oktober, 18:30 (Jeugdiens – daar sal pannekoek teen R5 voor en na die tyd verkoop word);

Maandagaand, 16 Oktober om 18:30 (daar sal beef en hoender shawarmas teen R50 op bestelling verkoop word);

Dinsdagaand, 17 Oktober om 18:30 (daar sal worsrolle teen R20 elk op bestelling verkoop word).

Louis Bothasingel 77, Somerstrand.
Continue Reading

Vreugdevol Vry!

Sluit gerus vir hierdie reeks aan by ‘n kleingroep.  Kontak die kerkkantoor om in te skakel.  Ons gaan ook weer saam inkleur.  Vir stiltetyd en in kleingroepe word die boekie “Vreugdevol Vry!” gebruik.  Materiaal vir verdere refleksie en families sal weekliks in die afkondigingsblaadjie wees.  Die Aanddiens gebruik die YouVersion “geleentheid” vir refleksie en kleingroepe.

15 Oktober 2017

Sendingweek

22 Oktober 2017

Familiediens: Hou op probeer… Sola Gratia

Aanddiens: Ontvang Rus… Sola fide

29 Oktober 2017

F:  Ontvang Rus… Sola fide  Hervormingsfees

A:  Hou op probeer… Sola Gratia

05 November 2017

F:  Meer as genoeg… Solus Christus Tiende dankofferfees

A:  Meer as genoeg… Solus Christus

12 November 2017

F:  Ontdek hoe om te leef… Sola Scriptura

A:  Die lewe as lied… Soli Deo Gloria

19 November 2017

F:  Voel God se ritme… Missio Dei

A:  Ontdek hoe om te leef… Sola Scriptura

26 November 2017

F:  Die lewe as lied… Soli Deo Gloria  Kerssangdiens

A:  Voel God se ritme… Missio Dei

Continue Reading

GOD STAAN VOOR JOU: NUMERI 22:1-35

‘n VERHAAL VAN GOD SE SORG wanneer ons op gevaarlike plekke beweeg – simbool: donkie

INLEIDING
Hierdie verhaal het baie uiteenlopende karakters. Koning Balak van Moab en die Moabiete aanbid die god Baal-Peor. Bileam is ‘n waarsêer wat in die land Ammau, Mesopotamië gewoon het, iemand wat enige G[g]oddelike wese sal aanroep ter wille van professionele sukses. Israel is op pad uit Egipte na die land wat God aan hulle beloof het en het nou in die land Moab aangekom. Dan lees ons ook van twee uitsonderlike karakters in hierdie verhaal, naamlik, die Engel van die Here en van Bileam se donkie.
Elkeen van hierdie persone in die verhaal, Balak, Bileam en Israel het op ‘n onvergeetlike manier ontdek dat God voor hulle staan. As God dit persoonlik vir Bileam sê, verstaan ons almal ook beter wat dit beteken dat God voor ons staan. Hy sê vir Bileam “Ek het jou kom voorstaan, want Ek sien jy is op ‘n gevaarlike pad” [Numeri 22:32].
Ons kan onsself in die posisie van enigeen van hierdie persone plaas, en ons sal vind hoe die Here met ons praat. Vir elkeen van hierdie persone was daar ‘n ander rede waarom God voor hulle kom staan het.

BALAK
Balak wil die Israeliete vervloek, omdat hy bang is dat hulle sy land sal inneem. Uit vrees laat roep hy vir Bileam, die bekende waarsêer. Hy probeer sy invloed gebruik om dit vir Bileam so aantreklik as moontlik te maak om na sy land Moab te kom en die Israeliete te vervloek.
God staan egter voor hom, sodat dit nie kan gebeur nie. Geen poging om Bileam te oorreed om Israel te vervloek, slaag nie. God staan nie net voor Balak om hom te keer om Israel te vervloek nie, maar ook om homself te beskerm, want Israel is deur God geseën, en daarom sal Balak ‘n vloek oor homself bring as hy vir Israel vervloek. Sonder dat hy dus bewus is van die gevaarlike pad waarop hy hom begewe, beskerm God vir Balak.

BILEAM
God staan voor Bileam op ‘n baie aangrypende manier. Hy beskerm hom ook van dieselfde gevaarlike pad deur hom te verhoed om Israel te vervloek. Daar is natuurlik ook ander redes waarom Bileam op ‘n gevaarlike pad is.
As waarsêer, is Bileam bereid om enige bo-natuurlike en G[g]oddelike mag te gebruik om suksesvol te wees in sy uitsprake. Sover ons weet, was hy bewus van JHWH, die God van Israel. Bileam het in Mesopotamië gewoon. Hy was wel deeglik bewus van die magtige dade van die God van Israel, daarom raadpleeg hy eers vir God voordat hy besluit om saam met Balak se boodskappers te gaan. Wanneer God dan aan Bileam verskyn met die duidelike opdrag om nie saam met die boodskappers van Balak te gaan nie, was hy gehoorsaam, omdat God vir hom gesê het, hy mag nie vir Israel vervloek nie, want God het hulle geseën.
So is God besig om voor Bileam te staan, om hom te beskerm van ’n gevaarlike pad.
Dan kom die tweede groep boodskappers van Balak af en Bileam raadpleeg weer die Here voor hy hulle die volgende dag antwoord. Hierdie keer sê die Here hy kan saamgaan, maar hy mag net sê wat Hy hom beveel, maar omdat die Here onrustig is oor Bileam, gaan staan die Engel van die Here [God self, in die gedaante van ‘n engel] voor Bileam om hom te waarsku dat hy op ‘n gevaarlike pad is [v32].
Bileam het teen die tyd die stem van die Here geken, maar nog nie die gedaante van die Here, in die vorm van ‘n engel met ‘n swaard in die hand, herken nie.
Dan gebeur die verrassende, die donkie sien die Engel raak en wend drie pogings aan om Bileam bewus te maak van die Engel voor hulle, maar steeds sien hy niks raak nie. Eers toe die donkie met hom begin praat, besef Bileam hier is iets buitengewoon aan die gebeur. Eers toe maak die Here Bileam se oe oop, sodat hy die Engel van die Here kan sien. Dan se die Here vir Bileam: “Ek het jou kom voorstaan, want Ek sien jy is op ‘n gevaarlike pad” [Numeri 22:32]. Die donkie het dit gesien en drie keer uitgedraai, maar jy wou nie raaksien dat jy op ‘n gevaarlike pad is nie.
Na hierdie persoonlike ontmoeting met die Engel van God is Bileam in die bevoorregte posisie om nie net die stem van die Here te hoor nie, maar ook vir God in die gedaante van ‘n engel te sien. In hoofstukke 23 en 24 lees ons hoe Bileam vier keer openbarings van God uitspreek en Israel seën in plaas van om hulle te vervloek. Die waarsêer word toe ‘n profeet van God self.
Hierdie ondervinding sou Bileam se werk as waarsêer in die toekoms geheel en al verander.

ISRAEL
Hoewel ons niks lees van Israel nie, moes hulle bewus gewees het van die optrede van Bileam en dat die donkie met hom gepraat het. Israel sou ook weer op ‘n nuwe manier verstaan het hoe God voor hulle staan, selfs al is hulle totaal onbewus van alles wat God tussen Balak en Bileam laat plaasvind het. Hulle sou weer eens besef hoe God vir hulle sorg, selfs al is hulle nie bewus hoe gevaarlik die pad na die beloofde land is nie.

EK EN JY
Waar beweeg jy? Op watter paaie begewe jy jouself?
Wat gebeur in jou lewe wat maak dat dinge nie uitwerk nie? Gebeur ongewone dinge soos Bileam se donkie wat begin praat?
Wat is God besig om vir jou te sê?

GOD
Hy het ook die mees ongewone ding gedoen deur sy Seun aan die kruis te laat sterf, sodat ek en jy Sy stem kan hoor, veel meer as Bileam se donkie wat gepraat het.

Keer terug van die gevaarlike pad waarop jy is.

AMEN

Continue Reading

Met ‘n kierie en ‘n koperslang

Met ‘n kierie en ‘n koperslang: Verhale van God se sorg in Numeri

 

Familiediens

  1. “In die woestyn”– 30 Julie

Die verhaal van twee generasies – Numeri 1-2, 26 – simbool: sensuslys

  1. “Die Here sal julle seën en julle beskerm”– 6 Augustus

God se seën vir ons lewenspad – Numeri 6:24-26 – simbool: Naam

  1. “‘n Onweerstaanbare lus vir vleis”– 13 Augustus

God se Almag in versoekings – Numeri 11 – simbool: kwartels

  1. “Ek sou wou wens dat Hy sy Gees op almal mag lê”– 20 Augustus

God se Inspirasie wanneer die las te swaar raak – Numeri 11, 27 – simbool: tent van ontmoeting

  1. “Hy is die betroubaarste in my diens”– 27 Augustus

God se Teenwoordigheid wanneer ons ‘n konflik van belange ervaar – Numeri 12, 17 – simbool: kierie

  1. “Die manne het ‘n slegte gerug oor die land versprei”– 3 September

God se Belofte wanneer mense ontrou raak – Numeri 13-14 – simbool: kinders

  1. “Elkeen wat opkyk, sal lewe”– 10 September

God se Aanraking vir ‘n nuwe begin – Numeri 21 – simbool: koperslang

  1. “Die leer van Bileam”– 17 September

God se Barmhartigheid in afvalligheid – Numeri 25 – simbool: spies

  1. “Die dogters van Selofgad”– 24 September

God se Regverdigheid in grys gebiede – Numeri 27, 36 – simbool: boerdery

Bestaande kleingroepe

Ons wil graag in ons kleingroepe aansluit by die reeks oor Numeri.  Die Bybelskool materiaal sal julle ook help om dieper in die boek se boodskap te delf.  Die kleingroepmateriaal sal dus aansluit by die volgende Sondag se preekteks, maar reeds die vorige Sondagoggend beskikbaar wees.

 

Nuwe kleingroepe

Ons moedig lidmate ook aan om nuwe groepe te stig vir hierdie kwartaal.  Daar sal lyste wees in die voorportaal waar julle julle name kan opskryf sodat ons julle daarmee kan help.  Julle kan ook direk met die leraars skakel.  Julle kan óf die kleingroepmateriaal gebruik óf die Bybelskool bywoon (of albei!).  Dié nuwe groepe kan aan die einde van die kwartaal self besluit óf en hóé hulle sal aangaan.

 

Bybelskool oor Numeri

Die Bybelskool hervat 24 Julie 2017 met die boek Numeri.  Skryf in by bybelskool.com/subscribe om die bydraes elke weeksdag te ontvang.  Dit is gratis.  Die eerste byeenkoms in die gemeente Somerstrand is 2 Augustus 18:00-19:00.  Die ander byeenkomste is: 7 Aug. (Maandag weens Vrouedag), 16 Aug., 23 Aug., 30 Aug., 6 Sept., 13 Sept.  Verdiep jou geloof met hierdie leesprogram.  Dit sal sewe weke duur.

 

Continue Reading

Geseënde Kersfees

bredamailchimp1

Geseënde Kersfees!

Welkom by ons Kersdienste:

25 Desember 08:00 en 09:30 (geen aanddiens)

Oujaarsdiens 31 Desember 19:00

Louis Bothasingel 77, Somerstrand
Vanaf Marine Rylaan (see se kant): draai regs in Admiraliteitsweg (Universiteit toe), draai regs in Kockstraat. Ons is die gebou op regterhand.
Vanaf Strandfontein, draai links in Admiraliteitsweg (by die Spar), links in die eerste straat (Kockstraat). Ons is die gebou op regterhand.

Kliek hier vir kaart na kerkgebou.

Continue Reading

Kommentaar en navrae

  • Avatar

    webmeester

    |

    Hi Jan. Die Here se Woord bly lewend en kragtig. In my eie herlees van hierdie preek het die Here self weer met my gepraat! Seën.

  • Avatar

    Jan Knoetze

    |

    Hierdie boodskap het my vanoggend weer hoop gegee. Ek het reeds besluit om op te gee met my roeping, nou vra ek weer die vraag; waar wil ons Here my hê? Dankie en God bless.

  • Avatar

    Tilla

    |

    Ons sien uit na lekker kuier!

  • Avatar

    webmeester

    |

    Dankie!

  • Avatar

    Mariette

    |

    Sowaar “food for thought”!
    Baie dankie…