Studentekamp 2018 Urban Connect

WELKOM BY DIE BESTE TYD VAN JOU LEWE!

(Click here for English)

Hoërskool is iets van die verlede…WHAAAT!! En nou is dit UniversiTYD! (See what I did there?)
Kom skop hierdie opwindende tyd van jou lewe af met sekerlik dié LEKKERSTE kamp waarop jy nog ooit was! Die studentekamp is die plek om mense te ontmoet wat gaan bydra om die volgende paar jaar die beste tyd van jou lewe te maak! Hier gaan dit LEKKER!

WANNEER: 29 Januarie tot 1 Februarie 2018  (Ons sal die program so inrig dat jy alle aktiwiteite wat jy by die universiteit wil bywoon, sal kan bywoon.)
WAAR: ACVV Marine Drive Youth Centre, PE.  (Marinerylaan, uit Somerstrand, verby The Willows Resort, hou reguit aan totdat jy die sentrum op regterhand sien.  15km van die Radisson Blu hotel.)
TEMA: Urban Connect

Gaan sluit solank aan by ons Facebook Event, dan kan jy op hoogte bly én jou vriende nooi om saam te gaan kamp!

Continue Reading

PASSIE VIR CHRISTUS 2008

Wat en wie is Passie vir Christus?

Dit is jy, dit is ek, dit is julle, dit is ONS!  Dit is NIE ‘n persoon, “hulle” of ‘n komitee nie. Dit is wat op jou hart lê, dit is wat jy voel, ervaar en vir HOM wil doen, gee en lewe. Dit is samesyn.  Dit is liefde gee en ontvang.  Dit is vriendskappe maak, vriendskap gee en vriendskap ontvang.  Dit is lag en geniet.  Dit is omgee.  Dit is gesellig en dit is veral  lekker!  Dit is gemeente waarvan ek deel is en dit is my mense.

“Passie vir Christus” is verlede jaar begin en ‘n klein vlammetjie is aan die brand gesteek wat gelei het tot die groot sukses van die baksteenprojek.  Maar omdat die kerk voortdurende groot finansiële verpligtinge het en die enigste bron van inkomste uit lidmate kom, het verskeie lede gevoel dat die “passie” iets is waarop die gemeente moet voortbou.

So het verskeie gemeentelede suksesvolle aktiwiteite ge-inisieer en georganiseer om nie net ons fondse aan te vul nie,  maar om ook veral aan die breë behoefte van samesyn en geniet binne die gemeente te voorsien. Ons dink aan:

–    lofsangdiens en wegneemetes
–    Walton Park se kermis
–    “Internasionale” ete en wynproe
–    Padkafee
–    Manne-ontbyt
–    Manne-aand

Gemeentelede het spontaan na vore gekom met projekte en idees.  Ons vertrou dat daar in die nuwe jaar ten minste elke maand een of ander aktiwiteit aangebied sal word.

‘n Beroep word dus gedoen op alle gemeentelede, bestuurslede, selgroepe, kleingroepe, gesinne, gebedsgroepe, bedieninge, jeuggroepe, aksie-groepe, kunstenaars, musici en skrywers – of te wel ‘n beroep op ek en jy – wat gedagtes en idees het om ‘n lekker gemeente-aktiwiteit of -projek te loots of aan te bied, om gerus met Liésl by die kerkkantoor kontak te maak.

Het JY ‘n passie?

Ronelle Boshoff

Continue Reading

Manne-ontbyt saam met Dr. Stephan van der Watt

Die uitdaging van Christen-man wees vandag.

Manne-ontbyt saam met Dr. Stephan van der Watt.
(Stephan is predikant by die NG Kerk Aliwal-Noord en het ‘n doktorsgraad oor die uitdagings van Christen-man wees vandag.)

Saterdag 18 Oktober om 8:00
NG Kerk Somerstrand
Louis Bothasingel 77
Volwassenes R75
Leerders en Studente R50
Kaartjies by Kerkkantoor, NGK Somerstrand 041 583 5115 (kantoorure)
Kom kuier saam met ander manne om ‘n heerlike ontbyt!
(Stephan sal ook die aanddiens van 19 Oktober om 18:30 by Somerstrand lei.)
Continue Reading

Passie vir Christus – vierde kwartaal 2008

Die Passie vir Christus se Lentefees word voortgesit in die vierde kwartaal met drie geleenthede:

  • ‘n Mannedag saam met dr Stephan van der Walt op 18 Oktober, ‘n kundige op die gebied van manlikheid,
  • ‘n Potjie-manne-aand saam met Johan Griesel op 21 Oktober – net 60 kaartjies!
  • ‘n Kaskar resies by die kerk.

Hou die aankondigings dop!

Continue Reading

Kommentaar en navrae

  • Avatar

    Marie Albertyn

    |

    Goeie Middag
    Ek sien u het verlede jaar verblyf gesoek vir u seun. As u van nog seuns weet, ek het n baie lekker kamer met kombuis en badkamer vir n seun.
    Tel.: 041-5831173 of 0842513492

  • Avatar

    Marinel Coetzer

    |

    Ek is dringend opsoek na selfsorg verblyf vir my , my ma en my seuntjie vir ongeveer n maand tot 2. Ek is swanger met n tweeling en hul word vroeg gebore so hul gaan in NICU vir n hele ruk wees. Ons kom van patensie en kan nie elke dag in en uit ry nie. As daar enige iemand is wat my kan uithelp asb laat weet my.

  • Avatar

    webmeester

    |

    Hi Sonja. Die OT apokriewe (weggelate) boeke is boeke wat uit die Joodse tradisie kom, maar nie met dieselfde gesag as die kanonieke (maatstawwe) boeke in die Bybel deur die Protestantse kerke aanvaar word nie.  Dit word dus nie as maatstaf of riglyn vir die geloof gebruik soos wat wel die geval is met die kanonieke boeke nie.  Hulle word ook deuterokanonieke (tweede maatstawwe) boeke genoem.  Hulle is waardevol, maar nie gesagvol nie.  Jy kan meer daaroor by hierdie skakel by Bybelskool lees. In kort is die NG Kerk se standpunt hieroor in die Nederlandse Geloofsbelydenis as volg: “Die kerk mag hierdie boeke wel lees en daaruit lering trek vir sover hulle met die kanonieke boeke ooreenstem. Hulle het egter geensins sodanige krag of gesag dat iemand deur hulle getuienis enigiets van die geloof of van die Christelike godsdiens sou kan bevestig nie. Hulle mag nie in die minste aan die gesag van die ander, die heilige boeke, afbreuk doen nie.” (artikel 6)

  • Avatar

    Sonja blignaut

    |

    Naand ds Chris.
    Kan u miskien vir my u opinie gee oor die Aprokriewe boeke? Moet ek dit in dieselfde lig as die ,Bybel bestudeer?
    Baie dankie
    Sonja

  • Avatar

    webmeester

    |

    Hi Jan. Die Here se Woord bly lewend en kragtig. In my eie herlees van hierdie preek het die Here self weer met my gepraat! Seën.